Thaman Big Update On Sarkaru Vaari Paata
Sarkaru Vaari Paata: టాలీవుడ్ సూపర్ స్టార్ మహేష్ బాబు నటిస్తున్న లేటెస్ట్ మూవీ సర్కారు వారి పాట షూటింగ్ ప్రస్తుతం చివరిదశకు చేరుకుంది. దర్శకుడు పరశురామ్ పెట్ల తెరకెక్కిస్తున్న ఈ సినిమాతో మరోసారి బాక్సాఫీస్ వద్ద తనదైన మార్క్ వేసేందుకు మహేష్ రెడీ అవుతున్నాడు. ఈ సినిమాలో అల్ట్రా స్టైలిష్ లుక్‌తో ప్రేక్షకులను మెస్మరైజ్ చేసేందుకు మహేష్ బాబు సిద్ధమయ్యాడు. ఇక ఓ సరికొత్త కథాంశంతో ఈ సినిమా వస్తుండటంతో సర్కారు వారి పాట చిత్రంపై ప్రేక్షకులతో పాటు ఇండస్ట్రీ వర్గాల్లోనూ అదిరిపోయే అంచనాలు క్రియేట్ అయ్యాయి.
Sarkaru Vaari Paata: ఉగాది పర్వదినాన సర్కారు వారి పాట నుండి థర్డ్ సింగిల్?
కాగా ఈ సినిమాకు సంబంధించి ఇప్పటికే రిలీజ్ అయిన ఫస్ట్ గ్లింప్స్ టీజర్, కళావతి, పెన్నీ లిరికల్ సాంగ్స్ ఆడియెన్స్‌ను ఆకట్టుకోవడంలో సక్సెస్ అయ్యాయి. కాగా ఈ సినిమా షూటింగ్‌ను త్వరలో ముగించేసి సినిమాను వేసవి కానుకగా మే నెలలో రిలీజ్ చేయాలని చిత్ర యూనిట్ ప్లాన్ చేస్తోంది. అయితే ఈ సినిమాకు థమన్ అద్భుతమైన సంగీతం అదనపు బలంగా మారబోతుందని చిత్ర యూనిట్ అంటోంది. ఇప్పటికే రిలీజ్ అయిన రెండు పాటలకు ప్రేక్షకుల నుండి స్టన్నింగ్ రెస్పాన్స్ రావడంతో, ఈ సినిమాలో ఆయన ఇచ్చే మ్యూజిక్‌కు ప్రేక్షకులు నీరాజనం పట్టడం ఖాయమని చిత్ర వర్గాలు అంటున్నాయి.
Sarkaru Vaari Paata: పెన్నీ సాంగ్.. మహేష్ క్రేజ్‌కు మరో మచ్చుతునక!
అయితే తాజాగా ఈ సినిమాకు సంబంధించి థమన్ ఓ ఇంట్రెస్టింగ్ అప్‌డేట్‌ను సోషల్ మీడియాలో పోస్ట్ చేశాడు. సర్కారు వారి పాట చిత్రానికి సంబంధించిన బ్యాగ్రౌండ్ మ్యూజిక్ వర్క్ జరుగుతుందని, ఈ సినిమాకు అద్భుతమైన ట్యూన్స్ కుదిరాయని థమన్ అన్నారు. ఈ సినిమా ప్రేక్షకులను మంత్రముగ్ధులను చేయడం ఖాయమని థమన్ ధీమా వ్యక్తం చేస్తున్నాడు. మరి నిజంగానే ‘సర్కారు వారి పాట’కు థమన్ అందించే బీజీఎం ఆ రేంజ్‌లో ఉంటుందా అనేది తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే. ఇక ఈ సినిమాలో మహేష్ సరసన అందాల భామ కీర్తి సురేష్ హీరోయిన్‌గా నటిస్తోన్న సంగతి తెలిసిందే.
The Mighty Score #BGM #SVPBGM Works #SarkaruVaaripaataBgm Starts It’s Blockbuster Journey ??? #SuperStarShining ❤️
?#SarkaaruVaariPaata ? pic.twitter.com/vQ6whCbCzr— thaman S (@MusicThaman) April 1, 2022
