Burning Feet: అరికాళ్లలో మంటలు.. ఆ వ్యాధి లక్షణమే కావచ్చు.. తీవ్రమైతే పెద్ద ప్రమాదమే
అరికాళ్లలో మంటలు “బర్నింగ్ ఫీట్ సిండ్రోమ్" అనేది సాధారణంగా చాలా(Burning Feet) మందిలో కనిపించేదే. ఇది న్యూరోలాజికల్ సమస్య.
- Published By: 10TV Digital Team ,Published On : September 1, 2025 / 09:00 PM IST
What causes burning feet? Here are some preventive measures
Burning Feet: అరికాళ్లలో మంటలు అనేవి “బర్నింగ్ ఫీట్ సిండ్రోమ్ (Burning Feet Syndrome)” అనేది సాధారణంగా చాలా మందిలో కనిపించేదే. ఇది న్యూరోలాజికల్ సమస్య యొక్క ప్రధాన లక్షణంగా మారవచ్చు. ఈ మధ్య కాలంలో చాలా మంది ఈ సమస్యతో బాధపడుతున్నారు. అయితే, కొంతమందిలో ఈ సమస్య సాధారణమే అయినప్పటికి కొన్నిసార్లు మాత్రం తీవ్రతరం అవుతుంది. కొన్నిసార్లు ప్రమాదంగా కూడా మారుతుంది. ఇది తీవ్రమైన మరో (Burning Feet)ఆరోగ్య సమస్యకు సంకేతమయ్యే అవకాశం ఉంది. కాబట్టి, ఆ సమస్యలు ఏంటి అనేది ఇక్కడ వివరంగా తెలుసుకుందాం.
అరికాళ్లలో మంట కలిగించే ప్రధాన కారణాలు:
నరాల నష్టం: ముఖ్యంగా డయాబెటిక్ న్యూరోపతి, మధుమేహం కారణంగా నరాలు దెబ్బతినటం వల్ల అరికాళ్లలో మంటలు రావచ్చు.
విటమిన్ లోపం: ముఖ్యంగా B12, B6, ఫోలిక్ యాసిడ్ లోపం వల్ల నరాల పనితీరు తగ్గుతుంది. ఇది కూడా కాళ్ళ మంటలకు కారణం అవుతుంది.
థైరాయిడ్ సమస్యలు: థైరాయిడ్ హార్మోన్ లోపం శరీరంలోని రక్త ప్రసరణను తగ్గించి మంటను కలిగించే అవకాశం ఉంది.
అనెమియా: ఐరన్ లోపం వల్ల నరాలకు తగిన ఆక్సిజన్ అందకపోవడం జరుగుతుంది. దీనివల్ల కూడా మంట, అసౌకర్యం కలిగొచ్చు.
పాదాల్లో ఫంగస్ లేదా ఇన్ఫెక్షన్: అథ్లీట్స్ ఫుట్, కాళ్లలో సాధారణంగా వచ్చే ఇన్ఫెక్షన్స్, ఫంగస్ వంటివి కూడా మంటకు కారణం కావచ్చు.
ఆల్కహాల్ ఎక్కువగా తీసుకోవడం: మద్యపానం వల్ల నరాలు దెబ్బతినే ప్రమాదం ఉంది. తద్వారా మంట అనిపించవచ్చు.
అరికాళ్ల మంట నివారణ చిట్కాలు:
1.చల్లటి నీటి గల్లు:
రోజూ కొన్ని నిమిషాలు చల్లటి నీటిలో కాళ్లు ఉంచడం వలన తాత్కాలిక ఉపశమనం కలగవచ్చు. అయితే, గట్టి ఐస్ నీరు వాడకూడదు. దీనివల్ల ఇది నరాలకు నష్టం కలిగించవచ్చు.
2.పోషకాహారాన్ని తీసుకోవడం:
విటమిన్ B12, B6, ఫోలిక్ యాసిడ్, ఐరన్ అధికంగా ఉండే ఆహారం తీసుకోవడం వల్ల కాళ్ళ మంటలను తగ్గించుకోవచ్చు. ఉదాహరణకు బఠాణి, గుడ్లు, పాల ఉత్పత్తులు, పచ్చివెండికాయ, పాలక్, ఉల్లిపాయలు ఎక్కువగా తినాలి.
3.ఆల్కహాల్, పొగతాగుటకు విరమణ:
ఆల్కహాల్ ఎక్కువగా తీసుకోవడం కారణంగా నరాలు బలహీన పడతాయి. అలాంటి జీవనశైలిని, అలవాట్లను మార్చడం ద్వారా దీర్ఘకాలిక ఉపశమనం పొందవచ్చు.
4.మెడికేటెడ్ క్రీములు, ఆయింట్మెంట్లు:
డాక్టర్ సలహా మేరకు యాంటీ ఇన్‌ఫ్లమేటరీ, న్యూరోపతిక్ క్రీములను రాత్రివేళ పాదాలపై సున్నితమైన మసాజ్ చేయడం వల్ల మంట తగ్గుతుంది.
5.సరైన వ్యాయామం, రక్త ప్రసరణ మెరుగుపరచడం:
ప్రతిరోజూ నడక, యోగా, పాద మసాజ్ ద్వారా కాళ్లకు సరైన రక్త ప్రసరణ ఉంటుంది. ఇది మంటను తగ్గించడంలో అద్భుతంగా సహాయపడుతుంది.
డాక్టర్‌ను ఎప్పుడు సంప్రదించాలి?
- మంట ఎక్కువ గంటల పాటు ఉండటం, తగ్గకపోతే.
- కాళ్లలో నొప్పి.
- రాత్రి సమయంలో ఎక్కువ మంట.
- తడిమితే స్పర్శ లేకపోవడం.
- గాయాలు త్వరగా మానకపోవడం.
