Tadepalli Fire Accident : తాడేపల్లి కరకట్టపై భారీ అగ్నిప్రమాదం సంభవించింది. రైతు హరిబాబు అరటితోటను కోశాక నిప్పు పెట్టాడు. దీంతో కరకట్టకు ఆనుకుని ఉన్న ఎండుగడ్డికి మంటలు అంటుకుంటున్నాయి. కరకట్టకు ఇరువైపుల భారీగా మంటలు వ్యాపించాయి. తాడేపల్లి సీఐ సాంబశివరావు వెంటనే ప్రమాద స్థలికి చేరుకుని రెస్క్యూ ఆపరేషన్ చేపట్టారు.
సకాలంలో ఫైరింజన్ తో సంఘటనా స్థలానికి అగ్నిమాపక సిబ్బంది చేరుకోవడంతో మంటలను అదుపు చేయగలిగారు. మాజీ సీఎం చంద్రబాబు నివాసానికి సమీపంలోనే ఈ ప్రమాదం జరిగింది. కానీ, సకాలంలో మంటలు ఆర్పివేయడంతో అధికారులు ఊపిరిపీల్చుకున్నారు.