RGV-Nani Meet: నేడే వర్మ-నాని మీటింగ్.. రాజకీయాల్లో హాట్ టాపిక్..
సినిమాలు, రాజకీయాలకు సంబంధించి రామ్ గోపాల్ వర్మ, పేర్ని నాని మీటింగ్ ఇప్పుడు హాట్ టాపిక్.
- Published By: 10TV Digital Team ,Published On : January 10, 2022 / 07:31 AM IST
RGV-Nani Meet
Varma-Nani Meet: సినిమాలు, రాజకీయాలకు సంబంధించి రామ్ గోపాల్ వర్మ, పేర్ని నాని మీటింగ్ ఇప్పుడు హాట్ టాపిక్. విమర్శలు, ప్రతి విమర్శలు… ట్విట్లర్ వార్, ప్రెస్‌మీట్‌లలో ఫైర్ మధ్య ఎట్టకేలకు ఇద్దరి మధ్య మీటింగ్ ఈరోజు(10 జనవరి 2022) సెక్రటేరియట్‌లో జరగబోతుంది.
టాలీవుడ్‌లో పెద్ద సినిమాల రిలీజ్‌ సమయంలో కనిపించే వాతావరణం ఇప్పుడు ఆర్జీవీ, పేర్ని నాని వన్ టు వన్ భేటీకి ముందు క్రియేట్ అయింది.
ఇద్దరూ డైరెక్ట్‌గా, ఫేస్ టూ ఫేస్ ఉదయం 11గంటలకు మాట్లాడుకోబోతున్నారు. టికెట్ రేట్ల ఇష్యూపై ఈ సమావేశంలో చాలావరకు చిక్కుముడులు తీరిపోయే పరిస్థితి కనిపిస్తోంది. పేర్ని నానికి ఆర్జీవీ ఎలాంటి ప్రశ్నలు సంధిస్తారన్నదే ఇప్పుడు ఆసక్తిగా మారింది. ఆర్జీవీ, మంత్రి పేర్ని నాని మధ్య జరగబోయే వన్ టు వన్ మీటింగ్ ఉత్కంఠగా మారింది.
మొన్నటివరకు ఆర్జీవీకి, పేర్ని నానికి మధ్య.. ట్విట్టర్‌ వేదికగా మినీ యుద్ధమే నడిచింది. వర్మపేల్చిన పంచ్‌లకు.. పేర్నినాని తన స్టైల్‌లో ఆన్సర్స్ ఇచ్చారు. వాటికి సంతృప్తి చెందని వర్మ అనుమతిస్తే మిమ్మల్ని కలిసి అన్నీ వివరిస్తానని అన్నారు. త్వరలోనే కలుద్దామని మంత్రి పేర్ని నాని అపాయింట్‌మెంట్ ఇచ్చారు. ఈ క్రమంలోనే ఆర్జీవీ క్వశ్చన్ బ్యాంక్‌కు పేర్ని నాని ఎలాంటి ఆన్సర్స్ ఇస్తారన్నదే ఆసక్తికరం.
ట్విట్టర్‌లో వీళ్లిద్దరి మధ్య నడిచిన ట్వీట్ వార్ చూస్తే ఇద్దరికిద్దరు భిన్న వాదనలు వినిపించారు. పేర్ని నానితో జరగబోయే మీటింగ్‌లో.. ఆర్జీవీ కొన్ని ప్రశ్నలు సంధించే అవకాశముంది. టికెట్ రేట్లు ప్రభుత్వానికేం సంబంధం? సినిమా క్వాలిటీ తగ్గితే ఎలా? సినిమాలకు సబ్సిడీ ఇవ్వొచ్చు కదా? రేషన్ థియేటర్లు పెట్టొచ్చు కదా?
మీరే టికెట్లు కొని.. తక్కువ ధరకు అమ్మొచ్చు కదా? సినిమా బడ్జెట్ మీరెలా నిర్ణయిస్తారు? ప్రభుత్వమే సినిమాలు తీయొచ్చు కదా? ఉద్యోగులందరికీ ఒకేలా జీతాలుంటాయా? అన్ని హోటల్స్‌లో సేమ్‌ రేట్లు ఉంటాయా? సినిమా ఇండస్ట్రీపై మీకు అవగాహన ఉందా?
థియేటర్లు.. వినోద సేవలందించే ప్రాంగణాలని ఎక్కడ రాసుంది? థియేటర్లో సౌకర్యాలు చూడకుండా.. ఏరియాను బట్టి టికెట్ రేటు ఎలా నిర్ణయిస్తారు? టికెట్లు ఎంతకు అమ్ముతున్నారో.. చెప్పి అమ్ముతుంటే.. బ్లాక్ మార్కెటింగ్ ఎలా అవుతుంది? ఇలాంటి ప్రశ్నలన్నీ.. ఆర్జీవీ పేర్ని నానిని అడిగే అవకాశముంది.
