Lava Blaze 2 Pro : కొత్త ఫోన్ కావాలా? లావా బ్లేజ్ 2 ప్రో ఫోన్ వచ్చేసిందోచ్.. దిమ్మతిరిగే ఫీచర్లు, ధర ఎంతో తెలుసా?
Lava Blaze 2 Pro Launch : కొత్త ఫోన్ కొంటున్నారా? అద్భుతమైన ఫీచర్లతో లావా బ్లేజ్ 2 ప్రో మోడల్ వచ్చేసింది. ఈ ఫోన్ ధర ఎంతంటే?
- Published By: 10TV Digital Team ,Published On : September 11, 2023 / 10:03 PM IST
Lava Blaze 2 Pro With 8GB RAM, Unisoc T616 SoC Launched in India _ Price, Specifications
Lava Blaze 2 Pro Launch : ప్రముఖ స్మార్ట్‌ఫోన్ మేకర్ లావా (Lava) నుంచి సరికొత్త లావా బ్లేజ్ 2 ప్రో (Lava Blaze 2 pro) భారత మార్కెట్లో లాంచ్ అయింది. ఈ ఫోన్ ప్రస్తుతం లావా ఇండియా వెబ్‌సైట్‌లో లిస్టు అయింది. అన్ని స్పెసిఫికేషన్‌లు, ఫోన్ డిజైన్, ధరను వెల్లడించింది. లావా హ్యాండ్‌సెట్ 5,000mAh బ్యాటరీతో వస్తుంది. 18W ఛార్జింగ్‌కు సపోర్టు ఇస్తుంది.
ఈ ఫోన్ 2.5D కర్వ్డ్ స్క్రీన్, 90Hz రిఫ్రెష్ రేట్‌తో 6.5-అంగుళాల IPS LCD డిస్‌ప్లేను కలిగి ఉంది. 3 కలర్ ఆప్షన్లలో అందుబాటులో ఉంది. 128GB స్టోరేజీ, 8GB RAM ఆప్షన్లలో వస్తుంది. ఇందులో RAM ఇంటర్నల్ స్టోరేజీ ఉపయోగించి 8GB వరకు వర్చువల్‌గా విస్తరించవచ్చు. ఈ ఫోన్ ధర రూ. 10వేలు లోపు ఉండవచ్చు.
భారత్‌లో లావా బ్లేజ్ 2 ప్రో ధర :
లావా బ్లేజ్ 2 ప్రో ఏకైక 8GB RAM + 128GB స్టోరేజ్ వేరియంట్‌లో అందుబాటులో ఉంది. భారత్‌లో ఈ ఫోన్ ధర రూ. 9,999కు అందుబాటులో ఉంటుంది. ఈ ఫోన్ థండర్ బ్లాక్, స్వాగ్ బ్లూ, కూల్ గ్రీన్ అనే 3 కలర్ ఆప్షన్లలో వస్తుంది. ఈ స్మార్ట్‌ఫోన్ సేల్ తేదీ, లభ్యతను కంపెనీ ఇంకా ప్రకటించలేదు.
Lava Blaze 2 Pro Launch With 8GB RAM, Unisoc T616 SoC Launched in India _ Price, Specifications
లావా బ్లేజ్ 2 ప్రో స్పెసిఫికేషన్స్ :
డ్యూయల్-సిమ్ లావా బ్లేజ్ 2 ప్రో ఆండ్రాయిడ్ 12 అవుట్-ఆఫ్-ది-బాక్స్‌తో నడుస్తుంది. ఈ ఫోన్ 2.5D కర్వ్డ్ స్క్రీన్, 90Hz రిఫ్రెష్ రేట్‌తో 6.5-అంగుళాల IPS LCD డిస్‌ప్లేను కలిగి ఉంది. 720×1600 పిక్సెల్స్ స్క్రీన్ రిజల్యూషన్‌ను అందిస్తుంది. డిస్‌ప్లే టాప్ సెంటర్‌లో సెల్ఫీ కెమెరాతో హోల్-పంచ్ కటౌట్‌ను కలిగి ఉంది.
హుడ్ కింద ఫోన్ 8GB RAM, 128GB స్టోరేజీతో చేసిన ఆక్టా-కోర్ Unisoc T616 ప్రాసెసర్ SoC ద్వారా పవర్ అందిస్తుంది. వినియోగదారులు మైక్రో SD కార్డ్ స్లాట్ ద్వారా లావా బ్లేజ్ 2 ప్రో స్టోరేజీ సామర్థ్యాన్ని విస్తరించవచ్చు. మెమరీ ఫ్యూజన్ టెక్నాలజీని ఉపయోగించి RAMని 8GB వరకు వర్చువల్‌గా విస్తరించవచ్చు.
ఆప్టిక్స్ విషయానికి వస్తే.. లావా బ్లేజ్ 2 ప్రో వెనుకవైపు ట్రిపుల్ రియర్ కెమెరా సెటప్‌ను అందిస్తుంది. ఇందులో 50MP ప్రధాన కెమెరా, డ్యూయల్ 2MP కెమెరా సెన్సార్‌లు ఉన్నాయి. సెల్ఫీలు, వీడియోలకు ఫోన్ 8MP ఫ్రంట్ కెమెరాను కలిగి ఉంది. అదనంగా, ఫోన్ 18W వైర్డు ఛార్జింగ్‌కు సపోర్టు ఇచ్చే 5,000mAh బ్యాటరీ నుంచి పవర్ అందిస్తుంది.
కనెక్టివిటీ పరంగా, లావా బ్లేజ్ 2 ప్రో ఫోన్ 4G LTE, Wi-Fi, బ్లూటూత్ 5.0, GPS, USB టైప్-C పోర్ట్, 3.5mm హెడ్‌ఫోన్ జాక్‌ను అందిస్తుంది. ఈ ఫోన్ కొలతలు 163mm x 75.2mm x 8.5mm, బరువు 190 గ్రాములు. భద్రత విషయానికి వస్తే.. సైడ్-మౌంటెడ్ ఫింగర్ ప్రింట్ సెన్సార్, ఫేస్ అన్‌లాక్ కూడా ఉంది.
