Justin Trudeau :కెనడా ప్రధానిపై రాళ్ల దాడి!
కెనడాలోని ఒంటారియాలో ఎన్నికల ప్రచార సభలో పాల్గొన్న కెనడా ప్రధానమంత్రి జస్టిన్‌ ట్రూడోపై బుధవారం నిరసనకారులు రాళ్ల దాడి చేశారు.
- Published By: 10TV Digital Team ,Published On : September 7, 2021 / 08:06 PM IST
Canada
Justin Trudeau కెనడాలోని ఒంటారియాలో ఎన్నికల ప్రచార సభలో పాల్గొన్న కెనడా ప్రధానమంత్రి జస్టిన్‌ ట్రూడోపై బుధవారం నిరసనకారులు రాళ్ల దాడి చేశారు. భద్రతా సిబ్బంది అప్రమత్తమవడంతో ప్రధానికి ఎలాంటి గాయాలు కాలేదు. ఈ ఘటనతో ఒక్కసారిగా ఉద్రిక్తత ఏర్పడింది.
కెనడాలో వ్యాక్సినేషన్‌ తప్పనిసరిగా చేశారు. ప్రజలందరూ వ్యాక్సిన్‌ కచ్చితంగా వేసుకోవాలని ప్రధాని ట్రూడో ఆందక్షలు విధించారు. దానికి సంబంధించిన సర్టిఫికెట్‌ కూడా తప్పనిసరి చేశారు. అయితే ఆ దేశంలో వ్యాక్సిన్‌కు వ్యతిరేకత వ్యక్తమవుతోంది. కొందరు ‘యాంటీ వ్యాక్సిన్‌’ ఉద్యమం లేవనెత్తారు. వ్యాక్సినేషన్‌కు వ్యతిరేకంగా నిరసనలు చేపడుతున్నారు.
ఈ క్రమంలో ప్రధానమంత్రి జస్టిన్‌ ట్రూడో ఒంటారియోలో ఎన్నికల సభకు పాల్గొనేందుకు వెళ్తున్నారు. దీంతో వ్యాక్సిన్‌ వ్యతిరేకులు ప్రధాని కాన్వాయ్‌ను చుట్టుముట్టారు. రాళ్లతో దాడికి పాల్పడ్డారు. అయితే ప్రధాని సురక్షితంగా బయటపడగా ఆయన భద్రతా సిబ్బంది గాయపడ్డారు.
ఈ దాడిపై ప్రధాని ట్రూడో స్పందిస్తూ.. నా భుజంపై కొన్ని చిన్న రాళ్లు తగిలాయి. అయితే ఈ దాడితో నేను బెదరడం లేదుఅని స్పష్టం చేశారు. కెనడా ప్రతిపక్ష నాయకులు కూడా ప్రధానిపై దాడిని ఖండించారు.
అయితే ఎన్నికల ముందు ప్రధానిపై రాళ్ల దాడి ఘటన కలకలం రేపింది. సెప్టెంబర్‌ 20న కెనాడాలో ఎన్నికలు జరగనున్నాయి.
