Gold Rate: గత వారం భారీగా పెరిగిన బంగారం ధర సోమవారం కాస్త శాంతించింది. గత వారంలో బుధవారం నుంచి శనివారం మధ్యలో 10గ్రాముల 24 క్యారట్ల బంగారంపై రూ.4వేలకుపైగానే పెరిగింది. దీంతో తులం గోల్డ్ రేటు రూ.లక్ష దాటుకొని సరికొత్త రికార్డులను నమోదు చేసింది. అయితే, ఇవాళ బంగారం ధర తగ్గింది.
సోమవారం ఉదయం నమోదైన వివరాల ప్రకారం.. 10గ్రాముల 24క్యారెట్ల బంగారంపై రూ. 170 తగ్గగా.. 22 క్యారెట్ల బంగారంపై రూ. 150 తగ్గింది. అదేవిధంగా అంతర్జాతీయ మార్కెట్లోనూ గోల్డ్ రేటు తగ్గింది. ఔన్సు గోల్డ్ పై 15 డాలర్లు తగ్గింది.. ప్రస్తుతం ఔన్స్ గోల్డ్ 3,417 డాలర్ల వద్ద కొనసాగుతుంది. మరోవైపు.. వెండి ధర స్వల్పంగా తగ్గింది.
తెలుగు రాష్ట్రాల్లో ఇవాళ్టి ధరలు..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర తగ్గింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.93,050కు చేరగా.. 24 క్యారట్ల ధర రూ. 1,01,510కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ.93,200కు చేరగా.. 24 క్యారట్ల ధర రూ. 1,01,660కు చేరుకుంది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ.93,050 కాగా.. 24క్యారెట్ల ధర రూ. 1,01,510కు చేరింది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధర స్వల్పంగా తగ్గింది. దీంతో ఆయా నగరాల్లో కిలో వెండి ధర రూ.1,19,900 మార్క్ కు చేరింది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,09,900 వద్దకు చేరింది.
♦ చెన్నైలో కిలో వెండి ధర రూ. 1,19,900 వద్ద కొనసాగుతుంది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.