Apple to launch new password manager ( Image Credit : Google )
WWDC 2024 Event : ప్రపంచ టెక్ దిగ్గజం ఆపిల్ నిర్వహించనున్న ప్రతిష్టాత్మక WWDC 2024 ఈవెంట్ ఈ నెల 10న జరుగనుంది. ఆపిల్ ఈవెంట్ సందర్భంగా అనేక కొత్త డివైజ్‌లకు సంబంధించిన అప్‌డేట్స్ ప్రకటించే అవకాశం ఉంది. అంతేకాదు.. లాగిన్ డేటాను మేనేజ్ చేసేందుకు ఆపిల్ అన్ని ఐఓఎస్ డివైజ్‌ల కోసం పాస్‌వర్డ్‌లు అనే కొత్త యాప్‌ను లాంచ్ చేయాలని యోచిస్తోంది.
బ్లూమ్‌బెర్గ్‌లోని నివేదిక ప్రకారం.. కంపెనీ వచ్చేవారం రాబోయే వార్షిక ఈవెంట్ వరల్డ్‌వైడ్ డెవలపర్స్ కాన్ఫరెన్స్‌లో ఈ కొత్త అప్లికేషన్‌ను ప్రవేశపెట్టాలని ఎదురుచూస్తోంది. డబ్ల్యూడబ్ల్యూడీసీ 2024 జూన్ 10న ప్రారంభమవుతుంది. ఈ ఈవెంట్ ఏఐ ఫీచర్లతో ఆధారితమైన ఎంతో ఆసక్తిగా ఎదురుచూస్తున్న ఐఓఎస్18ని ప్రవేశపెట్టనుందని భావిస్తున్నారు. ఆపిల్ మల్టీ అప్‌గ్రేడ్‌లను తీసుకుచ్చే అవకాశం కనిపిస్తోంది.
కొత్త పాస్‌వర్డ్‌ల యాప్ ఏంటి? :
ఐక్లౌడ్ కీచైన్‌ని ఉపయోగించి ఐఫోన్లు, ఐప్యాడ్ లేదా విజన్ ప్రో అంతటా తమ పాస్‌వర్డ్‌లను సేవ్ చేయడానికి ఆపిల్ ఇప్పటికే యూజర్లను అనుమతిస్తుంది. కొత్త అప్లికేషన్ అదే విధంగా సింకరైజ్ అవుతుంది. అయితే, యూజర్ల అకౌంట్లు వై-ఫై నెట్‌వర్క్‌లు, పాస్‌కీలు వంటి వివిధ కేటగిరీలుగా లాగిన్‌లతో విభజించి కొత్త అప్లికేషన్ మార్కెట్‌లోని ప్రముఖ పాస్‌వర్డ్ మేనేజర్‌లు, వన్ పాస్‌వర్డ్, లాస్ట్‌పాస్‌ల మాదిరిగానే ఉంటుంది.
నివేదికల ప్రకారం.. కొత్త యాప్ వినియోగదారులు వారి పాస్‌వర్డ్‌లను రూపొందించడానికి ట్రాక్ చేసేందుకు సాయపడుతుంది. ఈ అప్లికేషన్‌తో ఆపిల్ సేవ్ చేసిన పాస్‌వర్డ్‌లను వెబ్‌సైట్‌లు, యాప్‌లలో ఆటోఫిల్ చేసేందుకు యూజర్లను అనుమతించనుంది. పాస్‌వర్డ్‌లు అథెంటికేషన్ యాప్‌గా కూడా పనిచేస్తాయి. గూగుల్ అథెంటికేటర్ యాప్ మాదిరిగానే ధృవీకరణకు సపోర్టు ఇస్తుంది. కొత్త యాప్ ఐఓఎస్18, ఐప్యాడ్ఓఎస్18, మ్యాక్ఓఎస్15లలో తొలిసారిగా లాంచ్ కానుందని భావిస్తున్నారు.
జూన్ 10న WWDC 2024 ఈవెంట్ ప్రారంభం :
డబ్ల్యూడబ్ల్యూడీసీ 2024 సమయంలో ఆపిల్ ఐఓఎస్18తో ఇంటిగ్రేట్ చేసిన ఏఐ డెవలప్‌మెంట్‌లపై దృష్టిసారిస్తుంది. రాబోయే ఆపరేటింగ్ సిస్టమ్‌తో ఆపిల్ డివైజ్‌లు భారీ యాడ్స్ కోసం ఒక వేదికను రూపొందిస్తున్నాయి. కొత్త ఓఎస్ ఏఐ పవర్డ్ ఫోటో రీటౌచింగ్, వాయిస్ మెమో ట్రాన్స్‌క్రిప్షన్‌లు, మిస్ అయిన నోటిఫికేషన్‌ల కోసం స్మార్ట్ రీక్యాప్‌లను కలిగి ఉంటుందని పుకారు ఉంది. మరింత నేచురల్ కానర్వేషన్ సామర్థ్యాలు, మెరుగైన యూజర్ పర్సనలైజేషన్ కోసం బిగ్ లాంగ్వేజీ మోడల్స్ చేర్చడంతో సిరి భారీ అప్‌గ్రేడ్‌ను పొందే అవకాశం ఉంది.
అదనంగా, ఆపిల్ యూజర్లు ఏఐ రూపొందించిన కస్టమ్ ఎమోజీలు, మెసేజ్‌లలో రిప్లయ్స్, ఆపిల్ మ్యూజిక్‌లో ఆటో జనరేటెడ్ ప్లేలిస్టులను పొందవచ్చు. హోమ్ స్క్రీన్ కూడా మరింత కస్టమైజడ్‌గా మారుతుంది. యాప్ ఐకాన్స్ మధ్య ఖాళీ ఖాళీలను క్రియేట్ చేసేందుకు కలర్లను మార్చడానికి యూజర్లను అనుమతిస్తుంది.
డబ్ల్యూడబ్ల్యూడీసీ 2024 ఈవెంట్‌లో ఎక్కువ భాగం ఏఐ టెక్నాలజీపైనే ఫోకస్ ఉండే అవకాశం ఉన్నప్పటికీ టెక్ దిగ్గజం అనేక ఇతర ఫీచర్లను కూడా ప్లాన్ చేసింది. ఏఐ మినహా ఐఓఎస్18 యూజర్ ఎక్స్‌పీరియన్స్ మెరుగుపరచడానికి ఫీచర్లను ప్రవేశపెట్టే అవకాశం ఉంది. ఈ ఫీచర్‌లలో హోమ్ స్క్రీన్ కస్టమైజేషన్ ఆప్షన్లు, డిజైన్ మార్పులు, కంట్రోలింగ్ సెంటర్ పునరుద్ధరణ, కొత్త సెట్టింగ్‌ యాప్ వంటి మరిన్ని ఉన్నాయి. ఆపిల్ ఇంకా ఏయే అప్‌డేట్స్ అందించనుందో తెలియాలంటే అప్పటివరకూ వేచి చూడాల్సిందే.
Read Also : MP Salary Per Month : లోక్‌సభకు ఎన్నికైన ఎంపీల జీతం ఎంత? అలవెన్సులతో కలిపి నెలకు ఎంత వస్తుందో తెలుసా?
