VC Sajjanar : ఒకరి నిర్లక్ష్యపు డ్రైవింగ్ ఘోర ప్రమాదానికి కారణమైంది.. వీడియోను షేర్ చేసిన సజ్జనార్

Tamil Nadu road accident

Road Accident : తమిళనాడులో బుధవారం ఘోర రోడ్డు ప్రమాదం జరిగింది. ఈ ప్రమాదంలో నలుగురు ప్రాణాలు కోల్పోయారు. తమిళనాడులోని సేలం – బెంగళూరు జాతీయ రహదారిపై ఈ ప్రమాదం చోటు చేసుకుంది. ఓ లారీ వంతెనపై వేగంగా దూసుకొచ్చింది. ముందున్న కార్లు, లారీలను ఢీకొట్టింది. ఈ క్రమంలో ముందున్న లారీవెళ్లి మరో లారీని ఢీకొట్టింది. ఆ లారీ అదుపు తప్పి బ్రిడ్జిపై నుంచి బోల్తా పడింది. అసలు ప్రమాదానికి కారణమైన బ్రిడ్జిపై ఉన్న లారీలో మంటలు చెలరేగాయి. ఈ ప్రమాదంలో లారీతో సహా కారు మంటల్లో దగ్దమైంది. ఈ ఘోర రోడ్డుప్రమాదంకు సంబంధించిన వీడియో సోషల్ మీడియాలో వైరల్ గా మారింది.

Also Read : VC Sajjanar : నడిరోడ్డుపై ట్రాఫిక్ సిగ్నల్ వద్ద యువతి డ్యాన్స్ .. ఆర్టీసీ ఎండీ సజ్జనార్ సీరియస్

తమిళినాడులో జరిగిన ఘోర ప్రమాదానికి సంబంధించిన వీడియోను టీఎస్ ఆర్టీసీ ఎండీ వీసీ సజ్జనార్ తన ట్విటర్ ఖాతాలో షేర్ చేశారు. ‘ఒకరి నిర్లక్ష్యపు డ్రైవింగ్ ఈ ఘోర ప్రమాదానికి కారమైంది. నలుగురి ప్రాణాలను బలితీసుకుందంటూ పేర్కొన్నారు. రహదారిపై ప్రయాణించే సమయంలో నిర్లక్ష్యంగా వాహనాలు నడపొద్దని ప్రయాణికులకు సజ్జనార్ నిత్యం సూచిస్తూ వీడియోలు షేర్ చేస్తుంటారు. తాజాగా.. తమిళనాడులో జరిగిన ఘోర ప్రమాదానికి సంబంధించిన వీడియోను షేర్ చేశారు.