Lance Naik Sai Teja : తమిళనాడులో జరిగిన హెలికాప్టర్ ప్రమాదంలో మృతి చెందిన లాన్స్ నాయక్ సాయితేజ భౌతిక కాయం నేడు స్వగ్రామానికి చేరుకోనుంది. కోయంబత్తూరు మీదుగా బెంగళూరు చేరుకొని అక్కడి నుంచి చిత్తూరు జిల్లా ఎగువరేగడ గ్రామానికి తీసుకొస్తారు.
భౌతికకాయం బెంగళూరుకు ఈ రోజు మధ్యాహ్నం వరకు చేరుకుంటుంది. కాగా అధికారులు డీఎన్ఏ పరీక్ష ద్వారా సాయితేజ మృతదేహం గుర్తించారు. ఈ ఉదయం ఢిల్లీ నుంచి నేరుగా కోయంబత్తూరు ఎయిర్ బేస్ కి చేరుకుంటుంది. అక్కడి నుంచి బెంగళూరు.. మీదుగా స్వగ్రామానికి తరలించనున్నారు.
చదవండి : Lance Naik Sai Teja: అమరుడు సాయితేజ మృతదేహం కోసం ఎదురుచూపులు
సాయితేజ భౌతిక కాయం కోసం కుటుంబ సభ్యులు, బంధువులు రెండు రోజులుగా వేచిచూస్తున్నారు. శుక్రవారమే రావాల్సి ఉండగా.. మృతదేహం గుర్తించలేని స్థితిలో ఉండటంతో డీఎన్ఏ పరీక్ష చేయాల్సి రావడంతో ఆలస్యమైంది.
ఈ రోజు సాయంత్రం కానీ రేపు ఉదయం కానీ స్వగ్రామంలో అధికారిక లాంఛనాలతో అంత్యక్రియలు నిర్వహించనున్నారు. ఇక సాయితేజ మృతిపట్ల తీవ్ర దిగ్బ్రాంతి వ్యక్తం చేసిన సీఎం జగన్.. ప్రభుత్వం తరపున రూ.50 లక్షలు ప్రకటించారు. ఆ చెక్కును మంత్రి పెద్దిరెడ్డి రామచంద్రారెడ్డి కుటుంబ సభ్యులకు అందించారు.
చదవండి : Bipin Rawat Funerals : సైనిక లాంఛనాలతో బిపిన్ రావత్ దంపతుల అంత్యక్రియలు పూర్తి
