India

16:04 - August 20, 2017

హైదరాబాద్ : చావే సమస్యకు పరిష్కారమైతే... నేను ఎన్నిసార్లు చావాలో?..! అని ఓ సినీ రచయిత... కథనాయికతో అడిగించిన ఈ ప్రశ్న... ఆత్మహత్యలో ఉన్న పిరికితనాన్ని వెక్కిరిస్తోంది. బతుకు పోరాటాన్ని... ఒక్క మాటలో... ఆవిష్కరిస్తోంది. ఎన్నో సమస్యలు... మరెన్నో సవాళ్లు.. కలగలసినదే జీవితం..! ఆ విషయాన్ని అర్థం చేసుకోలేక... యువత అర్ధాంతరంగా తనువు చాలిస్తున్నారు...! చిన్నచిన్న కారణాలకే... ప్రాణాలు తీసుకుంటున్నారు.! దేశంలో పెరుగుతున్న ఆత్మహత్యలపై... స్పెషల్‌ ఫోకస్‌..
ఆత్మహత్యలు.. మూడో స్థానంలో భారతదేశం
బలవన్మరణం... అనేది వ్యక్తి సమస్యగా కాక... వ్యవస్థ సమస్యగా పరిణమించింది. ఆత్మహత్యల సంఖ్య పెరగడంతో... సమాజం ఎటుపోతుందోననే కలవరం పెరుగుతుంది. ఆత్మహత్యల పరంపరలో... మనదేశం  ప్రపంచంలోనే మూడో స్థానంలో నిలిచింది..  15 నుంచి 29 ఏళ్ల మధ్య వయస్కులే.. బలవంతంగా ఊపిరి తీసుకుంటున్నారనే కఠిన వాస్తవాన్ని... ప్రపంచ ఆరోగ్య సంస్థ వెల్లడించింది. యువకుల ఆత్మహత్యల్లో అమెరికా..ఆస్ట్రేలియా తర్వాత భారత్‌ మూడో స్థానంలో ఉందని పేర్కొంది. మన దేశంలో ప్రతి గంటకు ... ఒక విద్యార్థి ప్రాణాలు తీసుకుంటున్నట్టు జాతీయ నేరగణాంక సంస్థ లెక్కలు చెబుతున్నాయి. 
పదేళ్లలో రెట్టింపైన ఆత్మహత్యలు
భారతదేశంలో... 2015 ఎన్‌సీఆర్‌బీ లెక్కల ప్రకారం 1998-1999 మధ్య 800 మంది టీనేజర్లు ఆత్మహత్యకు పాల్పడ్డారు. అదే 2006-2007 నాటికి ఆ సంఖ్య 5 వేల 8 వందల 57కి పెరిగింది.  పదేళ్ల కాలంలో టీనేజర్ల ఆత్మహత్యల శాతం రెట్టింపైందని నేషనల్‌ క్రైం రికార్డ్జ్‌ బ్యూరో గణాంకాలు చెబతున్నాయి. 
జీవితంపై...సమాజంపై అవగాహన లోపం
బలవంతంగా తనువు చాలిస్తున్నవారిలో 80శాతం మంది డిప్రెషన్‌కు గురైనవారే ఉంటున్నారని మానసిక నిపుణులు చెబుతున్నారు. ఇతరులతో పోలిక... మితిమీరిన పోటీ తత్త్వం...భావితరాన్ని కుంగదీస్తున్నాయని అంటున్నారు. ఉద్వేగాలను... బ్యాలన్స్‌ చేసుకోలేకపోవడం... జీవితం మీద.. సమాజంపైనా సరైన అవగాహన లేకపోవడం కూడా కారణాలుగా చెబుతున్నారు. 
పిల్లల్లో ఆత్మస్థైర్యాన్ని నింపాల్సిన బాధ్యత పెద్దదే.. 
ఈ తరుణంలో పిల్లల్లో ఆత్మస్థైర్యాన్ని నింపాల్సిన బాధ్యత పెద్దలకు... ఎన్ని సమస్యలు వచ్చినా ... రేపటిపై ఆశను పెంచుకోవాల్సిన స్పృహ యువతకు ఉంది. సమస్యలన్నిటికీ...చావే పరిష్కారమైతే... సమస్యలు ఉండవు...మనుషులూ ఉండరు.. అనే స్టాలిన్‌ మాటను గుర్తు చేసుకోవాల్సిన ఆవశ్యకత ప్రతి ఒక్కరిపైనా ఉంది. 

 

15:24 - August 20, 2017

హైదరాబాద్ : తిట్టారనో..? కొట్టారనో..? సెల్‌ కోసమో..? రిమోట్‌ కోసమో..? ప్రేమించలేదనో..? పలకరించలేదనో..? ప్రాణాలు తీసుకోవడం పరిపాటిగా మారింది. చిన్న పిల్లల నుంచి ..సెలబ్రిటీల వరకూ.. అదే ఆత్మహత్య బాట. నాణెంలోని రెండో వైపును చూడకుండానే...జీవితంలోని మాధుర్యాన్నీ అనుభవించకుండానే.. చేజేతులారా ఊపిరి తీసుకుంటున్నారు.. కన్నవాళ్లకు .. కడుపుకోతను మిగిలిస్తున్నారు.  
ఆత్మహత్యలే శరణ్యమనుకుంటున్న యువత
దేశంలో.... రోజూ ఎక్కడో ఒకచోట...ఎవరో ఒకరు... ఆత్మహత్యకు పాల్పడుతున్న సంఘటనలు చోటుచేసుకుంటూనే ఉన్నాయి. టీచర్‌ కొట్టాడనే కారణంతో... మూడో తరగతి విద్యార్థి  ఆత్మహత్యకు ప్రయత్నించిన ఘటన వనపర్తి జిల్లా....శేరిపల్లిలో జరిగింది. నిండా తొమ్మిదేళ్లు కూడా ఉండని ఆనంద్‌  ఒంటిపై కిరోసిన్‌ పోసుకుని ప్రాణాలు తీసుకోబోయాడు. అలాగే హైదరాబాద్‌ హయత్‌నగర్‌లో.. అనారోగ్యంతో బాధపడుతున్న తన కొడక్కి... వైద్యం చేయించే ఆర్థిక స్థోమత లేదనే కారణంతో.. సత్తయ్య అనే ఆటో డ్రైవర్‌ ఆత్మహత్య చేసుకున్నాడు. 
పలువురు ఆత్మహత్య
అదే విధంగా... అనంతపురంలో ఓ మెడికల్‌ కాలేజ్‌ విద్యార్థి యశ్వంత్‌  ఆత్మహత్యకు చేసుకున్నాడు. స్థానిక రహమత్‌ నగర్‌ రైల్వేట్రాక్‌పై బలవన్మరణానికి పాల్పడ్డాడు. మెడిసిన్‌ చదవలేక తనువు చాలిస్తున్నానని సూసైడ్‌ నోట్‌లో పేర్కొన్నాడు. అదేరోజు నిర్మల్‌ జిల్లా... బాసరలో ఇద్దరు చిన్నారులతో సహా గోదావరిలో దూకి ఓ తల్లి ఆత్మహత్య చేసుకుంది. దేశంలో పెరుగుతున్న ఆత్మహత్యలకు ...ఇవన్నీ నిదర్శనాలు. ఊళ్లు వేరు.. కారణాలు వేరు.. కానీ వాళ్లంతా...తమకు..తాముగా మృత్యు మార్గాన్నే ఎంచుకున్నారు. ఈ బలవన్మరణాలపై .. అన్ని వర్గాల ప్రజలు ఆలోచించాల్సిన అవసరం ఎంతైనా ఉంది. క్షణికావేశానికి... జీవితాన్ని బలి చేయకుండా...బతుకుపోరాటానికి ధైర్యాన్ని పెంచుకోవాల్సిన అవసరం ఉంది. 

 

22:00 - August 19, 2017

ఢిల్లీ : రెండు సార్లు వన్డే వరల్డ్ చాంపియన్‌ ఇండియా విదేశీ గడ్డపై మరో కీలక వన్డే సిరీస్‌కు సన్నద్ధమైంది. భారత్‌, శ్రీలంక జట్ల మధ్య 5 వన్డేల సిరీస్‌లోని తొలి వన్డేకు రంగిరీలోని దంబుల్లా ఇంటర్నేషనల్‌ క్రికెట్‌ స్టేడియంలో  రంగం సిద్ధమైంది.యాంగ్రీ యంగ్‌ గన్‌ విరాట్‌ కొహ్లీ నాయకత్వంలోని టీమిండియాకు ఉపుల్ తరంగ సారధ్యంలోని శ్రీలంక టీమ్‌ సవాల్‌ విసురుతోంది.  తొలి వన్డేలో నెగ్గి సిరీస్‌ను విజయంతో ఆరంభించాలని విరాట్‌ ఆర్మీ పట్టుదలతో ఉంది.

శ్రీలంకతో కీలక వన్డే సిరీస్‌కు కొహ్లీ అండ్‌ కో సై అంటే సై అంటోంది. టెస్ట్‌ సిరీస్‌లో శ్రీలంకను బ్రౌన్‌ వాష్‌ చేసిన భారత్...వన్డే సిరీస్‌ను సైతం క్లీన్‌ స్వీప్‌ చేయాలని తహతహలాడుతోంది. భారత్‌-శ్రీలంక మధ్య 5వన్డేల సిరీస్‌లోని తొలి  వన్డేకు రంగిరీలోని దంబుల్లా ఇంటర్నేషనల్‌ క్రికెట్‌ స్టేడియంలో  రంగం సిద్ధమైంది.

ఇండియా ప్రస్తుతం ఐసీసీ వన్డే ర్యాంకింగ్స్‌లో 3వ స్థానంలో ఉండగా ...శ్రీలంక 8వ ర్యాంక్‌లో ఉంది. ఇన్‌స్టంట్‌ వన్డే ఫార్మాట్‌లో శ్రీలంక తిరుగులేని ట్రాక్‌ రికార్డ్‌ కలిగిన భారత జట్టు సిరీస్‌ విజయమే లక్ష్యంగా బరిలోకి దిగబోతోంది.విరాట్‌ కొహ్లీ నాయకత్వంలోని భారత జట్టు అటు అనుభవజ్ఞులు, ఆల్‌రౌండర్లు, ప్రతిభావంతులైన యువ ఆటగాళ్లతో పవర్‌ఫుల్‌గా ఉంది.

టాప్ ఆర్డర్‌లో రోహిత్‌ శర్మ, శిఖర్‌ ధావన్‌, విరాట్‌ కొహ్లీ, మిడిలార్డర్‌లో రహానే,రాహుల్‌లతో పాటు  లోయర్‌ ఆర్డర్‌లో ధోనీ,కేదార్‌ జాదవ్‌,హార్డిక్‌ పాండ్య  వంటి హార్డ్‌ హిట్టర్లతో టీమిండియా బ్యాటింగ్‌ లైనప్‌ ఎప్పటిలానే పటిష్టంగా ఉంది.

భువనేశ్వర్‌ కుమార్‌,బుమ్రాలతో పేస్‌ బౌలింగ్‌ ఎటాక్‌ పదునుగా ఉంది. కానీ మ్యాజిక్‌ స్పిన్నర్లు అశ్విన్‌,జడేజా లేకుండానే భారత్‌ బరిలోకి దిగనుంది.వీరి స్థానంలో జట్టులోకొచ్చిన అక్షర్‌ పటేల్‌, కుల్దీప్‌ యాదవ్‌,యజ్వేంద్ర చహాల్‌ ఏ స్థాయిలో రాణిస్తారో చూడాలి.  టీమ్‌ కాంబినేషన్‌ ఎలా ఉండబోతున్నా...భారత జట్టు విజయావకాశాలు మాత్రం బ్యాట్స్‌మెన్‌ రాణించడం మీదనే ఆధారపడి ఉన్నాయి.

మరోవైపు  వన్డే సిరీస్‌లో నెగ్గి టెస్ట్‌ సిరీస్‌ ఓటమికి భారత్‌పై బదులు తీర్చుకోవాలని శ్రీలంక ప్లాన్‌లో ఉంది.  ఉపుల్‌ తరంగ నాయకత్వంలోని శ్రీలంక జట్టు....ఏంజెలో మాథ్యూస్‌,తిసెరా పెరీరా, లసిత్‌ మలింగా వంటి సీనియర్‌ ఆటగాళ్ల మీదే భారం వేసింది. 

ప్రస్తుత టీమ్ కాంబినేషన్‌, ట్రాక్‌ రికార్డ్‌ పరంగా తొలి వన్డేలో టీమిండియాకే విజయావకాశాలు ఎక్కువగా ఉన్నాయనడంలో సందేహమే లేదు. మరి మొదటి వన్డేలో నెగ్గి 5వన్డేల సిరీస్‌లో శుభారంభం చేసే జట్టేదో తెలియాలంటే మరికొద్దిగంటలు వెయిట్‌ చేయాల్సిందే.

07:35 - August 16, 2017

ఢిల్లీ : దేశ రాజధాని ఢిల్లీలో స్వాతంత్ర్య దినోత్సవ వేడుకలు ఘనంగా జరిగాయి. స్వాతంత్ర్య సమరంలో ప్రాణాలర్పించిన మహనీయులను అందరూ స్మరించుకోవాలని ప్రధాని నరేంద్రమోడీ అన్నారు. 71వ స్వాతంత్ర్య దినోత్సవం సందర్భంగా ఢిల్లీ ఎర్రకోటలో ఆయన జాతీయ జెండాను ఆవిష్కరించారు. 125 కోట్ల మంది భారతీయులందరూ ఒక్కటైతే.. సంకల్పంతో ఏదైనా సాధించగలమని ప్రధాని అన్నారు. 21వ శతాబ్దంలో జన్మించిన నవ యువకులకు ఈ జనవరి 1 కొత్త అవకాశాన్ని ఇస్తోందని మోదీ అన్నారు. దేశ యువత నిరాశ నిస్పృహలను వీడి ముందుకు నడవాలన్నారు. కొత్త సంకల్పంతో దూసుకుపోవాలని ప్రధాని పిలుపునిచ్చారు. సముద్రం, సరిహద్దు, సైబర్‌.. ఏ విషయంలోనైనా రాజీపడే ప్రసక్తే లేదని స్పష్టం చేశారు.

జీఎస్టీని ఇంత తక్కువ సమయంలో
జీఎస్టీని తీసుకొచ్చి సహకార వ్యవస్థకు జవసత్వాలు అందించామని మోదీ అన్నారు. జీఎస్టీని ఇంత తక్కువ సమయంలో ఎలా అమలు చేశారని ప్రపంచం ఆశ్చర్యపోతోందని చెప్పారు. ప్రభుత్వ వ్యవహారాలను సులభతరం చేసే కార్యక్రమంలో వేగం పుంజుకున్నామన్నారు. ప్రభుత్వ నిబంధనల బంధనాల నుంచి ప్రజలకు విముక్తి కల్పించే ప్రయత్నం కొనసాగుతోందని స్పష్టం చేశారు. దేశంలోని నలుమూలలకు విద్యుత్‌ వెలుగులు ప్రసరిస్తున్నాయన్నారు. ఇంటింటికీ గ్యాస్‌ పొయ్యిల ద్వారా కోట్లాది పేద మహిళలకు పొగ నుంచి విముక్తి కల్పించామన్నారు. ప్రభుత్వ వ్యవహారాలను సులభతరం చేసే కార్యక్రమంలో వేగం పుంజుకున్నామన్నారు. కశ్మీర్‌ అభివృద్ధి, ప్రజల ప్రయోజనాలను కాపాడేందుకు ఈ దేశం కట్టుబడి ఉందన్నారు.

సాగునీరు ఇస్తే బంగారం....
రైతులకు సాగునీరు ఇస్తే బంగారం పండిస్తారన్నారు. ప్రధానమంత్రి కృషి యోజన ద్వారా రైతులకు సాగునీరందించే కార్యక్రమాన్ని వేగవంతం చేస్తున్నామన్నారు. అప్పుల్లో కూరుకుపోయిన రైతన్నకు చేయి అందించే కార్యక్రమం ప్రభుత్వం చేస్తోందన్నారు. యువతకు ఆర్థిక సాయమందిస్తే ఉద్యోగం కోసం ఎదురుచూడరన్నారు. ముద్ర యోజన ద్వారా అనేక మంది యువత కొత్త ఉద్యోగాలు సృష్టించారని మోదీ పేర్కొన్నారు. ట్రిపుల్‌ తలాక్‌పై దేశం మొత్తం ఆందోళన చెందిందన్నారు. దీనిపై కొత్త చట్టం తీసుకొచ్చేందుకు ప్రజలందరూ అండగా నిలిచారన్నారు. దేశంలో ఉన్న ప్రతీ పౌరుడు సంపూర్ణ హక్కులతో జీవించే అవకాశం ఉందని ప్రధాని మోడీ స్పష్టం చేశారు. 

20:47 - August 15, 2017
20:45 - August 15, 2017
20:29 - August 15, 2017

హైదరాబాద్‌ : తెలుగు రాష్ట్రాల్లో జాతీయ జెండా రెపరెపలాడింది... హైదరాబాద్‌ గోల్కొండ కోటలో తెలంగాణ సీఎం కేసీఆర్‌ జెండా ఆవిష్కరించగా... తిరుపతిలో ఏపీ సీఎం చంద్రబాబు జాతీయ పతాకం ఎగురవేశారు. జెండా వేడుకలతో రెండు రాష్ట్రాలు సందడిగా మారాయి..  
ఏపీలో 
ఆంధ్రప్రదేశ్‌లో స్వాతంత్ర్య వేడుకలు ఘనంగా జరిగాయి.... తిరుపతిలోని తారకరామ స్టేడియంలో పంద్రాగస్టు వేడుకలకు సీఎం చంద్రబాబు హాజరయ్యారు.... పోలీసుల గౌరవ వందనం స్వీకరించారు.. జాతీయ జెండాను ఆవిష్కరించారు.. సమర్ధవంతంగా విధులు నిర్వహించిన పోలీసులకు అవార్డులు, పురస్కారాలు అందజేశారు. ఈ ఉత్సవాల్లో ప్రభుత్వ శకటాలు ప్రధాన ఆకర్షణగా నిలిచాయి.. సీఆర్‌డీఏ శకటం స్పెషల్ అట్రాక్షన్‌గా కనిపించింది. నవ్యాంధ్ర ఏర్పాటైనప్పటినుంచీ ఒక్కో ఏడాది ఒక్కో జిల్లాలో స్వాతంత్య్ర దినోత్సవం నిర్వహిస్తున్నామని చంద్రబాబు తెలిపారు.. తిరుపతి తనకు జన్మనిస్తే.. వెంకటేశ్వరస్వామి పునర్జన్మ ఇచ్చారని గుర్తుచేసుకున్నారు..
ఏపీ అభివృద్ధి దిశగా సాగుతుందని చెప్పారు..
తెలంగాణలో
ఇక తెలంగాణలోనూ పంద్రాగస్టు పండుగను అట్టహాసంగా జరుపుకున్నారు.. జెండా వేడుకలతో గోల్కొండ కోట సందడిగా మారింది.. పోలీసుల గౌరవ వందనం స్వీకరించిన సీఎం కేసీఆర్‌... జాతీయ జెండాను ఆవిష్కరించారు. తెలంగాణ ప్రభుత్వం ప్రవేశపెట్టిన పథకాలు ఇతర రాష్ర్టాలకు ఆదర్శంగా నిలుస్తున్నాయని కేసీఆర్ అన్నారు. వచ్చే రబీ నుంచి రైతులకు ఉచితంగా 24 గంటల కరెంట్ అందించేందుకు కృషి చేస్తున్నమని చెప్పారు. ఈ ఏడాది డిసెంబర్ కల్లా మిషన్ భగీరథ ద్వారా నీళ్లు ఇంటింటికీ అందుతాయని ప్రకటించారు.. త్వరలో 84 వేల 877 ఉద్యోగాల నియామక ప్రక్రియ చేపడతామని తెలిపారు.. జెండా వేడుకల్లో సాహస విన్యాసాలు అందరినీ ఆకట్టుకున్నాయి.

 

18:46 - August 15, 2017

ఢిల్లీ : ఎర్రకోటపై మువ్వన్నెల జెండా రెపరెపలాడింది. ప్రధాని మోదీ నాలుగోసారి ఎర్రకోటపై జాతీయ జెండాను ఆవిష్కరించారు. ఎర్రకోట దగ్గర మోదీ త్రివిధ దళాల సైనిక వందనం స్వీకరించారు. మరోవైపు దేశవ్యాప్తంగా స్వాతంత్ర్య వేడుకలు అంబరాన్ని అంటాయి. 
71వ స్వాతంత్ర్య దినోత్సవ వేడుకలు 
దేశ రాజధాని ఢిల్లీలో స్వాతంత్ర్య దినోత్సవ వేడుకలు ఘనంగా జరిగాయి. స్వాతంత్ర్య సమరంలో ప్రాణాలర్పించిన మహనీయులను అందరూ స్మరించుకోవాలని ప్రధాని నరేంద్రమోడీ అన్నారు. 71వ స్వాతంత్ర్య దినోత్సవం సందర్భంగా ఢిల్లీ ఎర్రకోటలో ఆయన జాతీయ జెండాను ఆవిష్కరించారు. 125 కోట్ల మంది భారతీయులందరూ ఒక్కటైతే.. సంకల్పంతో ఏదైనా సాధించగలమని ప్రధాని అన్నారు. 
కొత్త సంకల్పంతో దూసుకుపోవాలి : ప్రధాని 
21వ శతాబ్దంలో జన్మించిన నవ యువకులకు ఈ జనవరి 1 కొత్త అవకాశాన్ని ఇస్తోందని మోదీ అన్నారు. దేశ యువత నిరాశ నిస్పృహలను వీడి ముందుకు నడవాలన్నారు. కొత్త సంకల్పంతో దూసుకుపోవాలని ప్రధాని పిలుపునిచ్చారు. సముద్రం, సరిహద్దు, సైబర్‌.. ఏ విషయంలోనైనా రాజీపడే ప్రసక్తే లేదని స్పష్టం చేశారు. 
జీఎస్టీతో సహకార వ్యవస్థకు జవసత్వాలు : మోదీ 
జీఎస్టీని తీసుకొచ్చి సహకార వ్యవస్థకు జవసత్వాలు అందించామని మోదీ అన్నారు. జీఎస్ టీని ఇంత తక్కువ సమయంలో ఎలా అమలు చేశారని ప్రపంచం ఆశ్చర్యపోతోందని చెప్పారు. ప్రభుత్వ వ్యవహారాలను సులభతరం చేసే కార్యక్రమంలో వేగం పుంజుకున్నామన్నారు. ప్రభుత్వ నిబంధనల బంధనాల నుంచి ప్రజలకు విముక్తి కల్పించే ప్రయత్నం కొనసాగుతోందని స్పష్టం చేశారు. దేశంలోని నలుమూలలకు విద్యుత్‌ వెలుగులు ప్రసరిస్తున్నాయన్నారు. ఇంటింటికీ గ్యాస్‌ పొయ్యిల ద్వారా కోట్లాది పేద మహిళలకు పొగ నుంచి విముక్తి కల్పించామన్నారు. ప్రభుత్వ వ్యవహారాలను సులభతరం చేసే కార్యక్రమంలో వేగం పుంజుకున్నామన్నారు. కశ్మీర్‌ అభివృద్ధి, ప్రజల ప్రయోజనాలను కాపాడేందుకు ఈ దేశం కట్టుబడి ఉందన్నారు. 
రైతులకు సాగునీరు ఇస్తే బంగారం పండిస్తారన్న మోడీ  
రైతులకు సాగునీరు ఇస్తే బంగారం పండిస్తారన్నారు.  ప్రధానమంత్రి కృషి యోజన ద్వారా రైతులకు సాగునీరందించే కార్యక్రమాన్ని వేగవంతం చేస్తున్నామన్నారు. అప్పుల్లో కూరుకుపోయిన రైతన్నకు చేయి అందించే కార్యక్రమం ప్రభుత్వం చేస్తోందన్నారు. యువతకు ఆర్థిక సాయమందిస్తే ఉద్యోగం కోసం ఎదురుచూడరన్నారు. ముద్ర యోజన ద్వారా అనేక మంది యువత కొత్త ఉద్యోగాలు సృష్టించారని మోదీ పేర్కొన్నారు. ట్రిపుల్‌ తలాక్‌పై దేశం మొత్తం ఆందోళన చెందిందన్నారు. దీనిపై కొత్త చట్టం తీసుకొచ్చేందుకు ప్రజలందరూ అండగా నిలిచారన్నారు. దేశంలో ఉన్న ప్రతీ పౌరుడు సంపూర్ణ హక్కులతో జీవించే అవకాశం ఉందని ప్రధాని మోడీ స్పష్టం చేశారు. 

18:30 - August 15, 2017
18:18 - August 15, 2017

Pages

Don't Miss

Subscribe to RSS - India