Tech Tips in Telugu _ How to Unfollow WhatsApp Channel, Check Follow These Steps
Tech Tips in Telugu : వాట్సాప్ ఇటీవల భారతదేశంలో తన ఛానల్స్ ఫీచర్‌ను అధికారికంగా ప్రారంభించింది. ఈ లేటెస్ట్ ఫీచర్ ప్రైవేట్ యూజర్లు మరింత కస్టమైజ్ చేసిన పద్ధతిలో ముఖ్యమైన అప్‌డేట్‌లను స్వీకరించడానికి అనుమతిస్తుంది. మీరు ఫాలో అయ్యే ఏదైనా వాట్సాప్ అకౌంట్ అన్ ఫాలో (How to Unfollow Whatsapp Channel) చేయాలని భావిస్తున్నారా? అయితే, మీకోసం అవసరమైన కొన్ని ఆప్షన్లను వాట్సాప్ అందిస్తోంది.
వాట్సాప్ పేరంట్ కంపెనీ అయిన (Meta), (WhatsApp) ఛానల్ ఫీచర్‌ని ఉపయోగించి ప్రైవేట్ బ్రాడ్ క్యాస్టింగ్ సర్వీసు (private broadcasting service)ను క్రియేట్ చేయొచ్చు. లేదంటే.. మీ సొంత వాట్సాప్ ఛానల్ ఆటో డిలీట్ (Whatsapp Channel Auto Delete) చేసేందుకు కూడా యూజర్లకు వీలు కల్పిస్తుంది.
వాట్సాప్ ఛానల్స్ అంటే ఏమిటి? :
ఛానల్ ఫీచర్ ఏకదిశాత్మక బ్రాడ్‌క్యాస్టింగ్ టూల్ (broadcasting tool) పనిచేస్తుంది. టెక్స్ట్, ఫొటోలు, వీడియోలు, స్టిక్కర్లు, పోల్‌లతో సహా వివిధ రకాల కంటెంట్‌ను షేర్ చేసేందుకు అడ్మిన్లకు అధికారం ఇస్తుంది. వినియోగదారులకు వారి ప్రాధాన్యతలకు సరిపోయే ఛానల్‌లను కనుగొనడంలో సాయపడేందుకు కంపెనీ సెర్చ్ చేసే డైరెక్టరీని అభివృద్ధి చేస్తోంది.
Read Also : WhatsApp Auto Delete Channels : వాట్సాప్‌లో ఛానల్ క్రియేట్ చేశారా? త్వరలో మీ ఛానల్ ఆటో డిలీట్ చేసుకోవచ్చు..!
ఈ డైరెక్టరీ వినియోగదారులు వారి అభిరుచులు, ఇష్టమైన క్రీడా బృందాలు, స్థానిక అధికార అప్‌డేట్స్, మరిన్నింటికి సంబంధించిన ఛానల్‌లను అన్వేషించడానికి అనుమతిస్తుంది. ఇంకా, వినియోగదారులు చాట్‌లు, ఇమెయిల్‌లు లేదా ఇంటర్నెట్‌లో షేర్ చేసిన ఇన్విటేషన్ లింక్‌లను ఫాలో చేయడం ద్వారా వాట్సాప్ ఛానల్‌లలో చేరడానికి ఆప్షన్ కలిగి ఉంటారు.
Tech Tips in Telugu _ How to Unfollow WhatsApp Channel
మీరు వాట్సాప్ ఛానల్‌ని సులభంగా ఫాలో చేయొచ్చు. అయితే, మీరు ఛానల్‌ని ఫాలో చేయడాన్ని స్టాప్ చేయాలనుకుంటే.. మీరు కొన్ని సులభమైన దశల్లో కూడా చేయవచ్చు. మీరు ఎప్పుడైనా ఛానల్‌ని ఫాలో చేయడాన్ని నిలిపివేయడం ఎంచుకోవచ్చు. మీరు ఫాలో చేయనప్పుడు ఇకపై నోటిఫికేషన్‌లను పొందలేరు లేదా మీ అప్‌డేట్‌ల ట్యాబ్‌లోని ఛానల్‌ల సెక్షన్‌లో అప్‌డేట్‌లను చూడలేరు.
వాట్సాప్ ఛానల్‌ని అన్‌ఫాలో చేయాలంటే? :
1. మీ స్మార్ట్‌ఫోన్‌లో (WhatsApp) ఓపెన్ చేయండి.
2. ఇప్పుడు Updates ట్యాబ్‌కు వెళ్లండి.
3. ఆ తర్వాత మీరు Unfollow చేయాలనుకుంటున్న ఛానల్‌ని ఓపెన్ చేయండి.
4. ఇప్పుడు త్రి డాట్స్ మెనుపై నొక్కండి. Unfollow ఎంచుకోండి.
5. చివరగా Unfollow క్లిక్ చేయడం ద్వారా confirm చేయండి.
Read Also : WhatsApp Channels : వాట్సాప్‌లో కొత్త ఛానల్స్.. ఎలా క్రియేట్ చేయాలో తెలుసా? మరెన్నో ప్రైవసీ ఫీచర్లు..!
