నిరుద్యోగులకు గుడ్‌న్యూస్.. రైల్వేలో 6,238 పోస్టుల భర్తీకి నోటిఫికేషన్.. టెన్త్ పూర్తయిన వారికీ అవకాశం.. ఏజ్ లిమిట్, అర్హతలు, జీతం..? ఫుల్ డీటెయిల్స్ ఇవే..

RRB Technician Recruitment 2025: నిరుద్యోగులకు శుభవార్త. రైల్వే రిక్రూట్‌మెంట్ బోర్డు (ఆర్ఆర్‌బీ) టెక్నీషియన్ పోస్టుల భర్తీ కోసం నోటిఫికేషన్ విడుదల చేసింది. ఈ నోటిఫికేషన్ ద్వారా టెక్నీషియన్ గ్రేడ్-1 సిగ్నల్, టెక్నీషియన్ గ్రేడ్-3 పోస్టులను భర్తీ చేయనున్నారు. మొత్తం 6,238 పోస్టుల భర్తీకి నోటిఫికేషన్ విడుదలైంది. అర్హత కలిగిన అభ్యర్థులు rrbapply.gov.in ద్వారా దరఖాస్తు చేసుకోవచ్చు.

 

పోస్టుల వివరాలు..
♦ మొత్తం పోస్టులు సంఖ్య : 6,238
♦ టెక్నీషియన్ గ్రేడ్-1 సిగ్నల్ పోస్టులు -183
♦ టెక్నీషియన్ గ్రేడ్-3 పోస్టులు : 6,055
♦ అప్లికేషన్ : ఆన్ లైన్ ద్వారా
♦ అప్లికేషన్లు ప్రారంభం – జూన్ 28 నుంచి
♦ చివరి తేదీ : జులై 28వ తేదీ వరకు.
♦ అప్లికేషన్ ఫీజు: ఎస్సీ, ఎస్టీ, ఎక్స్ సర్వీస్‌మెన్, పీడబ్ల్యూబీడీ, మహిళలు, మైనార్టీలు, ఈడబ్ల్యూఎస్ అభ్యర్థులకు రూ.250, ఇతర అభ్యర్థులకు రూ. 500.
♦ ప్రారంభ వేతనం: టెక్నీషియన్ గ్రేడ్-1 సిగ్నల్ కు రూ.29,200,  టెక్నీషియన్ గ్రేడ్-3 కు రూ.19,900 నుంచి ప్రారంభ వేతనం ఉంటుంది.

దరఖాస్తుదారులు ఆన్‌లైన్ రిజిస్ట్రేషన్ సమయంలో ఈ క్రింది పత్రాలను అప్‌లోడ్ చేయాలి:
♦ అర్హత కలిగిన అభ్యర్థులు rrbapply.gov.in ద్వారా అప్లికేషన్లు దరఖాస్తు చేసుకోవచ్చు.
♦ ఇటీవలి పాస్‌పోర్ట్ సైజు ఫోటోగ్రాఫ్, సంతకం యొక్క స్కాన్ చేసిన కాపీ.
♦ చెల్లుబాటు అయ్యే ఐడీ ప్రూఫ్ (ఆధార్, పాన్, పాస్‌పోర్ట్, మొదలైనవి).
♦ విద్యా అర్హత సర్టిఫికెట్లు, కుల లేదా వర్గం సర్టిఫికెట్.
♦ నోటిఫికేషన్‌లో పేర్కొన్నట్లయితే, నివాస ధృవీకరణ పత్రం
♦ దరఖాస్తులను అధికారిక నియామక పోర్టల్ ద్వారా మాత్రమే సమర్పించాలి. ఆఫ్‌లైన్ దరఖాస్తులకు అనుమతి లేదు.

అర్హతలు, వయోపరిమితి..
టెక్నీషియన్ గ్రేడ్-1 పోస్టులకు దరఖాస్తు చేసుకోవాలంటే. గుర్తింపు పొందిన యూనివర్శిటీ నుంచి ఫిజిక్స్, ఎలక్ట్రానిక్స్, కంప్యూటర్ సైన్స్, ఇన్ఫర్మేషన్ టెక్నాలజీ, ఇనుస్ట్రుమెంటేషన్, బ్యాచిలర్ డిగ్రీ లేదా సంబంధిత ట్రేడులో మూడేండ్ల డిప్లొమా లేదా ఇంజినీరింగ్ డిగ్రీ పూర్తి చేసి ఉండాలి. ఈ పోస్టుల కోసం 18 ఏళ్ల నుంచి 33ఏళ్ల వయస్సు వారు దరఖాస్తు చేసుకోవచ్చు.
టెక్నీషియన్ గ్రేడ్ -3 పోస్టులకు పదో తరగతి లేదా సమాన అర్హతతో పాటు ఫిట్టర్, ఎలక్ట్రీషియన్, ఎలక్ట్రానిక్స్ మెకానిక్, ఇనుస్ట్రుమెంట్ మెకానిక్ , మెకానిక్ మెకట్రానిక్స్, మెకానిక్ (డిజిల్), వెల్డర్, మెషినిస్ట్ ట్రేడుల్లో గుర్తింపు పొందిన సంస్థ నుంచి ఐటీఐ పూర్తి చేసి ఉండాలి. ఈ పోస్టుల కోసం దరఖాస్తు చేసుకునే వారి వయస్సు 18ఏళ్ల నుంచి 33ఏళ్ల మధ్యలో ఉండాలి.

ఎంపిక విధానం :
రాత పరీక్ష(కంప్యూటర్ బేస్డ్ టెస్ట్), డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా అభ్యర్థులను ఎంపిక చేస్తారు. అయితే, టెక్నీషియన్ గ్రేడ్-1 సిగ్నల్, టెక్నీషియన్ గ్రేడ్-3 పోస్టులకు వేరువేరుగా కంప్యూటర్ బేస్డ్ టెస్ట్ ఉంటుంది.

టెక్నీషియన్ గ్రేడ్-1 సిగ్నల్ పోస్టులకు ఇలా..
♦ ఈ పోస్టులకు దరఖాస్తు చేసుకునే వారికి మొత్తం 100 మార్కులకు కంప్యూటర్ బేస్డ్ టెస్టు ఉంటుంది.
♦ ఎగ్జామ్ 90 నిమిషాల్లో పూర్తి చేయాలి.
♦ ప్రతి తప్పుడు సమాధానానికి 1/3వ వంతు మార్కులు కోత విధిస్తారు.
♦ జనరల్ ఇంటెలిజెన్స్ అండ్ రీజనింగ్ 15 ప్రశ్నలు 15 మార్కులు.
♦ బేసిక్స్ ఆఫ్ కంప్యూటర్స్ అండ్ అప్లికేషన్స్ 20 ప్రశ్నలు 20 మార్కులు.
♦ మ్యాథమెటిక్స్ 20 ప్రశ్నలు 20 మార్కులు.
♦ బేసిక్ సైన్స్ అండ్ ఇంజినీరింగ్ 25 ప్రశ్నలు 35 మార్కులకు ఉంటుంది.
♦ సీబీటీ ఎగ్జామ్ మల్టీపుల్ షిప్టుల్లో నిర్వహిస్తే నార్మలైజేషన్ ద్వారా ఎంపిక ప్రక్రియ చేపడతారు.
♦ సీబీటీలో అన్ రిజర్వుడు 40శాతం, ఈడబ్ల్యూఎస్ 40శాతం, ఓబీసీ (నాన్ క్రిమిలేయర్) 30శాతం, ఎస్సీ 30శాతం, ఎస్టీ 25శాతం మార్కులు సాధించిన అభ్యర్థులను షార్ట్ లిస్ట్ చేస్తారు.

టెక్నీషియన్ గ్రేడ్-3 పోస్టులకు ఇలా..
♦ మొత్తం 100 మార్కులకు కంప్యూటర్ బేస్ట్ టెస్టు ఉంటుంది.
♦ ఎగ్జామ్ 90 నిమిషాల్లో పూర్తి చేయాలి.
♦ ప్రతితప్పుడు సమాధానంకు 1/3వ వంతు మార్కులు కోత విధిస్తారు.
♦ మ్యాథమెటిక్స్ 25 ప్రశ్నలు 25 మార్కులు
♦ జనరల్ ఇంటెలిజెన్స్ అండ్ రీజనింగ్ 25 ప్రశ్నలు 25 మార్కులు.
♦ జనరల్ సైన్స్ 40 ప్రశ్నలు 40 మార్కులు.
♦ జనరల్ అవేర్నెస్ నుంచి 10 ప్రశ్నలు 10 మార్కులకు ఎగ్జామ్ ఉంటుంది.
♦ సీబీటీ ఎగ్జామ్ మల్టీపుల్ షిఫ్టుల్లో నిర్వహిస్తే నార్మలైజేషన్ ద్వారా ఎంపిక ప్రక్రియ చేపడుతారు.
♦ సీబీటీలో అన్‌రిజర్వ్ 40 శాతం, ఈడబ్ల్యూఎస్ 40 శాతం, ఓబీసీ (నాన్ క్రిమిలేయర్) 30 శాతం, ఎస్సీ 30 శాతం, ఎస్టీ 25 శాతం మార్కులు సాధించిన అభ్యర్థులను షార్ట్ లిస్ట్ చేస్తారు.