ఒప్పుకోలేదని నిప్పంటించాడు..: కోమాలో బాధితురాలు
- Published By: Subhan Ali Shaik ,Published On : December 10, 2019 / 02:20 AM IST
బీహార్‌లో ఓ కామాంధుడి ఆవేశానికి మరో యువతి దహనమైంది. మూడేళ్లుగా వేధించడంతో పాటు రేప్ చేసేందుకు యత్నించబోయాడు. నిరాకరించి ప్రతిఘటించడంతో 23ఏళ్ల ఆ యువతికి నిప్పంటించాడు. బీహార్‌లోని అహియాపూర్ పోలీస్ స్టేషన్ పరిధిలో శనివారం జరిగిన ఈ ఘటన ఆలస్యంగా వెలుగులోకి వచ్చింది.
అప్రమత్తమైన స్థానికులు బాధితురాలిని వెంటనే ముజఫరాబాద్‌లోని ప్రభుత్వ ఆస్పత్రికి తరలించి చికిత్స అందిస్తున్నారు. ఆమె పరిస్థితి విషమంగా ఉంది. 85శాతం కాలిన గాయాలతో ప్రస్తుతం ఆ యువతి కోమాలో ప్రాణాలతో పోరాడుతుంది. మూడేళ్లుగా కుమార్తెను నిందితుడు వేధిస్తున్నాడని బాధితురాలి తల్లి చెప్పింది.
తాజా ఘటనతో పోలీసులు కేసు నమోదు చేసి నిందితుణ్ని అరెస్టు చేశారు. ఈ ఘటనపై కేంద్ర మానవ హక్కుల కమిషన్(ఎన్హెచ్ఆర్సీ) బీహార్ ప్రభుత్వానికి సోమవారం నోటీసులు ఇచ్చింది. దర్యాప్తు వివరాలను నాలుగు వారాల్లోగా తమకు తెలపాల్సిందిగా కోరింది. ఈ నోటీసులను రాష్ట్ర ముఖ్య కార్యదర్శి, డీజీపీలకు పంపింది.
