Ranveer Singh : ర‌ణ్‌వీర్‌సింగ్ న్యూడ్ ఫోటోషూట్.. విచారణకి రావాలని సమన్లు జారీ చేసిన ముంబై పోలీసులు..

ranveer singh Photoshoot

Ranveer Singh :  ఇటీవల బాలీవుడ్ స్టార్ హీరో ర‌ణ్‌వీర్‌సింగ్ న్యూడ్ ఫోటోషూట్ తీసిన సంగతి తెలిసిందే. ఆ ఫోటోషూట్ సోషల్ మీడియాలో వైరల్ గా మారింది. చాలా మంది ఆ ఫొటోషూట్ ని విమర్శించగా కొంతమంది మాత్రం సపోర్ట్ చేశారు. అయితే రణవీర్ సింగ్ ఫొటోషూట్ పై కేసు కూడా నమోదయింది. ముంబైకి చెందిన శ్యామ్ మంగారాం అనే ఫౌండేష‌న్ ఇచ్చిన ఫిర్యాదు ఆధారంగా ముంబై పోలీసులు ఎఫ్ఐఆర్ నమోదు చేశారు.

ఈ న్యూడ్ ఫోటోషూట్ ద్వారా రణవీర్ మ‌హిళ‌ల మ‌నోభావాల‌ను గాయ‌ప‌రిచాడ‌ని ఆ సంస్ధ ఫిర్యాదులో పేర్కొంది. ఇలాంటివాటిని వ్యతిరేకించకపోతే వేరే నటులు కూడా పబ్లిసిటీ కోసం ఇలాంటి పనులు చేస్తారని, దీన్ని సీరియస్ గా తీసుకోవాలని తెలిపింది.

Tammareddy Bharadwaja : బింబిసార రెగ్యులర్ కమర్షియల్ సినిమానే.. నాలుగు రోజుల కలెక్షన్స్ చూసి సంబరాలు చేసుకోకండి..

తాజాగా దీనిపై విచార‌ణ‌కు హాజ‌రు కావాల‌ని కోరుతూ ముంబై పోలీసులు ర‌ణ్‌వీర్‌కు స‌మ‌న్లు జారీ చేశారు. ఆగ‌స్ట్ 22న ఈ వ్య‌వ‌హారంపై విచార‌ణ‌కు హాజ‌రు కావాల‌ని పోలీసులు ర‌ణ్‌వీర్‌సింగ్‌ను ఆదేశించారు. నోటీసులు అందించేందుకు ముంబైలోని ర‌ణ్‌వీర్ నివాసానికి పోలీసులు వెళ్ల‌గా ఆ స‌మ‌యంలో రణవీర్ ఇంట్లో లేకపోవడంతో ఇంట్లో ఉన్నవాళ్ళకి అందించారు. ఆగ‌స్ట్ 22న న్యూడ్ ఫోటోషూట్‌పై ర‌ణ్‌వీర్‌ను ముంబై పోలీసులు ప్ర‌శ్నించ‌డంతో పాటు ఆయ‌న స్టేట్‌మెంట్‌ను రికార్డు కూడా చేస్తారు. మరి దీనిపై రణవీర్ ఎలా స్పందిస్తాడో చూడాలి.