ఒకప్పుడు కేవలం కంప్యూటర్లు మాత్రమే ఉండేవి. ఎవరి దగ్గరైనా కంప్యూటర్ ఉంది అంటే అదో పెద్ద గొప్పగా భావించేవారు. కానీ ఇప్పుడు కంప్యూటర్ల కాలం పోయింది. ఎక్కడ చూసినా లాప్టాప్ లే దర్శనమిస్తున్నాయి. లాప్టాప్ లో కూడా ఎన్నో రకాలు… దీంతో చాలామంది కంప్యూటర్లు కొనడం కంటే ల్యాప్టాప్ లు కొనడానికి ఎక్కువ ఆసక్తి చూపుతున్నారు.
కంప్యూటర్ కొంటే ఇంట్లోనే ఉండి పని చేసుకోవాల్సి వస్తుంది అదే లాప్టాప్ అయితే మనం ఎక్కడికి వెళ్ళినా మన వెంటే తీసుకుపోవచ్చు. ఇప్పటికే టెక్నాలజీకి అనుగుణంగా ఎన్నో లాప్టాప్లు మార్కెట్లోకి వచ్చాయి. తాజాగా మరో లాప్టాప్ మార్కెట్లోకి వచ్చింది.
చైనాకు చెందిన మ్యాజిక్ బెన్ సంస్థ సరికొత్త ఎలక్ట్రానిక్‌ డివైజ్‌ను తయారు చేసింది. చైనాకు చెందిన మ్యాజిక్ బెన్ కంపెనీ అత్యుత్తమ టెక్నాలజీతో తయారు చేసింది. మ్యాగ్1 పేరుతో ప్రపంచంలోనే అతిచిన్న ల్యాప్‌టాప్‌ను తీసుకొచ్చింది. దాదాపు A5 కాగితమంత పరిమాణంలో ఉండే ఈ ల్యాప్టాప్ బరువు కేవలం 700 గ్రాములు. అయినప్పటికీ యాపిల్‌ ల్యాప్టాప్, మ్యాక్‌బుక్‌ కంటే ఎక్కువ పోర్టులు ఇందులో ఉన్నట్లు సంస్థ ప్రకటించింది.
ఈ అల్ట్రా పోర్టబుల్ లాప్టాప్ లో టచ్ ప్యాడ్ తో పాటు యూఎస్‌బీ 3.0 పోర్ట్‌, టైప్‌ సీ కనెక్టర్‌, మైక్రోఎస్‌డీ కార్డ్‌ రీడర్‌, ఆడియో సాకెట్‌, మైక్రో హెచ్‌డీఎంఐ పోర్ట్‌లు ఇందులో ఉన్నాయి. దీని డిస్‌ప్లే టచ్ స్క్రీన్‌ కావడం మరో ప్రత్యేకత. పేరుకు అత్యంత చిన్న ల్యాప్టాప్ అయినప్పటికీ.. మ్యాగ్1 30ఏహెచ్‌ఆర్‌ బ్యాటరీ సామర్థ్యం కలదని కంపెనీ తెలిపింది. దీని ధర 790 డాలర్లుగా ప్రకటించారు.
