Flipkart Diwali Sale 2025
Flipkart Diwali Sale 2025 : కొత్త స్మార్ట్‌ఫోన్ కొనేందుకు చూస్తున్నారా? ఫ్లిప్‌కార్ట్ బిగ్ బిలియన్ డేస్ సేల్ కొద్ది రోజుల క్రితమే ముగిసింది. ఇప్పుడు ప్లాట్‌ఫామ్ ఫ్లిప్‌కార్ట్ బిగ్ బ్యాంగ్ దీపావళి సేల్ 2025ను ప్రకటించింది. ఈ పండుగ సీజన్‌లో ఈ కొత్త సేల్ సమయంలో మీరు ఐఫోన్ 16, గూగుల్ పిక్సెల్ 9 సిరీస్, శాంసంగ్ గెలాక్సీ S25 సిరీస్ వంటి కొన్ని బెస్ట్ స్మార్ట్ఫోన్లపై అద్భుతమైన డిస్కౌంట్లను అందిస్తోంది.
ఇందులో ఫ్లిప్‌కార్ట్ అధికారికంగా (Flipkart Diwali Sale 2025) సేల్ ప్రారంభ తేదీని ప్రకటించింది. అలాగే వినియోగదారుల కోసం బ్యాంక్ ఆఫర్లు, ముందస్తు యాక్సెస్ బెనిఫిట్స్ కూడా ప్రకటించింది.
ఫ్లిప్‌కార్ట్ బిగ్ బ్యాంగ్ దీపావళి సేల్ 2025 ప్రారంభ తేదీ :
ప్లాట్‌ఫామ్ అధికారిక ప్రకటన ప్రకారం.. ఫ్లిప్‌కార్ట్ బిగ్ బ్యాంగ్ దీపావళి సేల్ అక్టోబర్ 11, 2025న ప్రారంభం కానుంది. ఈ సేల్ బ్యానర్ ఫ్లిప్‌కార్ట్ మొబైల్ యాప్‌లో అందుబాటులో ఉంది. అది ఇంకా వెబ్‌సైట్‌లో మాత్రం అందుబాటులో లేదు. ఫ్లిప్‌కార్ట్ బిగ్ బిలియన్ డేస్ సేల్ సమయంలో అన్ని ఫ్లిప్‌కార్ట్ ప్లస్, ఫ్లిప్‌కార్ట్ బ్లాక్ సభ్యులు అక్టోబర్ 10, 2025న సేల్‌కు ముందుగా యాక్సెస్ పొందవచ్చు.
ఫ్లిప్‌కార్ట్ ప్లస్ అనేది లాయల్టీ ఆధారిత ప్రీమియం టైర్ ఉచితంగా పొందవచ్చు. అయితే ఫ్లిప్‌కార్ట్ బ్లాక్‌ను ఏడాదికి రూ.1,249 చొప్పున కొనుగోలు చేయవచ్చు.
ఫ్లిప్‌కార్ట్ దీపావళి సేల్ 2025 బ్యాంక్ ఆఫర్లు, మరెన్నో డీల్స్ :
ఫ్లిప్‌కార్ట్ బిగ్ బ్యాంగ్ దీపావళి సేల్ 2025 ఎస్బీఐ కార్డ్ హోల్డర్లకు అద్భుతమైన డీల్స్ అందిస్తోంది. ఈ కస్టమర్లు ఎస్బీఐ క్రెడిట్, డెబిట్ కార్డ్‌లతో చేసే ఏదైనా కొనుగోలుపై 10 శాతం వరకు ఇన్‌స్టంట్ డిస్కౌంట్ పొందవచ్చు.అదనంగా, యాక్సిస్ బ్యాంక్ ఫ్లిప్‌కార్ట్ క్రెడిట్ కార్డ్ హోల్డర్లు తమ ప్రొడక్టులపై అదనపు డిస్కౌంట్లను పొందవచ్చు.
ఈ సేల్ ఎండ్ డేట్ ఎప్పుడు అనేది ఫ్లిప్‌కార్ట్ ఇంకా వెల్లడించలేదు. ప్రొడక్టుల విషయానికొస్తే.. ఫ్లిప్‌కార్ట్ దీపావళి సేల్ 2025 సందర్భంగా ఐఫోన్ 16పై భారీ తగ్గింపు పొందే అవకాశం ఉంది. ఆపిల్ మ్యాక్‌బుక్ M2 ఎడిషన్, స్మార్ట్‌వాచ్‌లు, ఇతర స్మార్ట్ఫోన్లపై కూడా భారీ తగ్గింపులు ఉండవచ్చు.
