Home Loan Strategy : హోం లోన్ తీసుకున్నారా? 20 ఏళ్ల EMI 11 ఏళ్లలోనే కంప్లీట్ చేయడం ఎలా..? ఈ 3 సింపుల్ ట్రిక్స్ ట్రై చేయండి..!
Home Loan Strategy : మీరు హోం లోన్ తీసుకున్నారా? 20ఏళ్ల EMI తొందరగా ఎలా కంప్లీట్ చేయాలో తెలుసా? ఇదిగో ఈ 3 సింపుల్ ట్రిక్స్ ఓసారి ట్రై చేయండి.
- Published By: 10TV Digital Team ,Published On : November 30, 2025 / 02:31 PM IST
Home Loan Strategy
Home Loan Strategy : ప్రస్తుత రోజుల్లో సొంతిల్లు అనేది ప్రతి ఒక్కరి కల. సామాన్యుల నుంచి మధ్య తరగతి, ధనిక వర్గాల వరకు అందరికి సొంత ఇల్లు ఉండాలని కలలు కంటుంటారు. ఎవరి బడ్జెట్‌కు అనుగుణంగా ఎక్కడో ఓ చోట సొంత ఇల్లు కొనుక్కోవాలని చూస్తుంటారు. సొంతింటి కోసం నూటికి 99 శాతం (Home Loan Strategy) మంది బ్యాంకు లోన్ తీసుకుంటారు. అయితే, సామాన్య, మధ్య తరగతి వారికి హోం లోన్‌పై ప్రతి నెల EMI చెల్లించడం భారంతో కూడుకున్న వ్యవహారం.
అందుకే బ్యాంక్ లోన్‌కు సంబంధించిన ఈఎంఐని ఎంత తొందరగా సాధ్యపడితే అంత తొందరగా పూర్తి చేయాలని అంటున్నారు ఆర్థిక రంగ నిపుణులు. ఇందుకోసం పలు మార్గాలను కూడా సూచిస్తున్నారు. మీరు కూడా హోం లోన్ తీసుకుంటే ఈఎంఐని ఎలా చెల్లించాలి? ఒకవేళ 20ఏళ్ల ఈఎంఐలను కేవలం 11 నెలల్లోనే ఎలా కంప్లీట్ చేయాలి? అనేది ఇప్పుడు పూర్తి వివరంగా తెలుసుకుందాం.
ఈఎంఐల భారం ఇలా తగ్గించుకోండి :
సొంతిల్లు కొనుగోలు కోసం చాలా మంది బ్యాంకుల నుంచి హోమ్ లోన్ తీసుకుంటారు. ఇంటి రుణాన్ని సాధారణంగా 15 నుంచి 20 ఏళ్లలో నెమ్మదిగా తిరిగి చెల్లించవచ్చునని భావిస్తుంటారు. అందులోనూ తక్కువ జీతం, ఆదాయం తక్కువ ఉన్న వారికి హోం లోన్ ఈఎంఐలు చెల్లించడం కత్తి మీ సాముతో కూడుకున్నది. అయితే, హోం లోన్ ఈఎంఐ భారాన్ని తగ్గించుకునేందుకు కొన్ని మార్గాలను అనుసరిస్తే తొందరగా బయటపడొచ్చునని అంటున్నారు. నెలవారీ ఈఎంఐల భారం కొంత మేర తగ్గించుకోవచ్చునని సూచిస్తున్నారు.
వడ్డీ సేవ్ చేయాలంటే? :
బ్యాంకు రుణం తీసుకున్న ప్రారంభంలో EMI ఎక్కువ భాగం వడ్డీకే పోతుంది. ఈ విషయం చాలా మందికి తెలియదు. మీరు తీసుకున్న హోం లోన్‌లో ప్రతి నెల అసలు అమౌంట్‌ చాలా తక్కువగా తగ్గుతుంది. ఓ వ్యక్తి రూ. 60 లక్షల హోం రుణంపై రూ. 30 లక్షలకు పైగా వడ్డీని సేవ్ చేసుకునే అవకాశముందని ఎక్స్‌పర్ట్స్‌ చెబుతున్నారు.
20ఏళ్ల గృహరుణంపై ఫస్ట్‌ పదేళ్లు మీరు చెల్లించే ఈఎంఐలో ఎక్కువ భాగం వడ్డీకే వెళుతుంది. పదేళ్ల తర్వాత కూడా మీరు రూ. 42 లక్షల 60వేలు చెల్లించాల్సి ఉంటుంది. అసలు రూ. 60 లక్షల్లో రూ. 17 లక్షల 40 వేలు మాత్రమే తిరిగి చెల్లించి ఉంటారు. అంటే.. మీరు ముందుగానే కాస్త తెలివిగా ప్రీపేమెంట్స్‌ చేస్తే.. మీ మొత్తం వడ్డీని చాలా వరకు తగ్గించుకోవచ్చునని ఆర్ధిక నిపుణులు సూచిస్తున్నారు.
ఈ 3 సింపుల్ స్ట్రాటజీ ట్రై చేయండి :
హోమ్ లోన్ చెల్లింపులో ఒక సింపుల్ ట్రిక్‌ ఏంటంటే.. ప్రతి ఏడాదిలో ఒక అదనపు ఈఎంఐ చెల్లించాలి. అంటే.. రూ. 60 లక్షల హోమ్ లోన్‌కు ప్రతి నెల చెల్లించే ఈఎంఐ రూ. 53,984 ఉంటుంది. ఈ ట్రిక్‌లో ప్రతి ఏడాదిలో ఒక అదనపు ఈఎంఐ చెల్లించాలి. ఇలా చేయడం ద్వారా లోన్ టెన్యూర్‌ సుమారు 44 నెలలు అంటే.. దాదాపు 4 ఏళ్లు తగ్గించుకోవడమే కాకుండా మొత్తం వడ్డీలో రూ. 14 లక్షల 85 వేలు సేవ్ చేసుకోవచ్చు.
ప్రీపేమెంట్‌ చేస్తే ఎక్కువ ఆదా అయ్యే చాన్స్‌ :
రెండో స్ట్రాటజీ విషయానికి వస్తే.. మీ జీతం ప్రతి ఏడాది పెరిగితే మీ ఈఎంఐని కూడా కొంత మేర పెంచుకోవచ్చు. ఏడాదికి 5 శాతం చొప్పున ఈఎంఐని పెంచుకుంటూ వెళ్లాలి. ఇలా ఈఎంఐని పెంచటం వల్ల మీ హోమ్ లోన్ 20 ఏళ్లకు బదులుగా 12.4 సంవత్సరాలలో తీర్చేయొచ్చు. ఇలా చేయడం వల్ల రూ. 25 లక్షల 72 వేల వడ్డీ ఆదా అవుతుంది. ఇలా రెండు స్ట్రాటజీలను అప్లయ్ చేస్తే.. కేవలం 20 ఏళ్లలోనే మీ హోం లోన్ 11 సంవత్సరాల్లో చెల్లించవచ్చు. అంతేకాదు.. మొత్తం వడ్డీలో రూ. 30 లక్షల 60వేలు ఆదా చేసుకోవచ్చు.
ఇక మూడో స్ట్రాటజీ విషయానికి వస్తే.. హోమ్ లోన్ మీరు ఎంత ముందుగా ప్రీ పేమెంట్స్‌ చేస్తే అంత ఎక్కువ ఆదా అయ్యే అవకాశముంది. మొదటి 5 నుంచి ఏడేళ్లు మీ ఈఎంఐలో ఎక్కువ భాగం వడ్డీకే పోతుంది. అందుకే ఈ కాలంలో ప్రీపేమెంట్స్‌ చేయడం వల్ల మీ లోన్ వేగంగా తగ్గుతుంది.
ఆ తర్వాత కాలంలో ప్రీపేమెంట్స్‌ చేసినా పెద్దగా ఫలితం ఉండదు. ఎందుకంటే.. అప్పటికి మీరు ఎక్కువగా ప్రిన్సిపుల్‌ అమౌంట్‌ చెల్లిస్తుంటారు. మీరు హోమ్ లోన్ తీసుకునే ప్లాన్‌లో ఉన్నా లేదంటే ఇప్పటికే తీసుకున్నా ఈ స్ట్రాటజీలతో ముందుకు వెళ్తే ఆర్ధిక భారం కొంతమేర తగ్గించుకోవచ్చని ఎక్స్‌పర్ట్స్‌ చెబుతున్నారు.
