Anil Ravipudi: దేవి కాదు.. భీమ్స్ కాదు.. కొత్త మ్యూజిక్ డైరెక్టర్ ను ఫిక్స్ చేసిన అనిల్

gv prakash kumar composing music for venkatesh, kalyan ram, anil ravipudi movie

• అనిల్ రావిపూడి మల్టీస్టారర్‌లో జీవీ ప్రకాష్.
• వెంకటేష్, కళ్యాణ్ రామ్ క్రేజీ కాంబో.
• త్వరలోనే సినిమా షూటింగ్ షురూ

Anil Ravipudi: టాలీవుడ్ సక్సెస్‌ఫుల్ డైరెక్టర్ అనిల్ రావిపూడి ప్రస్తుతం ఒక భారీ మల్టీస్టారర్ ప్రాజెక్టు చేస్తున్న విషయం తెలిసిందే. విక్టరీ వెంకటేష్, నందమూరి కళ్యాణ్ రామ్ కాంబినేషన్‌లో రానున్న ఈ క్రేజీ సినిమా త్వరలోనే షూటింగ్ ప్రారంభించుకోనుంది. అనిల్ రావిపూడి మార్క్ ఎంటర్టైన్మెంట్, మాస్ ఎలిమెంట్స్‌తో రూపొందనున్న ఈ సినిమాపై ఇప్పటికే ఇండస్ట్రీలో భారీ అంచనాలు నెలకొన్నాయి. అయితే ఈ సినిమాకు సంగీత దర్శకుడిగా ఎవరు వ్యవహరిస్తారనే విషయంపై గత కొద్ది రోజులుగా రకరకాల చర్చలు నడిచాయి.

Peddi: ‘పెద్ది’ ప్రభంజనం షురూ.. అరగంటలోనే బాక్సాఫీస్ షేక్.. ఇది కదా చరణ్ రేంజ్

సాధారణంగా అనిల్ రావిపూడి (Anil Ravipudi)సినిమాలకు దేవి శ్రీ ప్రసాద్ లేదా భీమ్స్ సిసిరోలియో సంగీతం అందిస్తారని అందరూ భావించారు. కానీ ఈసారి అనిల్ రావిపూడి రూటు మార్చి, సరికొత్త సంగీత ప్రయోగానికి తెరలేపారు. లేటెస్ట్ మ్యూజిక్ సెన్సేషన్ జీవీ ప్రకాష్ కుమార్ ఈ మల్టీస్టారర్ చిత్రానికి స్వరాలు అందించబోతున్నట్లు వార్తలు వైరల్ అవుతున్నాయి. ప్రస్తుతం సౌత్ ఇండియాలో వరుస విజయాలతో దూసుకుపోతున్న జీవీ ప్రకాష్, ఈ సినిమాకు తనదైన శైలిలో అదిరిపోయే ట్యూన్స్ ఇస్తారని మేకర్స్ నమ్ముతున్నారు.

త్వరలోనే ఈ క్రేజీ మ్యూజిక్ కాంబినేషన్‌పై చిత్ర యూనిట్ నుండి అధికారిక ప్రకటన రానుంది. వెంకటేష్ కామెడీ టైమింగ్, కళ్యాణ్ రామ్ మాస్ ఇమేజ్ కు తోడు జీవీ ప్రకాష్ బ్యాక్ గ్రౌండ్ స్కోర్ తోడైతే థియేటర్లలో పూనకాలు రావడం ఖాయమని సినీ విశ్లేషకులు అభిప్రాయపడుతున్నారు. అనిల్ రావిపూడి ఈసారి మ్యూజిక్ విషయంలో చాలా జాగ్రత్తలు తీసుకుంటున్నారని, అందుకే జీవీ ప్రకాష్‌ను ఎంపిక చేసుకున్నారని సమాచారం. ఈ క్రేజీ అప్‌డేట్ తో ఈ మల్టీస్టారర్ ప్రాజెక్టుపై హైప్ ఒక్కసారిగా పెరిగిపోయింది.