Sajjala Ramakrishna Reddy : ఆంధ్రప్రదేశ్ ఎన్నికల్లో వైసీపీ ఘోర పరాజయం చవిచూసిన నేపథ్యంలో రాజీనామాల పర్వం కొనసాగుతోంది. ఇప్పటికే పలువురు తమ రాజీనామాలను సమర్పించగా, తాజాగా రాష్ట్ర ప్రభుత్వ సలహాదారు పదవికి సజ్జల రామకృష్ణారెడ్డి కూడా రాజీనామా చేశారు.
వైసీపీ ప్రభుత్వంలో కీలకంగా వ్యవహరించిన సజ్జల ఈ ఎన్నికల్లో ఆ పార్టీ ఓడిపోవడంతో రాజీనామా చేశారు. తన రాజీనామ లేఖను సీఎస్ జవహర్ రెడ్డికి ఆయన పంపించారు. సజ్జల రామకృష్ణతో పాటు సలహాదారులుగా వ్యవహరించిన మరో 20 మందికి కూడా తమ రాజీనామాలను సమర్పించారు. తమ రాజీనామా పత్రాలను సీఎస్‌కు పంపించారు.
