India

20:54 - October 15, 2017

ఢిల్లీ : ఆసియా కప్‌ హాకీ టోర్నీలో భారత్‌ దుమ్ములేపింది. పూల్‌ ఏ మ్యాచ్‌లో చిరకాల ప్రత్యర్థి పాకిస్థాన్‌ను 3..1తో చిత్తుగా ఓడించింది. ఈ విజయంతో భారత్‌ 9 పాయింట్లతో పూల్‌-ఏలో అగ్రస్థానంతో ముగించింది. చింగల్‌సేన 13 నిమిషంలో, రమణ్‌దీప్‌ సింగ్‌ 44 నిమిషంలో, హర్మన్‌ప్రీత్‌ సింగ్‌ 45వ నిమిషంలో గోల్‌ కొట్టారు. పాక్‌లో అలీషాన్‌ ఒక్కడే గోల్‌ చేయగలిగాడు. టోర్నీలో భారత్‌కిది వరుసగా మూడో విజయం. తొలి మ్యాచ్‌లో జపాన్‌ను 5..1, రెండో మ్యాచ్‌లో బంగ్లాను 7...0తో చిత్తుచిత్తుగా ఓడించింది.

 

13:18 - October 13, 2017

ప్రకాశం : మరో జవాన్ దేశం కోసం తన ప్రాణాలను అర్పిచి భారతమాత నెత్తుటిపై నెత్తుటి తిలకం దిద్దాడు. ప్రకాశం జిల్లా గిద్దలూరు మండలం ఓబుళాపురానికి చెందిన రామకృష్ణా రెడ్డి దుండగల్ సెక్టార్ లో విధులు నిర్వహిస్తుండగా పాక్ సైన్యం కాల్పుల్లో మృతి చెందాడు. ఉన్న ఒక్క కొడుకు మరణించడంతో రామకృష్ణారెడ్డి తల్లిదండ్రులు విషాదంలో మునిపోయారు. తన కొడుకు 120 కోట్ల మంది కోసం ప్రాణాలర్పించిన అమరుడుని రామకృష్ణారెడ్డి తండ్రి అన్నారు. మరింత సమాచారం కోసం వీడియో చూడండి.

20:44 - October 10, 2017

బీజేపీ జాతీయ అధ్యక్షుడు అమిత్ షా తనయుడు జైషా ఆస్తులపై విచారణ జరిపించాలని వక్తలు అన్నారు. ఇదే అంశంపై నిర్వహించిన చర్చా కార్యక్రమంలో నవ తెలంగాణ ఎడిటర్ వీరయ్య, బీజేపీ నేత శ్రీధర్ రెడ్డి, టీకాంగ్రెస్ అధికార ప్రతినిధి ఇందిరాశోభన్ పాల్గొని, మాట్లాడారు. జైషా ఆస్తులపై విచారణ జరిపించి బీజేపీ ప్రభుత్వం తన చిత్తశుద్ధిని నిరూపించుకోవాలన్నారు. మరిన్ని వివరాలను వీడియోలో చూద్దాం...

20:23 - October 10, 2017

ఢిల్లీ : బీజేపీ అధ్యక్షుడు అమిత్‌షా కుమారుడు జై షా ఆస్తులు భారీగా పెరిగాయన్న వార్తల నేపథ్యంలో కాంగ్రెస్‌ ఉపాధ్యక్షుడు రాహుల్‌ గాంధీ మోది ప్రభుత్వాన్ని మళ్లీ టార్గెట్‌ చేశారు. మోది సర్కార్‌ 'బేటి బచావో'పథకం నుంచి 'బేటా బచావో'కు మారిపోయిందని ఎద్దేవా చేశారు. అమిత్‌ షా కుమారుడు జై షాకి అండగా కేంద్ర మంత్రులు రాజ్‌నాథ్‌సింగ్, పీయూష్‌ గోయెల్‌ ప్రకటన చేసిన తరుణంలో రాహుల్‌ ఈ వ్యాఖ్యలు చేశారు. 'బేటి బచావో' నుంచి 'బేటా బచావో' రూపంలో ఆశ్చర్యకరమైన రీతిలో మార్పు వచ్చిందని రాహుల్‌ ట్వీట్‌ చేశారు. ఈ విషయంలో మీరు మౌనంగా ఉంటారా...లేక ఇందులో మీకేమైనా వాటా ఉందా? అని కూడా రాహుల్‌ ప్రశ్నించారు. దీనిపై సుప్రీంకోర్టు జడ్జిలతో కూడిన కమిటీతో విచారణ జరిపించాలని కూడా ఆయన డిమాండ్‌ చేశారు. ఈ మూడేళ్లలో అమిత్‌ షా పుత్రుడు  జై షా ఆస్తులు 16 వేల రెట్లు పెరిగాయని ది వైర్‌ న్యూస్‌ పోర్టల్‌ వెల్లడించింది. దీనిపై జై షా వంద కోట్ల పరువు నష్టం దావా వేస్తామని ప్రకటించిన విషయం తెలిసిందే.

20:18 - October 10, 2017

ఢిల్లీ : బీజేపీ పాలిత రాష్ట్రాల్లో జరిగిన కుంభకోణాలపై ఇప్పటి వరకు కేంద్రం ఎలాంటి విచారణ జరపలేదని... సీపీఎం జాతీయ ప్రధాన కార్యదర్శి సీతారాం ఏచూరి అన్నారు. మధ్యప్రదేశ్‌లో వ్యాపం కుంభకోణం, బీహార్‌లో ల్యాండ్‌ స్కాం, లలిత్‌ మోదీ ఇష్యూ, బిర్లా సహారా డైరీపై ఎలాంటి విచారణ జరపలేదన్నారు. పనామా పేపర్ల కుంభకోణంలో ప్రధాని మోదీ పేరు కూడా ఉందని.. దీనిపై ఎలాంటి విచారణ జరపలేదన్నారు. ఇదే పనామా పేపర్ల కుంభకోణంలో పాకిస్తాన్‌ ప్రధాని తన పదవినే కోల్పోయారని ఏచూరి గుర్తు చేశారు. తాజాగా బీజేపీ జాతీయ అధ్యక్షుడు అమిత్‌షా కుమారుడు జైషా ఆస్తులు ఈ మూడేళ్లలో 16 వేల రెట్లు పెరిగాయని.. దీనిపైన విచారణ జరపాలని డిమాండ్‌ చేశారు. కేంద్ర ప్రభుత్వం కుంభకోణాలపై విచారణ జరపకపోతే దేశవ్యాప్తంగా ఉద్యమం చేపడుతామని ఏచూరి హెచ్చరించారు.

 

20:10 - October 10, 2017

ఢిల్లీ : బీజేపీ జాతీయ అధ్యక్షుడు అమిత్‌ షా చిక్కుల్లో పడ్డారు. పార్టీలోనే కాదు.. ప్రభుత్వంలోనూ కీలక భూమిక పోషిస్తున్న అమిత్‌షా తన కుమారుడు జయ్‌ షా కు మేలు చేకుర్చేలా వ్యవహరించారన్న వార్తలు వినిపిస్తున్నాయి. జయ్‌షా వ్యాపారం మూడేళ్ల వ్యవధిలోనే 16 వేల రెట్లు పెరిగిందని ది వైర్‌ న్యూస్‌ పోర్టల్‌ కీలక కథనాన్ని ప్రచురించింది. అంతే కాకుండా, జయ్‌షా తన తండ్రి అధికారాన్ని అడ్డపెట్టుకొని కోట్లాది రూపాయల బ్యాంక్‌ రుణాన్ని అక్రమ మార్గాల్లో పొందారని వైర్‌ పోర్టల్‌ వార్తను ప్రచురించింది. ఈ వార్త రాజకీయ వర్గాల్లో కలకలం సృష్టించింది. జయ్‌ షా వ్యాపారాభివృద్ధి విధానమేంటో ప్రభుత్వం స్పష్టం చేయాలని విపక్షాలు  ప్రధాని మోదీని డిమాండ్‌ చేశాయి. ఈ నేపథ్యంలో రైల్వే మంత్రి పీయూష్‌గోయల్‌ వందకోట్ల రూపాయల పరువునష్టం దావా వేయబోతున్నారని తెలిపారు. వైర్‌ ప్రచురించిన వార్త అవాస్తవమని తోసిపుచ్చారు. మొత్తానికి ఈ కథనం పాలక బీజేపీని ఇరకాటంలో పడేసింది.

 

 

07:30 - October 10, 2017

గౌహతి : ఇండియా-ఆస్ట్రేలియా మధ్య జరుగుతోన్న 3 మ్యాచ్‌ల ట్వంటీ ట్వంటీ సిరీస్‌లోని కీలక మ్యాచ్‌కు కౌంట్‌డౌన్‌ ప్రారంభమైంది.గువహటీ బర్సాపరా స్టేడియం వేదికగా జరుగనున్న రెండో మ్యాచ్‌కు, 20-20 ఫార్మాట్‌లో తొలి వరల్డ్‌ చాంపియన్‌ టీమిండియాకు ...డేవిడ్‌ వార్నర్‌ సారధ్యంలోని ఆస్ట్రేలియా సవాల్‌ విసురుతోంది. తొలి టీ20లో శుభారంభం చేసిన భారత్‌ 3 మ్యాచ్‌ల సిరీస్‌లో 1-0తో సిరీస్‌ ఆధిక్యంలో ఉంది.రాంచీ టీ20లో డక్‌వర్త్‌ లూయిస్‌ పద్దతిలో సులువుగా నెగ్గిన విరాట్‌ ఆర్మీ..సెకండ్‌ టీ 20తోనే సిరీస్‌ దక్కించుకోవాలని తహతహలాడుతోంది.

రోహిత్‌ శర్మ సూపర్‌ ఫామ్‌
ధావన్‌, రోహిత్‌ శర్మ, విరాట్‌ కొహ్లీ,రాహుల్‌, ధోనీ, మనీష్‌ పాండే,కేదార్‌ జాదవ్‌లతో భారత బ్యాటింగ్‌ లైనప్‌ ఎప్పటిలానే పటిష్టంగా ఉంది.హార్దిక్‌ పాండ్య,అక్షర్‌ పటేల్‌ వంటి హార్డ్‌ హిట్టింగ్‌ ఆల్‌రౌండర్లతో లోయర్‌ ఆర్డర్‌లోనూ బలంగా ఉంది.ఓపెనర్‌ రోహిత్‌ శర్మ సూపర్‌ ఫామ్‌లో ఉండటం భారత జట్టుకు పెద్ద ప్లస్‌ పాయింట్‌ అనడంలో అనుమానేమే లేదు. భువనేశ్వర్‌ కుమార్‌, జస్ప్రీత్‌ బుమ్రా వంటి పేస్‌ బౌలర్లతో బౌలింగ్‌ ఎటాక్‌ మునునెన్నడూ లేనంతలా పదునుగా ఉంది.నయా సెన్సేషన్స్‌ కుల్దీప్‌ యాదవ్‌,యజ్వేంద్రచహాల్‌ వంటి లెగ్‌ స్పిన్‌తో ఎంతలా మ్యాజిక్‌ చేస్తున్నారో అందరికీ తెలిసిందే. తొలి టీ20లో బరిలోకి దిగిన జట్టుతోనే భారత్‌ రెండో మ్యాచ్‌లోనూ బరిలోకి దిగే అవకాశాలున్నాయి.టెస్ట్‌, వన్డే ఫార్మాట్లలో టాప్‌ ర్యాంకర్‌గా ఉన్న టీమిండియా...3 మ్యాచ్‌ల టీ 20 సిరీస్‌ను క్లీన్ స్వీప్‌ చేస్తే టీ20 ర్యాంకింగ్స్‌లోనూ టాప్‌ ప్లేస్‌కు చేరుకుంటుంది.

డైలమాలో కంగారూ టీమ్‌
మరోవైపు తొలి టీ20లో తేలిపోవడంతో పాటు ...కెప్టెన్‌ స్టీవ్‌స్మిత్‌ సిరీస్‌ మొత్తానికి దూరమవ్వడంతో కంగారూ టీమ్‌ డైలమాలో పడింది.డేవిడ్‌ వార్నర్‌ నాయకత్వంలో మరోసారి బరిలోకి దిగబోతోన్న ఆస్ట్రేలియా జట్టు..కొహ్లీ సేన జోరుకు ఎలా అయినా చెక్‌ పెట్టాలని పట్టుదలతో ఉంది.బౌలింగ్‌లో ఫర్వాలేదనిపిస్తోన్నా...బ్యాటింగ్‌లో మాత్రం ఆస్ట్రేలియా జట్టు అంచనాలకు తగ్గట్టుగా రాణించలేకపోతోంది. ఆరోన్‌ ఫించ్‌ సూపర్‌ ఫామ్‌లో ఉన్నా..మిగతా బ్యాట్స్‌మెన్‌ విఫలమవ్వడంతో కంగారూ టీమ్‌ బ్యాటింగ్‌లో దారుణంగా విఫలమవుతోంది.అన్ని విభాగాల్లో సమిష్టిగా రాణించలేకపోతే ఆస్ట్రేలియా జట్టు టీ20 సిరీస్‌పై ఆశలు వదులుకోవాల్సిందే.ఇక 20-20 ఫేస్‌ టు ఫేస్‌ రికార్డ్‌లోనూ ఆస్ట్రేలియాపై ఇండియాకు తిరుగులేని ట్రాక్‌ రికార్డ్‌ ఉంది. ఇప్పటివరకూ ఇరు జట్లు 14 మ్యాచ్‌ల్లో పోటీపడగా భారత్‌ 10 మ్యాచ్‌ల్లో విజయం సాధించగా...ఆస్ట్రేలియా 4 మ్యాచ్‌ల్లో మాత్రమే నెగ్గింది. టీ20ల్లో తిరుగులేని ట్రాక్ రికార్డ్‌తో పాటు...పవర్‌ఫుల్‌ టీమ్‌ కాంబినేషన్‌తో దుర్భేధ్యంగా ఉన్న భారత జట్టుకు కంగారూ టీమ్‌ కనీస పోటీ అయినా ఇవ్వగలదో లేదో చూడాలి. 

07:49 - October 8, 2017

జార్ఖండ్ : తొలి టీ ట్వంటీలో టీం ఇండియా ఘన విజయం సాధించింది. వర్షం అడ్డంకిగా మారినా విరాట్‌ ఆర్మీ ఆసిస్‌ను కంగారెత్తించింది. రాంచీ మ్యాచ్‌ విజయంలో బౌలర్లు అదరగొట్టారు. ఏకంగా ఐదుగురు ఆసిస్‌ బ్యాట్స్‌మెన్‌ క్లీన్‌బౌల్డ్‌ చేసి సత్తా చాటారు. దీంతో మూడు టీ20ల సిరీస్‌లో భారత్‌ 1...0 ఆధిక్యంలో దూసుకెళ్లింది.
అదరగొట్టిన కోహ్లీ బ్యాచ్‌ 
రాంచీ టీ ట్వంటీ మ్యాచ్‌లో కోహ్లీ బ్యాచ్‌ అదరగొట్టింది. పొట్టిఫార్మాట్‌లో బాయ్స్‌  మరోసారి సత్తా చాటారు. 9వికెట్ల తేడాతో కంగారులను చిత్తుచేశారు. మొదట బ్యాటింగ్‌ చేసిన ఆస్ట్రేలియా 18.4 ఓవర్లలో 8వికెట్ల నష్టానికి 118 పరుగులు చేసింది. వర్షం కారణంగా గంటన్నరపాటు మ్యాచ్‌కు అంతరాయం కలిగింది. దీంతో డక్‌వర్త్‌లూయిస్‌  పద్దతి అనుసరించి భారత్‌కు 6 ఓవర్లలో 48 పరుగుల లక్ష్యం నిర్దేశించారు. అనంతరం లక్ష్యఛేదన ప్రారంభించిన భారత్‌ 5.2 ఓవర్లలో కేవలం ఒక వికెట్‌ మాత్రమే కోల్పోయి టార్గెట్‌ను  ఛేదించింది.భారత్‌ బ్యాట్స్‌మెన్లలో రోహిత్‌ శర్మ11, శిఖర్‌ ధావన్‌ 15, విరాట్‌ కోహ్లీ 22 పరుగులు చేశారు.  
భారత్‌ 1-0 ఆధిక్యం
అంతకు ముందు టాస్‌ గెలిచిన కెప్టెన్‌కోహ్లీ బౌలింగ్‌ను ఎంచుకున్నాడు. కెప్టెన్‌ నమ్మకాన్ని భారత బౌలర్లు వమ్ము కానివ్వలేదు. వరుసగా రెండు ఫోర్లు బాది వూపు మీదున్న కెప్టెన్‌ వార్నర్‌ ను భువనేశ్వర్‌ క్లీన్‌బౌల్డ్‌ చేసి వికెట్ల కూల్చేపని మొదలు పెట్టాడు. మరోవైపు ఓపెనర్‌ ఫించ్‌ 42 పరుగులు చేసినా.. మాక్స్‌వెల్‌ 17, హెడ్‌ 9, హెన్రిక్స్‌8 , క్రిస్టియన్‌ 9లకే పెవిలియన్‌ చేరారు. తర్వాత బ్యాటింగ్‌కు వచ్చిన పెయిన్‌17, నైల్‌ 1 స్వల్ప స్కోర్లకే పరిమితమయ్యారు. ఆసీస్‌ బ్యాట్స్‌మెన్లలో ఐదుగురు క్లీన్‌బౌల్డ్‌ అయ్యారు. భారత్‌ బౌలర్లలో కుల్‌దీప్‌ 2, బుమ్రా 2, భువనేశ్వర్‌, పాండ్య, చాహల్‌ తలో వికెట్‌ తీశారు. దీంతో మూడు టీ20ల సిరీస్‌లో భారత్‌ 1-0 ఆధిక్యంలో నిలిచింది.

12:38 - October 6, 2017

ఇటానగర్ : అరుణాచల్‌ప్రదేశ్‌లో ఎయిర్‌ఫోర్స్‌కు చెందిన చాపర్‌ కుప్పకూలింది. ఈ ప్రమాదంలో ఇద్దరు అధికారులతో సహా ఏడుగురు మృతి చెందారు. అధికారులు సహాయకచర్యలు చేపట్టారు. మరిన్ని వివరాలను వీడియోలో చూద్దాం....

 

10:17 - October 5, 2017

భారత ఆర్థికవ్యవస్థ ప్రమాదకర పరిస్థితిలో ఉందని వక్తలు అన్నారు. ఇదే అంశంపై నిర్వహించిన న్యూస్ మార్నింగ్ చర్చా కార్యక్రమంలో నవ తెలంగాణ ఎడిటర్ వీరయ్య, కాంగ్రెస్ నాయకురాలు ఇందిరా శోభన్, టీఆర్ ఎస్ నేత మన్నె గోవర్ధన్ రెడ్డి, బీజేపీ తెలంగాణ రాష్ట్ర కార్యదర్శి శ్రీధర్ పాల్గొని, మాట్లాడారు. డీమానిటరైజేషన్ వలన భారత ఆర్థిక వ్యవస్థకు నష్టం వాటిల్లిందని పేర్కొన్నారు. రేషన్ షాపులలో కిరోసిన్ పూర్తిగా లేదన్నారు. 70 లక్షల మంది ఉద్యోగులు నిరుద్యోగులగా మారారని తెలిపారు. మరిన్ని వివరాలను వీడియోలో చూద్దాం...

Pages

Don't Miss

Subscribe to RSS - India