Ajay Ghosh Chandini Chowdary Music Shop Murthy Movie Angrezi Beat Lyrical Song Released
Music Shop Murthy Song : పలు సినిమాల్లో క్యారెక్టర్ ఆర్టిస్ట్ గా మెప్పిస్తున్న అజయ్ ఘోష్ ఇప్పుడు మెయిన్ లీడ్ లో ఓ సినిమాతో రాబోతున్నారు. అజయ్ ఘోష్, చాందినీ చౌదరి ముఖ్య పాత్రల్లో ఫ్లై హై సినిమాస్ బ్యానర్ పై హర్ష గారపాటి, రంగారావు గారపాటి నిర్మాణంలో శివ పాలడుగు దర్శకత్వంలో తెరకెక్కిన సినిమా ‘మ్యూజిక్ షాప్ మూర్తి’. ఇప్పటికే ఈ సినిమా టీజర్ రిలీజ్ చేసి సినిమాపై ఆసక్తి పెంచారు.
Also Read : Balakrishna : ఎన్నికలు ముగిశాయి.. షూట్‌లో అడుగుపెడుతున్న బాలయ్య బాబు..
కంటెంట్ ఓరియెంటెడ్ సినిమాగా మ్యూజిక్ షాప్ మూర్తి రాబోతుంది. క్యాసెట్లు అమ్ముకునే ఓ పెద్దాయన డీజేగా ఎలా మారాడు అనే ఆసక్తికర కథాంశంతో ఈ సినిమా తెరకెక్కింది. త్వరలోనే ఈ సినిమా రిలీజ్ కాబోతుంది. తాజాగా మ్యూజిక్ షాప్ మూర్తి సినిమా నుంచి ‘అంగ్రేజీ బీట్..’ అంటూ అదిరిపోయే సాంగ్ ని విడుదల చేశారు. ఈ పాటలో డీజేగా మారి అజయ్ ఘోష్ అదరగొట్టేసారు. మీరు కూడా ఈ సాంగ్ వినేయండి..
ఇక ఈ పాటకు పవన్ సాహిత్యంతో పాటు సంగీతం అందించగా రాహుల్ సిప్లిగంజ్ పాటను పాడారు. మూవీ యూనిట్ ప్రమోషన్స్ తో బిజీగా ఉంది. ఈ సినిమాని పాన్ ఇండియా రిలీజ్ చేయాలని చూస్తున్నారు.
