Weight Loss Tips For Summer : Sleep Well For Effective Results
Weight Loss Tips : వేసవిలో ఆరోగ్యంగా ఉండేందుకు మీ శరీరాకృతిని పెంచుకోవడానికి తీవ్రంగా ప్రయత్నిస్తున్నారా? వేసవి సీజన్ సమయంలో చాలా మంది ఆరోగ్యం కోసం అనేక ఆహార పదార్థాలను తీసుకుంటుంటారు. మీ ఆహారం, వ్యాయామ దినచర్య కాకుండా, ఒక నిర్దిష్ట వ్యవధిలో మీరు కోల్పోయే బరువును ప్రభావితం చేసే అనేక అంశాలు ఉన్నాయని మీకు తెలుసా?
ఈ కారకాలలో ఒకటి నిద్ర. మీ మానసిక, శారీరక ఆరోగ్యానికి తగినంత నిద్ర అవసరం. చాలా తక్కువగా నిద్రపోయేవారిలో బరువు తగ్గడం చాలా కష్టంగా మారుతుంది. బరువు తగ్గడానికి బదులుగా ఒక్కసారిగా కిలోలు బరువు పెరిగేలా చేస్తుంది. ఇదేలా జరుగుతుందని ఆలోచిస్తున్నారా? మీ శరీర బరువును నిద్ర ఎంతగా ప్రభావితం చేస్తుంది అనడానికి మూడు ప్రధాన మార్గాలను ఇప్పుడు తెలుసుకుందాం.
మీ శరీర బరువును నిద్ర ప్రభావితం చేసే 3 మార్గాలివే :
1. కొవ్వు నిల్వ :
పోషకాహార నిపుణుల ప్రకారం.. నిద్ర లేమితో బాధపడితే.. మీ శరీరం శక్తి కోసం కొవ్వును కరిగించడానికి బదులుగా కొవ్వును నిల్వ చేయవచ్చు. మీరు ఒక రోజులో తక్కువ కేలరీలు కరిగించవచ్చు.
2. కార్టిసాల్ అధిక స్థాయిలు :
నిద్ర లేకపోవడం వల్ల శరీరంలో కార్టిసాల్ (స్ట్రెస్ హార్మోన్) స్థాయిలు పెరుగుతాయి. అధిక కార్టిసాల్ స్థాయిలు బరువు తగ్గించే ప్రయత్నాలకు ఆటంకం కలిగిస్తాయి. మీకు అవసరమైన దానికంటే ఎక్కువ కేలరీలు వినియోగించేలా చేస్తుంది.
3. బలహీనమైన జీవక్రియ :
జీవక్రియ అనేది మీ శరీరం కేలరీలను కరిగించే రేటుగా చెబుతారు. వేగవంతమైన జీవక్రియ అంటే.. మంచి బరువు తగ్గడం. నిద్రలేమి మీ జీవక్రియ రేటును తగ్గిస్తుంది. తద్వారా బరువు తగ్గడం కష్టతరం చేస్తుంది. అందువల్ల, మీ బరువు తగ్గాలంటే నిద్రకు ప్రాధాన్యత ఇవ్వడం చాలా ముఖ్యం.
Read Also : World Health Day : మీకు ప్రీ-డయాబెటిస్‌ ఉందని తెలుసా? కంట్రోల్ చేయకుండా వదిలేయవద్దు.. వైద్యుల హెచ్చరిక..!
