బాక్స్‌ఆఫీస్ వద్ద కలెక్షన్ల సునామీ సృష్టించిన కేజీఎఫ్ మూవీ గుర్తుందా? ఆ మూవీలో ప్రాంతంలో బంగారు గనులను తవ్వుతుంటే.. టన్నల కొద్ది బంగారం బయటపడటం చూసే ఉంటారు. అదే తరహాలో యూపీ రాష్ట్రంలో వేల టన్నుల బంగారు నిక్షేపాలు బయటపడ్డాయి. ఒకటి కాదు..రెండు కాదు.. ఏకంగా 3వేలకు టన్నులకు పైనే బంగారు నిధులు దొరికాయి. అంతా బంగారమే.. ఎక్కడ చూసిన బంగారు నిధులే.. బంగారు గనులను తవ్వుతున్న కొలది టన్నుల బంగారం బయటపడుతోంది.
ఉత్తరప్రదేశ్ లోని సోన్ భద్రలో బంగారం గనులు బయటపడ్డాయి. సమారుగా 3,350 టన్నుల బంగారం నిక్షేపాలను జియోలాజికల్ సర్వే అధికారులు గుర్తించారు. యూపీలోని శోన్ భద్రలో రెండు దశబ్దాలగా జియోలాజికల్ సర్వే ఆఫ్ ఇండియా (GSI), ఉత్తర ప్రదేశ్ డైరెక్టరేట్ ఆఫ్ జియాలజీ అండ్ మైనింగ్ సంయుక్తంగా సాగించిన గనుల తవ్వకాల్లో రెండు భారీ బంగారం నిక్షేపాలు బయటపడినట్టు పూరావస్తు శాస్త్రవేత్తలు వెల్లడించారు. నక్సలైట్ ప్రభావిత ప్రాంతమైన సోనభద్ర జిల్లాలో వేలాది టన్నుల బంగారు నిక్షేపాలను అధికారులు గుర్తించారు.
ఈ రెండు బంగారు నిక్షేపాలు.. ప్రస్తుత భారత బంగారు నిల్వల (626 టన్నులు) కంటే ఐదు రెట్లు ఎక్కువ. మైనింగ్ కోసం ఈ బంగారు నిక్షేపాలను లీజుకు ఇవ్వడానికి ప్రభుత్వం ఆలోచిస్తోందని జిల్లా మైనింగ్ అధికారి కెకె రాయ్ తెలిపారు. సోన్‌భద్రలో బంగారు నిక్షేపాలు ఉన్నాయని జిఎస్‌ఐ 2005 లో మొదట చెప్పింది. ఉత్తర ప్రదేశ్‌లోని నక్సల్ హిట్ జిల్లాలో పర్వతాల క్రింద గోల్డ్‌మైన్‌లు ఉన్నాయన్న వాదన 2012 లో ధ్రువీకరించారు. అధికారుల ప్రకారం.. సోన్‌భద్రను సందర్శించిన ఏడుగురు సభ్యుల బృందాన్ని రాష్ట్ర మైనింగ్ విభాగం ఏర్పాటు చేసింది. ఈ బృందం గోల్డ్‌మైన్ ప్రాంతాన్ని మ్యాప్ చేస్తుంది.. జియో-ట్యాగింగ్ నిర్వహిస్తుంది. సోన్‌భద్ర ఖనిజ సంపన్న గనులు వాటి భౌగోళిక స్థానం కారణంగా తవ్వడం సులభం అని అధికారులు చెబుతున్నారు.
త్వరలోనే ఈ బంగారు మైనింగ్ బ్లాకుల వేలం ప్రారంభం కానుంది. గనులు ఎక్కువగా కొండపై ఉన్నాయి, ఇది గనిని సులభతరం చేస్తుంది. పరిహారం చెల్లింపు, అవసరమైన అనుమతులు మంజూరు చేసిన వెంటనే ప్రభుత్వం వేలం ప్రక్రియను ప్రారంభిస్తుందని వారు అంటున్నారు. మీడియా నివేదికల ప్రకారం.. జిల్లాలోని దుధి తహసీల్‌లోని మహులి గ్రామంలో హార్దిలో సోన్‌పహాదిలో గోల్డ్‌మైన్స్ ఉన్నాయి.
మైనింగ్ అధికారి రాయ్ మాట్లాడుతూ.. సుమారు 2943.25 టన్నుల బంగారు నిక్షేపాలు సోన్‌పహాదిలో బయటపడడగా, సుమారు 650 టన్నులు హార్దిలో ఉన్నాయని చెప్పారు. బంగారంతో పాటు, ఈ ప్రాంతంలో యురేనియం వంటి అరుదైన ఖనిజాల అవకాశాలను కూడా అధికారులు పరిశీలిస్తున్నారు. యూపీలోని బుందేల్‌ఖండ్, వింధ్యన్ జిల్లాల్లో బంగారం, వజ్రం, ప్లాటినం, సున్నపురాయి, గ్రానైట్, ఫాస్ఫేట్, క్వార్ట్జ్, చైనా క్లే వంటి ఖనిజాలు అధికంగా ఉన్నాయి.
విస్తారమైన గోల్డ్‌మైన్‌లు, ఇతర ఖనిజాల అన్వేషణ రాష్ట్ర ఆదాయానికి పెద్ద ప్రోత్సాహాన్ని ఇస్తుంది. యూపీలోని ఈ రెండు జిల్లాల వెనుకబడిన ప్రాంతాల అభివృద్ధికి కూడా ఇది దారి తీస్తుంది. ప్రపంచ బంగారు మండలి హోల్‌సేల్ స్థాయిలో ప్రపంచవ్యాప్తంగా బంగారు వాణిజ్యాన్ని గుర్తించే స్వతంత్ర ఏజెన్సీ (WGC), భారతదేశంలో 626 టన్నుల పసుపు లోహాన్ని హోల్డింగ్‌గా కలిగి ఉంది, ఇది మొత్తం విదేశీ నిల్వలలో బంగారంలో ఉన్న వాటాలో 6.6 శాతంగా ఉంది.
యునైటెడ్ స్టేట్స్ (US) 8,133.5 టన్నులతో అత్యధిక హోల్డింగ్ కలిగి ఉంది. జర్మనీ 3,366 టన్నులతో, అంతర్జాతీయ ద్రవ్య నిధి (IMF) 2,814 టన్నులతో ఉంది. భారతదేశం కంటే ఎక్కువ బంగారు నిల్వలు ఉన్న ఇతర దేశాలు 2,451.8 టన్నులతో ఇటలీ ఉండగా, 2436 టన్నులతో ఫ్రాన్స్, 2,241.9 టన్నులతో రష్యా, 1,948.3 టన్నులతో చైనా, 1,040 టన్నులతో స్విట్జర్లాండ్, 765.2 టన్నులతో జపాన్ ఉన్నాయి.
Read More>>వాటేసుకుని అక్కడ ముద్దులు పెట్టాడు : కేరళ బిషప్‌పై మరో నన్ లైంగిక వేధింపుల ఆరోపణలు
