Reliance Jio announces nationwide rollout of 5G-based connectivity using 26 ghz mm-wave spectrum
Reliance Jio : ప్రముఖ దేశీయ టెలికం దిగ్గజం రిలయన్స్ జియో (Reliance Jio) మొత్తం 22 టెలికాం సర్కిల్‌లలో 26GHz మిల్లీమీటర్ వేవ్ (mmWave) స్పెక్ట్రమ్‌ని ఉపయోగించి 5G ఆధారిత కనెక్టివిటీని ప్రారంభించినట్లు ప్రకటించింది. గత జూలై 19 2023న, RJIL డిపార్ట్‌మెంట్ ఆఫ్ టెలికమ్యూనికేషన్స్ (‘DoT’) యూనిట్‌లతో 11 ఆగస్టు 2023 నాటికి ఫేజ్ 1 కనీస అర్హతకు సంబంధించి సూచించిన వివరాలను జియో సమర్పించింది. అన్ని సర్కిల్‌లలో అవసరమైన DoT ట్రయల్ కూడా నిర్వహించింది.
దేశీయ మొదటి 5G స్పెక్ట్రమ్ విక్రయంలో జియో లో-బ్యాండ్, మిడ్-బ్యాండ్ mmWave స్పెక్ట్రమ్‌లను కూడా కొనుగోలు చేసింది. జియో ఇప్పుడు ప్రతి 22 సర్కిల్‌లలో mmWave బ్యాండ్‌లో 1,000 MHzని కలిగి ఉంది. తద్వారా ఎంటర్‌ప్రైజ్ వినియోగ కేసులు, హై-క్వాలిటీ స్ట్రీమింగ్ సర్వీసులను అందించడానికి వీలు కల్పిస్తుంది. mmWave స్పెక్ట్రమ్, స్వతంత్ర (SA) విస్తరణతో పాటు, జియో చిన్న, మధ్యస్థ, పెద్ద సంస్థలకు 5G వ్యాపార-కనెక్టివిటీ పరిష్కారాలను అందించడానికి అనుమతిస్తుంది.
ఈ 77వ స్వాతంత్ర్య దినోత్సవం సందర్భంగా mmWave ఆధారిత (Jio True-5G) బిజినెస్ కనెక్టివిటీని పాన్-ఇండియా రోల్ అవుట్‌తో జియో ‘ఆజాదీ కా అమృత్ మహోత్సవ్’ జరుపుకుంటోంది. ఈ సందర్భంగా రిలయన్స్ జియో ఇన్ఫోకామ్ లిమిటెడ్ చైర్మన్ ఆకాష్ అంబానీ మాట్లాడుతూ.. ‘భారత ప్రభుత్వం, టెలికమ్యూనికేషన్స్ శాఖ ద్వారా 1.4 బిలియన్ల భారతీయులకు హై క్వాలిటీ 5G సర్వీసులను వేగవంతం చేయడానికి కట్టుబడి ఉన్నాం.
5G సర్వీసులను వేగంగా ప్రారంభించడంలో భారత్‌ను ప్రపంచవ్యాప్తంగా టాప్ ప్లేసులోకి తీసుకెళ్లడం చాలా గర్వంగా ఉంది. జియోకు కేటాయించిన 5G స్పెక్ట్రమ్ కోసం కనీస రోల్-అవుట్ బాధ్యతలను పూర్తి చేశాం. గత ఏడాది ఆగస్టులో 5G స్పెక్ట్రమ్‌ను స్వీకరించినప్పటి నుంచి ఈ సంవత్సరం చివరి నాటికి పాన్-ఇండియా 5G కవరేజీని ప్రారంభిస్తామని వాగ్దానం చేశాం. 5G రోల్-అవుట్ వేగాన్ని కొనసాగించడానికి మా బృందం 24 గంటలూ పని చేస్తోంది’ అని పేర్కొన్నారు.
Reliance Jio announces nationwide rollout of 5G-based connectivity using 26 ghz mm-wave spectrum
గత ఏడాది ఆగస్టులో 5G స్పెక్ట్రమ్‌ను స్వీకరించినప్పటి నుంచి దేశమంతటా 5G కవరేజీని సకాలంలో అందించడానికి బృందం అవిశ్రాంతంగా కృషిచేస్తోందని పేర్కొన్నారు. (mmWave) వ్యాపార పరిష్కారాలు లీజుకు తీసుకున్న లైన్‌ల కోసం మార్కెట్‌ను విస్తరింపజేస్తాయి. ఎంటర్‌ప్రైజ్-గ్రేడ్ కనెక్టివిటీ, వ్యాపార పరిష్కారాలతో చిన్న, మధ్యస్థ సంస్థలను డిజిటలైజ్ చేస్తాయి.
జియో 26GHz సర్వీసు ఫోన్‌లలో అందుబాటులో లేనప్పటికీ.. ఫిక్స్‌డ్ వైర్‌లెస్ యాక్సెస్ (FWA) కన్స్యూమర్ ప్రాంగణ పరికరాలు (CPE) వంటి ఇన్-బిల్డింగ్ సొల్యూషన్‌ల ద్వారా దీనిని ఎంటర్‌ప్రైజెస్ యాక్సెస్ చేయవచ్చు. (Jio AirFiber) CPEని ప్రవేశపెట్టింది. అయినప్పటికీ, ఇంకా వాణిజ్యపరంగా అందుబాటులోకి రాలేదు. మరోవైపు.. జియో పోటీదారు అయిన భారతి ఎయిర్‌టెల్ కూడా అన్ని టెలికాం సర్కిల్‌లలో 26GHz స్పెక్ట్రమ్ బ్యాండ్‌పై 5G సర్వీసులను విడుదల చేసింది. నెలవారీ అద్దె రుసుము రూ.799తో 5G FWA సర్వీసును ప్రారంభించిన మొదటి భారతీయ టెలికాం కంపెనీగా (Airtel) నిలిచింది.
