YouTube New Rules : భారతీయ యూట్యూబ్ క్రియేటర్లకు షాకింగ్ న్యూస్.. యూట్యూబ్ ఇండియా ఇండియా నుంచి కొత్త రూల్స్ అమల్లోకి రానున్నాయి. ఇటీవలి అధికారిక ప్రకటన ప్రకారం.. వీడియోలను మరింత ఆకర్షణీయంగా కనిపించేలా చేయడానికి క్లిక్‌బైట్ టైటిల్స్ లేదా థంబునైల్స్ ఉపయోగించే నిర్దిష్ట క్రియేటర్లను హెచ్చరిస్తోంది. గూగుల్ ఒక బ్లాగ్ పోస్ట్‌లో క్లిక్‌బైట్ పేర్లు లేదా థంబ్‌నెయిల్‌లతో కూడిన వీడియోలను తొలగిస్తుందని ప్రకటించింది, ముఖ్యంగా బ్రేకింగ్ న్యూస్ లేదా కరెంట్ అఫైర్స్‌తో వ్యవహరించే వాటిని తొలగిస్తుంది.
టెక్ దిగ్గజం ప్రకారం.. చాలా మంది కంటెంట్ క్రియేటర్లు ‘బ్రేకింగ్ న్యూస్’ లేదా ‘ది ప్రెసిడెంట్ స్టెప్స్ డౌన్’ వంటి మోసపూరిత క్యాప్షన్లను ఉపయోగిస్తున్నారు. తరచుగా అపార్థాలకు, చివరికి సరికాని కంటెంట్‌కు దారి తీస్తుంది. ఈ రకమైన క్యాప్షన్లతో వీక్షకులను, ముఖ్యంగా ముఖ్యమైన సమాచారం కోసం వెతుకుతున్న వారిని మోసగించడంతో పాటు వారికి చికాకు కలిగించే అవకాశం ఉందని యూట్యూబ్ పేర్కొంది.
ఆ వీడియోల కంటెంట్‌తో జాగ్రత్త.. :
“యూట్యూబ్‌లో తీవ్రమైన క్లిక్‌బైట్‌ను పరిష్కరించడానికి మా ప్రయత్నాలను బలోపేతం చేస్తున్నాం. దీని అర్థం.. టైటిల్ లేదా థంబ్‌నెయిల్ వీక్షకులకు వీడియో అందించని వాటిని వాగ్దానం చేసే వీడియోలకు వ్యతిరేకంగా నిబంధనలను అమలు చేయాలని మేం ప్లాన్ చేస్తున్నాము” అని గూగుల్ ఒక బ్లాగ్ పోస్ట్ ద్వారా తెలిపింది. “వీడియో బ్రేకింగ్ న్యూస్ లేదా కరెంట్ ఈవెంట్స్ వంటి అంశాలను కవర్ చేసినప్పుడు ఇది చాలా ముఖ్యం. వీక్షకులు యూట్యూబ్‌లో చూసే వీడియో సమాచారం గురించి తప్పుదారి పట్టించకుండా చూసుకోవాలి. రాబోయే నెలల్లో భారత మార్కెట్లో ఈ కొత్త నిబంధనలను నెమ్మదిగా అమల్లోకి తీసుకురానున్నట్టు” పోస్ట్ పేర్కొంది.
నో పెనాల్టీ.. వీడియో డిలీట్ చేయడమే :
సమస్యను పరిష్కరించేందుకు క్రియేటర్ ఛానెల్‌పై పెనాల్టీలు విధించకుండా ఈ రకమైన క్లిక్‌బైట్ వ్యూహాలను ఉపయోగించే వీడియోలను తొలగిస్తామని యూట్యూబ్ న్యూస్ ఇన్సియేటివ్ ప్రకటించింది. అయితే, కంపెనీ కంటెంట్ క్రియేటర్లకు యూట్యూబ్ కొత్త మార్గదర్శకాలతో వారి వీడియోలను ఎడిట్ చేసేందుకు సరిపోల్చడానికి కొంత సమయం ఇస్తుంది. ఈ ప్లాట్‌ఫారమ్‌లో క్లిక్‌బైట్ సమస్యను పరిష్కరించేందుకు యూట్యూబ్ గతంలో ప్రయత్నించింది. టెక్ బెహెమోత్ క్రియేటర్లకు క్లిక్‌బైట్ నుంచి దూరంగా ఉండేలా ఒక ఎడ్యుకేషనల్ కోర్సును ప్రారంభించింది. ప్రస్తుతం, అలాంటి క్యాప్షన్లను ఉపయోగించే వీడియోలను డిలీట్ చేయనుంది.
అసలు యూట్యూబ్ వార్తలు లేదా ప్రస్తుత ఈవెంట్‌లను ఎలా ఆర్గానైజ్ చేస్తుంది అనేదానిపై క్లారిటీ లేదు. రెవిన్యూ క్రియేషన్ సమస్యలు, క్లిక్‌బైట్, ప్రామాణికమైన వీడియోల మధ్య తేడాను గుర్తించే ప్రమాణాలు వంటి అనేక సమాధానాలు లేని ఆందోళనలు ఇప్పటికీ ఉన్నాయి. రాబోయే నెలల్లో ఈ కొత్త నిబంధనలు అమలులోకి వస్తాయని టెక్ కంపెనీ పేర్కొంది. దీనికి సంబంధించి కచ్చితమైన తేదీని రివీల్ చేయలేదు. ఈవెంట్‌లలో క్రీడలు లేదా ఇతర కేటగిరీలను చేర్చుతారా అనే దానిపై కూడా సందేహాలు ఉన్నాయి. రాబోయే వారాల్లో, యూట్యూబ్ మరిన్ని వివరాలను క్రియేటర్లకు అందించే అవకాశం ఉంది.