Kajal Aggarwal Satyabhama movie second song released by sing by MM Keeravani
Satyabhama Movie Song : కాజల్ అగర్వాల్(Kajal Aggarwal) పెళ్లి తర్వాత అడపాదడపా సినిమాలు చేస్తున్న సంగతి తెలిసిందే. త్వరలో కాజల్ అగర్వాల్ లేడీ ఓరియెంటెడ్ గా చేసిన సత్యభామ సినిమా రిలీజ్ కాబోతుంది. ఇప్పటికే ఈ సినిమా గ్లింప్స్, సాంగ్ రిలీజ్ చేసి ఆసక్తి పెంచారు. తాజాగా సత్యభామ సినిమా నుంచి మరో పాటని విడుదల చేశారు. హైదరాబాద్ లో సత్యభామ మ్యూజికల్ ఈవెనింగ్ నిర్వహించి ‘వెతుకు వెతుకు..’ అనే పాటని రిలీజ్ చేశారు.
ఈ సాంగ్ లాంచ్ ఈవెంట్లో మ్యూజిక్ డైరెక్టర్ శ్రీ చరణ్ పాకాల, అండ్ టీమ్ లైవ్ ఆర్కిస్ట్రాలో పాటలతో అదరగొట్టారు. ఈ పాటని చంద్రబోస్ రాయగా శ్రీచరణ్ పాకాల సంగీత దర్శకత్వంలో కీరవాణి పాడటం విశేషం. అమ్మాయిలపై జరుగుతున్న హత్యాయత్నాల నేపథ్యంలో.. బాధిత యువతులను చూసి, నేరస్తులను పట్టుకోవడానికి పోలీసాఫీసర్ సత్యభామ ప్రయత్నిస్తున్న నేపథ్యంలో సినిమాలో ఈ సాంగ్ వస్తుందని తెలుస్తుంది. ఈ ఇన్ స్పైరింగ్ సాంగ్ మీరు కూడా వినేయండి..
ఇక ఈ సాంగ్ లాంచ్ ఈవెంట్ లో కాజల్ అగర్వాల్ మాట్లాడుతూ.. ఈ వెతుకు వెతుకు.. నా సోలో సాంగ్. సత్యభామగా నటించడం చాలా ఛాలెంజింగ్ అనిపించింది. ఇలాంటి క్యారెక్టర్ చేయడం నా కెరీర్ లో మొదటిసారి. ఈ సినిమా నా కెరీర్ లో ఓ స్పెషల్ ప్రాజెక్ట్ గా నిలుస్తుంది. నేను బిడ్డకు జన్మనిచ్చిన తర్వాత చేసిన సినిమా ఇది. ఈ కథ చాలా పర్పస్ ఫుల్ గా, పవర్ ఫుల్ గా అనిపించింది. అమ్మాయిలు తప్పకుండా ఈ సినిమా చూడాలి. అమ్మాయిలు షీ సేఫ్ యాప్ ను ఎలా ఉపయోగించాలి, ఎలా సేఫ్ గా ఉండాలి అనేది సినిమాలో చూపించాం. సత్యభామ క్యారెక్టర్ కండబలంతో పాటు బుద్ధిబలం కూడా చూపిస్తుంది అని తెలిపింది.
ఇక ఈ సినిమాలో కాజల్ అగర్వాల్ లీడ్ రోల్ లో నటిస్తుండగా నవీన్ చంద్ర కీలక పాత్ర పోషిస్తున్నాడు. ఈ సినిమాని అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తుండగా మేజర్ సినిమా డైరెక్టర్ శశికిరణ్ తిక్క సమర్పకులుగా వ్యవహరిస్తూ స్క్రీన్ ప్లే అందించగా సుమన్ చిక్కాల డైరెక్షన్ లో తెరకెక్కుతుంది. త్వరలోనే ఈ సినిమా రిలీజ్ అవ్వనుంది.
