Career After Polytechnic: పాలిటెక్నిక్ తర్వాత ఏం చేయాలి? ప్రభుత్వ ఉద్యోగం, ప్రైవేట్ జాబ్ లేదా బిజినెస్.. పూర్తి వివరాలు!

పాలిటెక్నిక్ డిప్లొమా చివరి సంవత్సరంలో ఉన్నారా? కోర్సు పూర్తయ్యాక కెరీర్ ఎలా ప్లాన్ చేసుకోవాలో తెలియక అయోమయంలో ఉన్నారా? మీ ఆందోళనకు ముగింపు పలకండి! పాలిటెక్నిక్ తర్వాత మీ ముందు అద్భుతమైన అవకాశాలు ఉన్నాయి. తక్కువ ఖర్చు, తక్కువ సమయంలోనే మంచి కెరీర్ ను అందించే ఈ కోర్సు తర్వాత ప్రభుత్వ, ప్రైవేట్ రంగాల్లో ఉద్యోగాలు ఎలా సాధించాలో, సొంతంగా బిజినెస్ ఎలా ప్రారంభించాలో ఇక్కడ వివరంగా తెలుసుకుందాం.

పాలిటెక్నిక్ తర్వాత ఉన్న 3 ప్రధాన మార్గాలు:

• ప్రభుత్వ రంగంలో ఉద్యోగాలు
• ప్రైవేట్ కంపెనీలలో జాబ్స్
• స్వయం ఉపాధి
• వీటితో పాటు, ఉన్నత విద్యను అభ్యసించే అవకాశం కూడా ఉంది.

1. ప్రభుత్వ రంగంలో కొలువులు:

డిప్లొమా విద్యార్థులకు ప్రభుత్వ రంగంలో ఉద్యోగం సాధించడం ఒక కల. అనేక ప్రభుత్వ సంస్థలు, పబ్లిక్ సెక్టార్ యూనిట్లు (PSU) జూనియర్ ఇంజినీర్, టెక్నికల్ అసిస్టెంట్, సూపర్‌వైజర్ వంటి పోస్టుల కోసం డిప్లొమా హోల్డర్లను నియమించుకుంటాయి. (Also Read: బిగ్ అలెర్ట్.. ఎస్సెస్సీ అభ్యర్థులకు ఓటీఆర్ తప్పనిసరి.. లేదంటే నో ఎంట్రీ.. ఫుల్ డీటెయిల్స్ మీకోసం )

ఉద్యోగాలు అందించే కొన్ని ముఖ్య ప్రభుత్వ సంస్థలు:

రైల్వేస్ (RRB JE): జూనియర్ ఇంజినీర్ పోస్టులకు అతిపెద్ద నియామక సంస్థ.

ఇండియన్ ఆర్మీ: టెక్నికల్ విభాగంలో అనేక అవకాశాలు.

DRDO, BHEL, NTPC, ONGC, GAIL: దేశంలోని టాప్ మహారత్న కంపెనీలు.

రాష్ట్ర ప్రభుత్వ శాఖలు: నీటిపారుదల, విద్యుత్, రోడ్లు & భవనాల శాఖలు.

BSNL / MTNL: టెలికాం రంగంలో అవకాశాలు.

NSSO (National Sample Survey Office): సర్వే, డేటా సంబంధిత ఉద్యోగాలు.

2. ప్రైవేట్ రంగంలో అవకాశాలు:

ప్రైవేట్ రంగంలో పాలిటెక్నిక్ విద్యార్థులకు వేగంగా ఉద్యోగాలు లభిస్తాయి. ప్రాక్టికల్ నైపుణ్యాలు ఉండటంతో కంపెనీలు వీరిని వెంటనే విధుల్లోకి తీసుకుంటాయి.

బ్రాంచ్‌ల వారీగా ఉద్యోగాలు అందించే కొన్ని టాప్ కంపెనీలు:

మెకానికల్/ఆటోమొబైల్: మారుతి సుజుకి, టాటా మోటార్స్, మహీంద్రా, బజాజ్, లార్సెన్ & టుబ్రో (L&T).

కంప్యూటర్ సైన్స్/IT: TCS, HCL, విప్రో, ఇన్ఫోసిస్ వంటి IT కంపెనీలలో టెక్ సపోర్ట్, మెయింటెనెన్స్ రోల్స్.

ఎలక్ట్రికల్/ఎలక్ట్రానిక్స్: టాటా పవర్, వోల్టాస్, LG, శాంసంగ్, Havells.

సివిల్ ఇంజినీరింగ్: DLF, యూనిటెక్, GMR, జేపీ గ్రూప్ వంటి నిర్మాణ రంగ సంస్థలు.

కమ్యూనికేషన్స్: ఎయిర్‌టెల్, రిలయన్స్ జియో, వొడాఫోన్-ఐడియా.

3. స్వయం ఉపాధి – మీరే బాస్ అవ్వండి:

ఉద్యోగం చేయడం ఇష్టం లేదా? మీ నైపుణ్యాలతో మీరే బాస్ అవ్వాలనుకుంటున్నారా? పాలిటెక్నిక్ డిప్లొమా మీకు ఆ అవకాశం ఇస్తుంది.

కొన్ని బిజినెస్ ఐడియాలు:

కంప్యూటర్ హార్డ్‌వేర్ & సర్వీసింగ్: కంప్యూటర్ రిపేర్, నెట్‌వర్కింగ్, CCTV ఇన్‌స్టాలేషన్ సెంటర్.

ఆటోమొబైల్ గ్యారేజ్: టూ-వీలర్ లేదా ఫోర్-వీలర్ రిపేర్ షాప్.

ఎలక్ట్రికల్ వర్క్స్: ఇళ్లు, అపార్ట్‌మెంట్ల కోసం ఎలక్ట్రికల్ కాంట్రాక్టర్‌గా మారడం.

సివిల్ కాంట్రాక్టర్: చిన్న చిన్న నిర్మాణ పనులు లేదా బిల్డింగ్ ప్లాన్ డిజైనింగ్.

పై చదువులు:

B.Tech (లేటరల్ ఎంట్రీ): పాలిటెక్నిక్ తర్వాత ECET అనే ప్రవేశ పరీక్ష రాసి, నేరుగా B.Tech రెండవ సంవత్సరంలో చేరవచ్చు. ఇది మీ కెరీర్‌కు ఎంతోగాను బూస్ట్ ఇస్తుంది.

పాలిటెక్నిక్ డిప్లొమా అనేది మీ కెరీర్‌కు ఒక పటిష్టమైన పునాది. మీ ఆసక్తి, లక్ష్యాలకు అనుగుణంగా ప్రభుత్వ ఉద్యోగం, ప్రైవేట్ జాబ్, స్వయం ఉపాధి లేదా ఉన్నత విద్య.. ఇలా ఏ మార్గాన్ని ఎంచుకున్నా విజయం మీ సొంతం అవుతుంది. సరైన ప్రణాళికతో ముందుకు సాగండి, ఆల్ ది బెస్ట్!.