Lucky Baskhar : బాక్సాఫీస్ వ‌ద్ద దుల్కర్ సల్మాన్ మూవీ దూకుడు.. ఐదు రోజుల్లో ‘ల‌క్కీ భాస్క‌ర్’ ఎంత క‌లెక్ట్ చేసిందో తెలుసా?
మలయాళ స్టార్ హీరో దుల్కర్ సల్మాన్ మహానటి, సీతారామం సినిమాలతో తెలుగు ప్రేక్ష‌కుల‌కు ఎంతో ద‌గ్గ‌ర అయ్యారు.
- Thota Vamshi Kumar
- Updated on- November 5, 2024 / 01:16 PM IST
Dulquer Salmaan Lucky Baskhar Movie Five Days Collections
మలయాళ స్టార్ హీరో దుల్కర్ సల్మాన్ మహానటి, సీతారామం సినిమాలతో తెలుగు ప్రేక్ష‌కుల‌కు ఎంతో ద‌గ్గ‌ర అయ్యారు. ఆయ‌న న‌టించిన మూవీ ల‌క్కీ భాస్క‌ర్. వెంకీ అట్లూరి ద‌ర్శ‌క‌త్వంలో తెర‌కెక్కిన ఈ చిత్రం అక్టోబ‌ర్ 31న రిలీజ్ అయింది. తొలి షో నుంచే పాజిటివ్ టాక్‌కు తెచ్చుకుంది. ఇక బాక్సాఫీస్ వ‌ద్ద క‌లెక్ష‌న్ల సునామీ సృష్టిస్తోంది. విడుద‌లైన ఐదు రోజుల్లోనే ప్ర‌పంచ వ్యాప్తంగా 61.4 కోట్ల గ్రాస్ వ‌సూళ్ల‌ను రాబ‌ట్టింది.
ఈ విష‌యాన్ని తెలియ‌జేస్తూ చిత్ర బృందం ఓ స్పెష‌ల్ పోస్ట‌ర్‌ను అభిమానుల‌తో పంచుకుంది. మెగా బ్లాక్ బాస్ట‌ర్ అంటూ రాసుకొచ్చింది. ప్ర‌స్తుతం ఈ చిత్ర క‌లెక్ష‌న్లు స్టడీగా ఉన్నాయి.
మీనాక్షి చౌద‌రి క‌థ‌నాయిక‌గా న‌టించిన ఈ చిత్రాన్ని శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్‌, ఫార్చూన్‌ఫోర్ సినిమాస్‌ బ్యానర్స్ పై సూర్యదేవర నాగవంశీ, సాయి సౌజన్య లు నిర్మించారు.
సాయి కుమార్, సచిన్ ఖేడేకర్ కీల‌క పాత్ర‌ల‌ను పోషించారు. బ్యాంకింగ్‌ నేప‌థ్యంలో ఈ చిత్రం రూపుదిద్దుకుంది.
Unstoppable 4 : హీరో సూర్య ఫోన్ నంబర్‌ను ఆయ‌న త‌మ్ముడు కార్తి ఏమ‌ని సేవ్ చేసుకున్నాడో తెలుసా?