Soaked Almonds : సూక్ష్మపోషకాల లోపాన్ని నివారించటంతోపాటు, దీర్ఘకాలిక ఆరోగ్య సమస్యలు దరిచేరకుండా ఉండాలంటే నానబెట్టిన బాదం గింజలను తీసుకోవటం మంచిదా !

చాలా మంది వైద్యులు గర్భధారణ సమయంలో ఈ గింజలను తినాలని సూచిస్తుంటారు. నానబెట్టిన బాదంపప్పులను తీసుకోవటం వల్ల పుట్టుకతో వచ్చే గుండె లోపాలు, న్యూరల్ ట్యూబ్‌ల వంటి ప్రమాదాలను దూరం చేయడం ద్వారా శిశువు ఆరోగ్యంగా జన్మించేలా తోడ్పతాయి.

soaked almonds

Soaked Almonds : జీడిపప్పు నుండి పిస్తా వరకు, నట్స్ మంచి ఆరోగ్యాన్ని అందించే చిరుతిండిగా పోషకాహార నిపుణులు సూచిస్తుంటారు. అంతేకాకుండా వీటిని ఇవి అనేక ప్రయోజనాలను కూడా అందిస్తాయి. అయితే ఈ గింజలను తినే విధానం చాలా ముఖ్యమైనది. ఎండిన గింజలు తీసుకుంటే కొన్ని ప్రయోజనాలు శరీరానికి లభిస్తే అదే క్రమంలో ఆగింజలను నానబెట్టుకుని తినటం వల్ల మరికొన్ని ప్రయోజనాలు కలుగుతాయి.

బాదం, జీడిపప్పు, పిస్తా, వాల్‌నట్ మరియు వేరుశెనగ వంటి గింజలు బి-విటమిన్‌లు, ఫోలేట్ మరియు విటమిన్ ఇ, ప్రోటీన్లకు మంచి మూలాధారాలు. డ్రైఫ్రూట్స్ ను రాత్రి నీళ్ళలో నానబెట్టడం వల్ల అజీర్ణానికి కారణమయ్యే ఫైటిక్ యాసిడ్‌ను తొలగించబడుతుంది. దాంతో జీర్ణశక్తి మెరుగ్గా ఉంటుంది, ఇంకా వాటి రుచి పెరుగుతుంది. వీటిని రోజూ తినడం వల్ల అనేక ఆరోగ్య ప్రయోజనాలను పొందవచ్చు. ఏయే గింజలను నానబెట్టుకుని తినటం వల్ల ఎలాంటి ప్రయోజనాలు కలుగుతాయో తెలుసుకునే ప్రయత్నం చేద్దాం…

నానబెట్టిన బాదం గింజలు తింటే ;

చాలా మంది బాదంపప్పును వేపిన లేదా పచ్చిఉండే రూపంలో తినడానికి ఇష్టపడతారు. అయితే నానబెట్టిన రూపంలో తీసుకోవడం ప్రయోజనకరంగా ఉంటుంది. ఇది మంచి జీర్ణవ్యవస్థ నుండి క్యాన్సర్ కలిగించే ఏజెంట్లతో పోరాడే వరకు అనేక ప్రయోజనాలను అందిస్తుంది. నానబెట్టిన బాదంలో విటమిన్లు, ఖనిజాలు మరియు యాంటీఆక్సిడెంట్లు పుష్కలంగా ఉండటం వల్ల అనేక ప్రయోజనాలు ఉన్నాయి.

నానబెట్టడం వల్ల గింజ యొక్క బయటి పొర మృదువుగా మరుతుంది. ముఖ్యంగా పెద్దలు లేదా చిన్న పిల్లలు ఈ పైపొరను తొలగించుకుని శులభంగా తినవచ్చు. బాదం యొక్క బయటి గోధుమ రంగులో ఉండే పొరలో ఫైటిక్ యాసిడ్ మరియు టానిన్లు ఉంటాయి. బాదంపప్పును నానబెట్టడం వల్ల ఈ రెండు యాంటీ న్యూట్రీషియన్స్ గింజలోని ఇతర స్వాభావిక పోషకాలకు అంతరాయం కలగకుండా చూస్తుంది. నానబెట్టిన బాదంపప్పు బయటి చేదు పొరను తొలగించడం వల్ల కూడా రుచిగా ఉంటుంది.

బాదంపప్పును క్రమం తప్పకుండా తీసుకోవడం వల్ల జీవక్రియను మెరుగుపరుస్తుంది మరియు తద్వారా బరువు తగ్గడం మరియు నిర్వహణలో సహాయపడుతుందని పరిశోధనలు సూచిస్తున్నాయి. శరీరంలోని చెడు కొలెస్ట్రాల్ కంటెంట్‌ను తగ్గించడంలో సహాయపడుతుంది. తక్కువ కాలరీల అల్పాహారంగా వీటిని తీసుకోవచ్చు. పోషకాహార అవసరాన్ని తీర్చటంతోపాటు ఊబకాయాన్ని నివారిస్తుంది. శరీరంలో నీటి బరువు మరియు కొవ్వు ద్రవ్యరాశిని తగ్గించడంలో కూడా సహాయపడుతుంది.

నానబెట్టిన బాదంపప్పులను తినడం చాలా ప్రయోజనకరంగా ఉండే మరో అంశం జీర్ణక్రియ. నానబెట్టిన బాదంపప్పు మొత్తం జీర్ణక్రియ ప్రక్రియను సులభతరం చేస్తుంది. పచ్చి బాదంపప్పులను తిన్నప్పుడు, బయటి గట్టి పొర జీర్ణం కావడం కష్టంగా ఉంటుంది. నానబెట్టిన బాదం లైపేస్ అనే లిపిడ్-బ్రేకింగ్ ఎంజైమ్‌ను విడుదల చేస్తుంది, ఇది ఆహారంలో ఉన్న కొవ్వులపై పని చేస్తుంది.తద్వారా శరీరం యొక్క జీర్ణవ్యవస్థకు సహాయపడుతుంది.

చాలా మంది వైద్యులు గర్భధారణ సమయంలో ఈ గింజలను తినాలని సూచిస్తుంటారు. నానబెట్టిన బాదంపప్పులను తీసుకోవటం వల్ల పుట్టుకతో వచ్చే గుండె లోపాలు, న్యూరల్ ట్యూబ్‌ల వంటి ప్రమాదాలను దూరం చేయడం ద్వారా శిశువు ఆరోగ్యంగా జన్మించేలా తోడ్పతాయి. పచ్చి బాదం ఫోలేట్‌లకు మంచి మూలం అయినప్పటికీ, నానబెట్టినప్పుడు, పోషకాల శోషణ శక్తి పెరుగుతుంది.

కొత్త మెదడు కణాలను ప్రోత్సహించడంలో సహాయపడే ఎల్-కార్నిటైన్ యొక్క గొప్ప మూలం బాదం. ఈ గింజలు ఫినిలాలనైన్‌లో కూడా పుష్కలంగా ఉంటాయి, ఇవి జ్ఞాపకశక్తిని , మొత్తం అభిజ్ఞా పనితీరును మెరుగుపరుస్తాయి. ఇంకా, విటమిన్లు E మరియు B6 ఉండటం వలన మెదడు కణాలకు ప్రోటీన్ ను అందిస్తాయి. బాదం లో ఒమేగా-3 మరియు ఒమేగా-6 ఫ్యాటీ యాసిడ్‌లు మెదడు అభివృద్ధికి సహాయపడతాయని సూచిస్తున్నాయి. నానబెట్టిన బాదం ఈ లక్షణాలను మెరుగుపరుస్తుంది. శరీరం పోషకాలను బాగా గ్రహించడంలో సహాయపడుతుంది.

బాదంపప్పులో పొటాషియం, ప్రొటీన్ మరియు మెగ్నీషియం పుష్కలంగా ఉంటాయి, ఇవి గుండె ఆరోగ్యానికి మేలు చేస్తాయి. బాదంపప్పును నానబెట్టినప్పుడు పోషకాలు మరింత అందుతాయి. నానబెట్టిన బాదం పొటాషియం మరియు రిబోఫ్లావిన్ యొక్క గొప్ప మూలం, ఇది శరీరం యొక్క జీవక్రియను మెరుగుపరుస్తుంది మరియు శక్తి స్థాయిలను పెంచుతుంది. రక్తంలో చక్కెర స్థాయిలను నియంత్రించడంలో బాదంపప్పులు మంచివి, తద్వారా మధుమేహాన్ని కొంతవరకు నివారించవచ్చు. అధ్యయనాల ప్రకారం, ఇది గ్లైసెమిక్ నియంత్రణను మెరుగుపరుస్తుంది.