Buchi Babu Sana: ప్రభాస్- అఖిల్.. బుచ్చిబాబు మాస్టర్ ప్లాన్.. క్రేజీ ప్రాజెక్టుపై త్వరలోనే అనౌన్స్ మెంట్?

రామ్ చరణ్ తో పెద్ది తరువాత దర్శకుడు బుచ్చిబాబు(Buchi Babu Sana) చేయబోయే సినిమా గురించి క్రేజీ అప్డేట్ త్వరలోనే రానుంది.

Buchi babu sana next movie with prabhas or akhil akkineni

• పెద్ది తరువాత బుచ్చిబాబు క్రేజీ ప్రాజెక్ట్స్
• ప్రభాస్ తో ఒకటి, అఖిల్ తో ఒకటి
• త్వరలోనే అధికారిక ప్రకటన రానుంది.

Buchi Babu Sana: ఉప్పెన సినిమాతో టాలీవుడ్ ఇండస్ట్రీలో తనకంటూ ప్రత్యేకమైన స్థానాన్ని క్రియేట్ చేసుకున్నాడు బుచ్చి బాబు సన. యూత్ ఫుల్ అండ్ ఎమోషనల్ ఎంటర్టైనర్ గా వచ్చిన ఈ సినిమా భారీ విజయాన్ని సాధించింది. ఇక ఈ సినిమా తరువాత బుచ్చిబాబు చేస్తున్న సినిమా పెద్ది. మెగా పవర్ స్టార్ రామ్ చరణ్ హీరోగా వస్తున్న ఈ సినిమాలో జాన్వీ కపూర్ హీరోయిన్ గా నటిస్తోంది. భారీ అంచనాలు ఉన్న ఈ సినిమా ఏప్రిల్ 30న ప్రేక్షకుల ముందుకు రానుంది.

Sreeleela: ఇకనుంచి గోల్డెన్ లెగ్ శ్రీలీల.. ట్రోలర్స్ కి కౌంటర్ ఇచ్చిన హరీష్ శంకర్

ఈ నేపధ్యంలోనే బుచ్చిబాబు నెక్స్ట్ సినిమా గురించి ఒక క్రేజీ న్యూస్ సోషల్ మీడియాలో వైరల్ గా మారింది. అదేంటంటే, పెద్ది తరువాత సినిమా కోసం బుచ్చిబాబు(Buchi Babu Sana) రెండు అద్భుతమైన కథలను సిద్ధం చేసుకున్నాడట. అందులో ఒకటి ప్రభాస్ కోసం కాగా.. రెండవది అక్కినేని అఖిల్ కోసం అని టాక్ వినిపిస్తోంది. ఇటీవలే, ప్రభాస్ ని కలిసి ఆ కథను వినిపించాడట బుచ్చిబాబు. ఇక ప్రభాస్ కి కూడా కథ నచ్చడంతో వెంటనే ఒకే చెప్పేశాడని సమాచారం.

మరోపక్క, ప్రముఖ నిర్మాణ సంస్థ బుచ్చిబాబుకి బంపర్ ఆఫర్ ఇచ్చిందట. తమ నెక్స్ట్ సినిమాను అఖిల్ తో చేయాలనుకుంటున్నామని, అందుకోసం అద్భుతమైన కథను సిద్ధం చేయాల్సిందిగా చెప్పారట. దానికి, తగ్గట్టుగా కూడా బుచ్చిబాబు కథను చెప్పాడట. ఆ కథ కూడా ఒకే అయినట్టుగా తెలుస్తోంది. ఇలా, పెద్ది తరువాత రెండు క్రేజీ ప్రాజెక్టులను సిద్ధం చేసిపెట్టుకున్నాడు బుచ్చిబాబు. ప్రభాస్, అఖిల్ ఇద్దరిలో ఎవరు ముందు ఫ్రీ అయితే వారితో సినిమా చేసేందుకు ప్లాన్ చేసుకుంటున్నాడు. మరి ఈ ఇద్దరి స్టార్స్ లో ఎవరితో బుచ్చిబాబు తన నెక్స్ట్ సినిమా చేస్తాడు అనేది తెలియాలంటే అధికారిక ప్రకటన వచ్చే వరకు ఆగాల్సిందే.