Interesting news about Prabhas-Sandeep Reddy Vanga Spirit movie is going viral
Spirit: పాన్ ఇండియా స్టార్ ప్రభాస్ తన కెరీర్ లోనే ఎప్పుడు లేనంత బిజీగా ఉంటున్నాడు. ఒకటి కాదు రెండు కాదు ఏకంగా 5 భారీ సినిమాలను లైన్లో పెట్టాడు. వరుసగా షూటింగ్ లో పాల్గొంటూ క్షణం కూడా తీరిక లేకుండా పని చేస్తున్నాడు. వాటిలో ప్రస్తుతం ఆయన షూటింగ్స్ చేస్తున్న సినిమాలు మూడు ఉన్నాయి. రాజా సాబ్, ఫౌజీ, స్పిరిట్. అయితే, ఈ మూడు సినిమాల్లో కూడా స్పిరిట్(Spirit) సినిమాపై మాత్రం ఒక రేంజ్ లో అంచనాలు నెలకొన్నాయి. దానికి కారణం ఈ సినిమాకు దర్శకుడు సందీప్ రెడ్డి వంగా కావడమే. వైలెన్స్ సినిమాలు చేయడంలో సందీప్ రెడ్డి వంగా రూటే వేరు.
Peddi: భారీ ధరకు అమ్ముడైన పెద్ది ఓటీటీ రైట్స్.. ఇది ఆల్ టైం రికార్డ్.. ఇది కదా రామ్ చరణ్ రేంజ్..
ఆయన గత సినిమాలు చూస్తే ఆ విషయం క్లియర్ గా అర్థమవుతుంది. అలాగే, ఇప్పుడు స్పిరిట్ సినిమాలో ప్రభాస్ ను ఎంత వైలెంట్ గా చూపిస్తాడు అనే క్యూరియాసిటీ అందరిలోనూ నెలకొంది. అందుకే ఈ సినిమా గురించి వినిపిస్తున్న చిన్న న్యూస్ అయినా క్షణాల్లో వైరల్ అవుతోంది. ఇక సందీప్ రెడ్డి వంగా గురించి, ఆయన వర్కింగ్ స్టైల్ గురించి ప్రత్యేకంగా చెప్పుకోవాల్సిన అవసరం లేదు. మేకింగ్ విషయంలో, హీరోల లుక్ విషయంలో, స్టైలింగ్ విషయంలో చాలా పర్టిక్యులర్ గా ఉంటారు. ఇప్పుడు స్పిరిట్ విషయంలో కూడా అదే మైంటైన్ చేయాలనీ ఫిక్స్ అయ్యాడట సందీప్.
స్పిరిట్ సినిమా రెగ్యులర్ షూటింగ్ ఇటీవలే మొదలైన విషయం తెలిసిందే. సినిమాలో ప్రభాస్ లుక్ ఆయన గత సినిమాలకు సంబంధం లేకుండా ఉంటుందట. చాలా స్టయిలీష్ గా ఉండేలా ప్రభాస్ లుక్ సెట్ చేశాడట సందీప్. అందుకే, సినిమా రిలీజ్ అయ్యేంత వరకు లుక్ ఎక్కడ రివీల్ కాకుండా ఉండేలా కండీషన్స్ పెట్టాడట సందీప్ రెడ్డి వంగా. పబ్లిక్ ఫంక్షన్స్, సినిమా ఈవెంట్స్ లాంటి వాటికి అటెండ్ కావొద్దు అంటూ స్ట్రాంగ్ వార్నింగ్ ఇచ్చాడట. అలాగే చిత్ర యూనిట్ కి కూడా అదే వార్నింగ్ ఇచ్చాడట సందీప్. మూవీ నుంచి స్టిల్స్ లీక్ అవడం లాంటివి జరిగితే పరిస్థితులు దారుణంగా ఉంటాయని చెప్పాడట. దీంతో ఈ న్యూస్ ఇప్పుడు ఇండస్ట్రీ వర్గాల్లో హాట్ టాపిక్ గా మారింది. మరి ప్రభాస్ లుక్ ను ఎంతకాలం బయటకు రాకుండా దాచి ఉంచుతారు అనేది చూడాలి.
