Hyderabad Traffic
Hyderabad Traffic : హైదరాబాద్ వాసులకు బిగ్ అలర్ట్. నగరంలోని పలు ప్రాంతాల్లో పోలీసులు ట్రాఫిక్ నిబంధనలు విధించారు. మెహదీపట్నం రైతు బజార్ వద్ద స్కైవాక్ పనుల నేపథ్యంలో ఈనెల 21వరకు ఆ ప్రాంతంలో ట్రాఫిక్ డైవర్షన్ ఉంటుందని ట్రాఫిక్ పోలీసులు తెలిపారు. మరోవైపు.. రాష్ట్రపతి ద్రౌపది ముర్ము హైదరాబాద్ నగరంలో పర్యటిస్తున్నారు. ఈ నేపథ్యంలో నగరంలోని పలు ప్రాంతాల్లో ట్రాఫిక్ ఆంక్షలు విధించారు.
ఈ ప్రాంతాల్లో ట్రాఫిక్ మళ్లింపు..
♦ మెహదీపట్నం రైతు బజార్ వద్ద స్కైవాక్ పనుల నేపథ్యంలో ఈ నెల 21వ తేదీ వరకు ట్రాఫిక్ డైవర్షన్ ఉంటుందని సిటీ ట్రాఫిక్ జాయింట్ సీపీ జోయల్ డేవిస్ తెలిపారు.
♦ రేతిబౌలి (Rethibowli) జంక్షన్ నుంచి ఎస్.డి.ఐ హాస్పిటల్ వరకు రోడ్డు స్ట్రెచ్లో రెండు లేన్లుస్కైవాక్ నిర్మాణ పనుల కాలంలో రోడ్లు క్లోజ్ చేస్తున్నట్టు తెలిపారు.
♦ అత్తాపూర్ (Attapur) నుంచి బంజారాహిల్స్ (Jubilee Hills) వైపు వెళ్లే వాహనదారులు: రేతిబౌలి – నానల్ నగర్ జంక్షన్ – ఫిల్మ్ నగర్ – బంజారాహిల్స్ రోడ్డును ఎంచుకోవాలి.
♦ అత్తాపూర్ నుంచి నాంపల్లి వైపు వెళ్లే వాహనదారులు : గుడిమల్కాపూర్ -యాదవ్ భవన్ – మీరజ్ కేఫ్ జంక్షన్ రైట్టర్న్ – ఆసిఫ్ నగర్ -మల్లెపల్లి -నాంపల్లి రూట్ తీసుకోవాలి.
♦ టోలీచౌకీ నుంచి నాంపల్లి, లక్డీకాపూల్ వైపు వెళ్లే ట్రాఫిక్ : నానల్ నగర్ జంక్షన్ – బాలికాభవన్ – లక్ష్మీనగర్ – ఫిల్లర్ నం.68. ఫిల్లర్ నం.57 వద్ద ‘యు’టర్న్- గుడిమల్కాపూర్ – యాదవ్ భవన్ – మీరజ్ కేఫ్ జంక్షన్ రైట్ టర్న్ – ఆసిఫ్నగర్ – మల్లెపల్లి – నాంపల్లి – లక్డీకాపూల్ రూట్లో వెళ్లొచ్చు.
రాష్ట్రపతి ద్రౌపది ముర్ము పర్యటించే ప్రాంతాల్లో ..
♦ శీతాకాల విడిదిలో భాగంగా హైదరాబాద్ పర్యటనలో ఉన్న రాష్ట్రపతి ద్రౌపది ముర్ము శనివారం రాష్ట్రపతి నిలయం నుంచి గచ్చిబౌలిలోని బ్రహ్మకుమారీ సంస్థకు వెళ్లనున్నారు.
♦ ఈ క్రమంలో సైబరాబాద్ పరిధిలోని పలు మార్గాల్లో శనివారం ట్రాఫిక్ అంతరాయం ఏర్పడనుందని సైబరాబాద్ పోలీసులు తెలిపారు.
♦ మధ్యాహ్నం 3 గంటల నుంచి సాయంత్రం 7 గంటల వరకు గచ్చిబౌలి, ఐఐఐటీ, ఐటీసీ జంక్షన్లలో ట్రాఫిక్ ఇబ్బందులు తలెత్తనున్నాయి.
♦ రోడ్ నం. 45 కేబుల్ బ్రిడ్జ్, ఐకియా ఫ్లైఓవర్, ఆర్బిట్ రేషన్ రోడ్, డెలాయిట్, గచ్చిబౌలి జంక్షన్, ఇందిరానగర్, ఐఐఐటీ జంక్షన్, పుల్లెల గోపిచంద్ అకాడమీ, బ్రహ్మకుమారీ రోడ్డులో రాష్ట్రపతి పర్యటిస్తారు.
♦ ప్రయాణికులు ఈ మార్గాలను సాధ్యమైనంత వరకు నివారించి, ప్రత్యామ్నాయ మార్గాలను ఉపయోగించుకోవాలని పోలీసులు సూచించారు.
