Sri Satya
Sri Satya : సీరియల్స్ తో మంచి ఫేమ్ తెచ్చుకుంది శ్రీ సత్య. అంతకుముందే మిస్ విజయవాడగా లోకల్ లో పాపులారిటీ తెచ్చుకుంది. శ్రీ సత్య బిగ్ బాస్ తెలుగు సీజన్ 6 లో పాల్గొని మరింత వైరల్ అయింది. బిగ్ బాస్ తర్వాత శ్రీ సత్య యూట్యూబ్ లో సిరీస్ లు, సాంగ్స్, సీరియల్స్, సోషల్ మీడియాలో పోస్టులతో బిజీగానే ఉంది.(Sri Satya)
తాజాగా శ్రీ సత్య ఓ యూట్యూబ్ ఛానల్ కి ఇంటర్వ్యూ ఇవ్వగా తన లైఫ్ గురించి పలు ఆసక్తికర విషయాలు తెలిపింది. ఈ క్రమంలో తాను హీరోయిన్ గా ఒక సినిమా కూడా చేసానని తెలిపింది.
శ్రీ సత్య మాట్లాడుతూ.. మిస్ విజయవాడ అయ్యాక టీవీలో ట్రై చేద్దామని వచ్చాను. అలా ఛాన్సుల కోసం ట్రై చేస్తున్నప్పుడే హీరోయిన్ గా సినిమా ఛాన్స్ వచ్చింది. ఆ సినిమా కోసం 33 రోజులు ఎండలో గోదావరిలో పనిచేశాను. నాకు అదే ఫస్ట్ సినిమా. యాక్టింగ్ చాలా కష్టంగా ఉండేది. ఆ సినిమా డైరెక్టర్ నాకు అన్ని నేర్పించాడు. చాలా కష్టంగా అనిపించేది. యాక్టింగ్, సినిమా వద్దు వెళ్ళిపోదాం అని మా అమ్మతో అనేదాన్ని. కానీ ఆ సినిమా డైరెక్టర్ – నిర్మాత గొడవ పడి సినిమా ఆగిపోయింది. అలా హీరోయిన్ గా చేసిన సినిమా బయటకు రాలేదు అని తెలిపింది.
