Tomato ice cream
Tomato ice cream : సరికొత్త ఫుడ్ కాంబినేషన్స్ తయారు చేయడం.. వాటిని వైరల్ చేయడం ఇప్పుడు సర్వ సాధారణమైపోయింది. అవి తయారు చేస్తుంటే చూడటానికి.. తినడానికి కాస్త దైర్యం కావాలంతే. తాజాగా ఓ వీధి వ్యాపారి ‘టొమాటో ఐస్ క్రీం’ తయారు చేశాడు. ఆ వీడియో చూసి ‘రిప్ టొమాటో’ అంటూ నెటిజన్లు కామెంట్లు పెట్టారు.
ఐస్ క్రీం ఇష్టపడని వారు ఉండరు. చాక్లెట్, వనీలా, స్ట్రాబెర్రీ లేదా తమకు నచ్చిన ఇతర ఫ్లేవర్స్‌ని ఐస్ క్రీం లవర్స్ తింటూ ఉంటారు. అయితే ఇప్పుడు టొమాటో-ఫ్లేవర్ ఐస్ క్రీం వచ్చింది. వామ్మో ఇదేం ఫ్లేవర్ అని ఉలిక్కిపడ్డారా?.. ఓ వీధి వ్యాపారికి వచ్చిన ఆలోచన నుంచి ఈ ఫ్లేవర్ పుట్టిందన్నమాట. అయితే దీనిని చూడటానికే ఎవరు ధైర్యం చేయలేకపోతుంటే.. తినే ధైర్యం ఎంతమందికి ఉంటుందో?
Tandoori chicken ice cream : తందూరి చికెన్ ఐస్ క్రీం .. తింటే ఏమవుతుందో?
ఇన్‌స్టాగ్రామ్ యూజర్ (aapkabhai_foody) షేర్ చేసిన వీడియోలో ఒక వ్యాపారి ఐస్ క్రీం తయారు చేస్తుంటాడు. ముందుగా టొమాటాలు కోస్తాడు. వాటిని చాక్లెట్, మరియు క్రీమ్‌తో కలుపుతాడు. బాగా కలిపిన తర్వాత ఐస్ క్రీం చేసి టొమాటో ముక్కలతో గార్నిష్ చేసాడు. ఈ పోస్ట్ చూసి చాలామంది కామెంట్స్ చేశారు. ‘ఇలా చేస్తే ఫుడ్ పాయిజన్ అవుతుందని’ ఒకరు.. ‘రిప్ టొమాటో’ అని మరికొందరు కామెంట్లు పెట్టారు. ఈ కొత్త ఫుడ్ కాంబినేషన్లతో వైరల్ అవ్వడమేంటో కానీ మనుష్యుల ప్రాణాలతో చెలగాటమాడద్దని చాలామంది సూచిస్తున్నారు.
