telangana cpget 2025
పీజీ కోర్సుల్లో ప్రవేశాల ఎంట్రెన్స్ పరీక్ష కోసం తెలంగాణ ఉన్నత విద్యా మండలి సర్వం సిద్ధం చేసింది. జూన్ 13వ తేదీన ఎంట్రెన్స్ పరీక్షల కోసం నోటిఫికేషన్ విడుదల చేయనుంది. ఈ పరీక్షా ద్వారా ఎంఏ, ఎంకాం, ఎంఎస్‌సీ తదితర పీజీ కోర్సుల్లో విద్యార్థులు తమ చదువును అభ్యసించనున్నారు. రాష్ట్రవ్యాప్తంగా ఉన్న ఉస్మానియా, తెలంగాణ, కాకతీయ, శాతవాహన, పాలమూరు, మహాత్మాగాంధీ, మహిళా యూనివర్సిటీలు, జేఎన్‌టీయూహెచ్‌ పరిధిలో ఉన్న పీజీ కాలేజీల్లో సీట్ల కోసం ఈ పరిక్ష జరుగనుంది. ఉన్నత విద్యను అభ్యసించాలనుకునే వారు ఈ అవకాశాన్ని అందిపుచ్చుకోవాలని అధికారులు సూచించారు. పూర్తి వివరాలను త్వరలోనే విడుదల చేయనున్నారు.
దరఖాస్తుల స్వీకరణ తరువాత సబ్జెక్టుల వారీగా రాత పరీక్షలు ఉంటాయి. ఎంట్రెన్స్ ఎగ్జామ్ 100 మార్కులకు నిర్వహిస్తారు. ఇందులో 100 ఆబ్జెక్టివ్ తరహా ప్రశ్నలు ఉంటాయి. పేపర్ పార్ట్-ఎలో 40 ప్రశ్నలు, పార్ట్ బిలో 60 ప్రశ్నలు ఉంటాయి. బయోటెక్నాలజీ పేపర్‌లో పార్ట్-ఎ 40 ప్రశ్నలు, పార్ట్-బిలో 60 ప్రశ్నలు అడుగుతారు. పరీక్షల్లో అభ్యర్థులు సాధించిన ర్యాకుల ఆధారంగా సీట్ల కేటాయింపు ఉంటుంది.
