తెలంగాణ పదో తరగతి అడ్వాన్స్‌డ్‌ సప్లిమెంటరీ పరీక్షలు జూన్ 3 నుంచి.. పూర్తి వివరాలు ఇదిగో..

తెలంగాణలో పదో తరగతి అడ్వాన్స్‌డ్‌ సప్లిమెంటరీ పరీక్షలు జూన్ 3 నుంచి 13 వరకు ఉదయం 9.30 గంటల నుంచి మధ్యాహ్నం 12.30 గంటల వరకు జరుగుతాయి. రీ కౌంటింగ్, రీ వెరిఫికేషన్ ఫలితాల కోసం ఎదురు చూడకుండా.. విద్యార్థులు జూన్‌లో జరిగే అడ్వాన్స్‌డ్‌ సప్లిమెంటరీ పరీక్షల కోసం ఫీజులు చెల్లించాలని విద్యాశాఖ సూచించింది.

ఫీజుల చెల్లింపులకు సమయం తక్కువగా ఉందని చెప్పింది. సబ్జెక్టుల వారీగా ఫీజులకు సంబంధించిన వివరాల గురించి విద్యాశాఖ ఇంకా ప్రకటన చేయలేదు.

ఈ తేదీల్లోగా సప్లిమెంటరీకి ఫీజులు కట్టాలి

• విద్యార్థులు సంబంధిత పాఠశాల ప్రధానోపాధ్యాయుల ద్వారా ఫీజులు చెల్లించిందేందుకు చివరి తేదీ మే 16
• సంబంధిత పాఠశాల ప్రధానోపాధ్యాయులు జోన్ ట్రెజరీ ద్వారా ఆన్‌లైన్ లో ఆయా ఫీజులు చెల్లించేందుకు చివరి తేదీ మే 17
• డీవోవో కార్యాలయల ద్వారా పంపించవలసిన లిస్టుల సబ్మిషన్ కు చివరి తేదీ మే 20
• సంబంధిత విద్యాశాఖ అధికారులతో స్క్రూటినీ చేసి బోర్డు కార్యాలయానికి మెమోలు పంపించాల్సిన చివరి తేదీ మే 22

కాగా, జీపీఏ ఈ సారి తొలగించడంతో సబ్జెక్టుల వారీగా మార్కుల గ్రేడ్లు ఇచ్చారు. ఉత్తీర్ణతకు కావాల్సిన మార్కులు వస్తే పాస్‌ అని మోమోపై ఉంటుంది. ఉత్తీర్ణత సాధించలేకపోతే ఫెయిల్‌ అని అందులో ఇచ్చారు. ఇంతకు ముందు సబ్జెక్టుల వారీగా గ్రేడ్లతో పాటు సీజీపీఏ విధానాన్ని పాటించిన విషయం తెలిసిందే.

టెన్త్ ఫలితాల్లో 92.78 శాతం ఉత్తీర్ణత నమోదైంది. గత ఏడాది కంటే 1.47 శాతం ఉత్తీర్ణత అధికంగా ఉంది. ప్రైవేటు స్కూళ్లలో 94.21 శాతం ఉత్తీర్ణత నమోదైంది. ఒక్క విద్యార్థి కూడా పాస్‌ కాని పాఠశాలలు రెండు ఉన్నాయి.