TS POLYCET Counselling: తెలంగాణ పాలీసెట్ కౌన్సిలింగ్ ఇవాల్టి నుండే.. ముఖ్యమైన తేదీలు, పూర్తి వివరాలు మీకోసం

తెలంగాణ పాలిసెట్ కౌన్సెలింగ్ ప్రక్రియ ఇవాళ్టి(జూన్ 24) నుంచి మొదలుకానుంది. జూన్ 28 వరకు సర్టిఫికెట్ల వెరిఫికేషన్ కోసం స్లాట్‌ బుకింగ్‌ ప్రక్రియ కొనసాగనుంది. మొత్తం 2 విడతల్లో ఈ కౌన్సెలింగ్ ప్రక్రియను పూర్తి చేయనున్నారు అధికారులు. ఈ మేరకు సాంకేతి విద్యాశాఖ షెడ్యూల్ ను కూడా ఇప్పటికే ప్రకటించింది. ఈ ఏడాది పాలిసెట్ పరీక్షకు మొత్తం 1,06,716 మంది అభ్యర్థులు దరఖాస్తు చేసుకోగా 80,949 మంది విద్యార్థులు ఉత్తీర్ణత సాధించారు. వీరందరికీ కౌన్సెలింగ్ ప్రక్రియలో భాగంగా సీట్ల కేటాయింపు జరుగనుంది. ఈ ఏడాది నుంచి కొత్తగా సంగారెడ్డి జిల్లా పటాన్‌చెరులో 2, మహబూబాబాద్‌ జిల్లా కేసముద్రం నుంచి ఒక ప్రభుత్వ కాలేజీలు అందుబాటులోకి వచ్చింది.

ముఖ్యమైన తేదీలు:

జూన్ 26 నుంచి 29 వరకు ధ్రువపత్రాల పరిశీలన ఉంటుంది.

జూలై 1వ తేదీ వరకు వెబ్‌ ఆప్షన్ల ప్రక్రియ ఉంటుంది.

జులై 4వ తేదీన ఫస్ట్ ఫేజ్ సీట్ల కేటాయింపు జరుగుతుంది.

జూలై 4 నుంచి 6 వరకు వెబ్‌సైట్‌ ద్వారా ఫీజు చెల్లించి సెల్ఫ్ రిపోర్టింగ్ చేయాల్సి ఉంటుంది.

సెల్ఫ్ రిపోర్టింగ్ పూర్తి చేసుకోకపోతే సీటు రద్దవుతుంది.

జూలై 9 నుంచి ఫైనల్ ఫేజ్ కౌన్సెలింగ్:

తెలంగాణ పాలిసెట్ ఫైనల్ ఫేజ్ కౌన్సెలింగ్ జూలై 9 నుంచి మొదలుకానుంది.

జూలై 11 వరకు ధ్రువపత్రాల పరిశీలన జరుగుతుంది.

జూలై 11 నుంచి 12 వరకు వెబ్‌ ఆప్షన్ల నమోదు ఉంటుంది.

జూలై 15వ తేదీన సీట్లు కేటాయింపు జరుగుతుంది.

జూలై 18 నుంచి మొదటి సంవత్సరం తరగతులు మొదలవుతాయి.