RBI New Rules
RBI New Rules : మీ ఇంట్లో వెండి ఉందా? అయితే, మీకో గుడ్ న్యూస్.. ఇకపై బంగారంపై మాత్రమే కాదు.. వెండిపై కూడా బ్యాంకులో లోన్లు తీసుకోవచ్చు. రిజర్వ్ బ్యాంకు ఆఫ్ ఇండియా సరికొత్త రూల్ తీసుకొచ్చింది. దీని ప్రకారం.. అతి త్వరలో బంగారం మాదిరిగానే వెండి వస్తువులను కూడా తాకట్టు పెట్టి రుణాలు తీసుకోవచ్చు.
ఆర్బీఐ కొత్త మార్గదర్శకాలు 2026 ఏప్రిల్ 1 నుంచి (RBI New Rules) అమల్లోకి రానున్నాయి. ఆర్బీఐ ప్రకారం.. వాణిజ్య బ్యాంకులు, బ్యాంకింగ్‌యేతర ఆర్థిక సంస్థలు (NBFCS) వెండి వస్తువులు, ఆభరణాలు, కాయిన్స్‌ తాకట్టుకు పెట్టుకుని బ్యాంకులో రుణాలు పొందవచ్చు.
ఇందులో వెండి కడ్డీలు, ఈటీఎఫ్‌లపై రుణాలు ఇవ్వరాదని ఆర్బీఐ స్పష్టం చేసింది. అన్ని నియంత్రిత రుణదాతలు వచ్చే ఏడాది ఏప్రిల్ నుంచి నిబంధనలను పాటించాల్సి ఉంటుంది. స్వల్పకాలిక అవసరాల కోసం బంగారం, వెండి ఆభరణాలు, ఆభరణాలు, వెండి నాణేలను తాకట్టు పెట్టడానికి ఆర్బీఐ అనుమతిస్తుంది.
ఇప్పటికే తాకట్టు పెట్టిన బంగారం లేదా వెండిని ఉపయోగించి తిరిగి తాకట్టు పెట్టలేరు లేదా రుణాలు ఇవ్వడం కుదరదు. అంతేకాకుండా, బంగారం, వెండి లేదా బంగారు-ఆధారిత సెక్యూరిటీలను (ETF) వంటివి కొనుగోలు చేసేందుకు రుణాలు పొందలేరు.
చిన్న లోన్లకు హైయర్ ఎల్టీవీ లిమిట్స్ :
రుణగ్రహీతలు ఇప్పుడు బంగారం విలువలో 85శాతం వరకు రుణంగా పొందవచ్చు. ఇంతకముందు 75శాతం ఉండగా ఇప్పుడు పెరిగింది. ఈ లోన్-టు-వాల్యూ (LTV) పరిమితి వడ్డీతో సహా మొత్తం రుణ మొత్తాలకు రూ. 2.5 లక్షల వరకు వర్తిస్తుంది. ఉదాహరణకు.. మీ బంగారం విలువ రూ. 1 లక్ష అయితే.. మీరు ఇప్పుడు రూ. 85వేల వరకు రుణం తీసుకోవచ్చు అనమాట.
బుల్లెట్ రీపేమెంట్ లోన్లపై12 నెలల లిమిట్ :
బుల్లెట్ రీపేమెంట్ లోన్లపై వడ్డీ, అసలు చివరిలో కలిసి చెల్లించాల్సి ఉంటుంది. ఇప్పుడు అయితే 12 నెలల్లోపు తిరిగి చెల్లించాలి.
తాకట్టు పెట్టిన బంగారం, వెండిపై పరిమితులివే :
తాకట్టు వస్తువులను వేగంగా పొందొచ్చు :
రుణదాతలు తాకట్టు పెట్టిన బంగారం లేదా వెండిని రుణం ముగిసిన అదే రోజున లేదా 7 రోజుల్లోగా తిరిగి ఇవ్వాల్సి ఉంటుంది. ఒకవేళ ఆలస్యం అయితే రుణగ్రహీతకు రోజుకు రూ. 5వేలు పరిహారం చెల్లించాలి.
నష్టానికి తప్పనిసరి పరిహారం :
ఆడిట్ సమయంలో తాకట్టు పెట్టిన బంగారం లేదా వెండి పోయినా లేదా దెబ్బతిన్నా, రుణదాతలు రుణగ్రహీతలకు పూర్తి మొత్తంలో పరిహారాన్ని చెల్లించాలి.
పారదర్శకంగా వేలం ప్రక్రియ :
లోన్ డిఫాల్ట్‌ విషయంలో ఏదైనా బంగారాన్ని వేలం వేయాల్సి వస్తుంది. అలాంటిప్పుడు బంగారాన్ని వేలం వేసే ముందు రుణదాతలు నోటీసు జారీ చేయాలి. రిజర్వ్ ధర మార్కెట్ విలువలో కనీసం 90శాతంగా ఉండాలి.
రెండు విఫలమైన వేలం తర్వాత 85శాతం వేలం వేయగా ఇంకా ఏదైనా మిగిలితే ఆ మొత్తాన్ని 7 రోజుల్లోగా రుణగ్రహీతకు తిరిగి ఇవ్వాల్సి ఉంటుంది.
స్థానిక భాషలో లోన్ నిబంధనలు :
అన్ని రుణ నిబంధనలు, మూల్యాంకన వివరాలను రుణగ్రహీతకు అర్థమయ్యే ప్రాంతీయ భాషలో అందించాలి. చదవడం రాని రుణగ్రహీతల కోసం ఈ వివరాలను వారికి తెలిసినవారి సమక్షంలోనే తెలియజేయాలి.
