Joe Biden: సైకిల్ తొక్కుతూ కిందపడ్డ అమెరికా అధ్యక్షుడు జో బిడెన్.. వీడియో వైరల్..
అమెరికా అధ్యక్షుడు జో బిడెన్ సైకిల్ తొక్కుతూ కింద పడిపోయాడు. ఆ వీడియో సోషల్ మీడియాలో చక్కర్లు కొడుతుంది. 45వ వివాహ వార్షికోత్సవం సందర్భంగా జో బిడెన్ శనివారం ఉదయం డెలావేర్ లోని తన రెహోబోత్ బీచ్ ఇంటికి సమీపంలో సైకిల్ రైడ్ చేశాడు.
Joe Biden: అమెరికా అధ్యక్షుడు జో బిడెన్ సైకిల్ తొక్కుతూ కింద పడిపోయాడు. ఆ వీడియో సోషల్ మీడియాలో చక్కర్లు కొడుతుంది. 45వ వివాహ వార్షికోత్సవం సందర్భంగా జో బిడెన్ శనివారం ఉదయం డెలావేర్ లోని తన రెహోబోత్ బీచ్ ఇంటికి సమీపంలో సైకిల్ రైడ్ చేశాడు. అమెరికా ప్రథమ మహిళ (బిడెన్ సతీమణి)తో పాటు కొంతమంది సిబ్బందితో కలిసి రహదారిపై సైకిల్ తొక్కాడు.
అయితే సైక్లింగ్ చేస్తున్న క్రమంలో తనకోసం ఎదురుచూస్తున్న స్థానిక ప్రజలు, మీడియా వారి వద్దకు వెళ్లే ప్రయత్నం చేశారు. వారి వద్దకు వెళ్లి సైకిల్ ను నిలిపే క్రమంలో ఒక్కసారిగా సైకిల్ తో పాటు బిడెన్ కింద పడిపోయాడు.
భద్రతా సిబ్బంది, బిడెన్ భార్య జిల్ ఒక్కసారిగా బిడెన్ వద్దకు చేరుకున్నారు. భద్రతా సిబ్బంది బిడెన్ ను పైకిలేపడం వీడియోలో కనిపించింది. అయితే ఎలాంటి గాయాలు బిడెన్ కు కాకపోవటంతో అందరూ ఊపిరిపీల్చుకున్నారు. ఉదయం 8గంటల ప్రాంతంలో ఈ ఘటన చోటు చేసుకుంది. బైడన్ కు 79 సంవత్సరాలు.
ఉదయం 9.30 గంటల సమయంలో బిడెన్ ప్రెస్ తో మాట్లాడుతూ.. నేను బాగున్నానని, తనకు ఎలాంటి గాయాలు కాలేదని తెలిపారు. సైకిల్ పెడల్ పై నుంచి షూస్ని తొలగించడంలో కొంచెం ఇబ్బంది ఏర్పడిందని, దీంతో కిందపడిపోవటం జరిగిందని బిడెన్ తెలిపారు.
Biden just beefed it on his bike in Delaware pic.twitter.com/eYj2oG0tHJ
— Quoth the Raven (@QTRResearch) June 18, 2022