Mahesh Babu emotional review on Alia Bhatt Poacher web series
Mahesh Babu : సూపర్ స్టార్ మహేష్ బాబు ఈ ఏడాది స్టార్టింగ్ లో ‘గుంటూరు కారం’ సినిమాతో ఆడియన్స్ ముందుకు వచ్చారు. మళ్ళీ ఆయన్ని స్క్రీన్ పై ఎప్పుడు చూస్తామో అనే క్లారిటీ ఏ ఒక్కరికి లేదు. ఎందుకంటే.. మహేష్ తన తదుపరి సినిమాని రాజమౌళితో చేస్తుండడం. జక్కన్నతో సినిమా అంటే.. అది ఏళ్ళు పట్టేస్తుంది. ప్రస్తుతం మహేష్ బాబు ఈ మూవీ ప్రీ ప్రొడక్షన్ వర్క్స్ లో ఉన్నట్లు సమాచారం.
ఇది ఇలా ఉంటే, మహేష్ బాబు రీసెంట్ గా ఓ వెబ్ సిరీస్ ని చూశారట. ఆ సిరీస్ ని చూడడమే కాదు దాని గురించి రివ్యూ ఇస్తూ.. తన ఇన్‌స్టాలో ఓ పోస్టు కూడా వేశారు. ఆ వెబ్ సిరీస్ ఏంటంటే.. మలయాళ ఫారెస్ట్ క్రైమ్ థిల్లర్ ‘పోచర్’. కేరళ అడవుల్లో జరిగిన ఒక నిజమైన కథని ఆధారంగా తీసుకోని ఈ చిత్రాన్ని రూపొందించారు. కేరళ అడవుల్లో ఉన్న ఏనుగులను చంపి వాటి దంతాలతో కొందరు నేరస్థుల వ్యాపారం చేస్తుంటారు.
Also read : Varun Tej : ఆ సినిమా కోసం లావణ్యతో పెళ్లిని.. రెండుసార్లు వాయిదా వేసుకున్న వరుణ్..
ఇక నేరస్థుల ముఠాని పట్టుకోవడానికి కేరళ పోలీసులు, కొందరు ఎన్జీఓలో చేసిన ప్లానింగ్‌నే.. ఈ సిరీస్ గా రూపొందించారు. ఈ సిరీస్ కి అలియా భట్ ఎగ్జికుటివ్ ప్రొడ్యూసర్ గా వ్యవహరించారు. ఎనిమిది ఎపిసోడ్స్ తో ఫిబ్రవరి 23 అమెజాన్ ప్రైమ్ లో రిలీజైన ఈ సిరీస్‌కి ఆడియన్స్ నుంచి మంచి రెస్పాన్స్ వచ్చింది. ఇక తాజాగా ఈ సిరీస్ ని చూసిన మహేష్ బాబు.. తన రివ్యూని తెలియజేసారు.
“ఏనుగులను అలా ఎలా చంపేస్తారు..? అలా చేస్తున్నప్పుడు వారి చేతులు వణకవా..? అలా చేసే వారిలో హ్యుమానిటీ ఉండదా..? ఈ సిరీస్ చూస్తున్నప్పుడు నా మైండ్ లో ఇవే క్వశ్చన్స్ రన్ అయ్యాయి. ఈ జెంటిల్ జెయింట్స్ ని కాపాడుకునేందుకు ప్రతి ఒక్కరు పోరాడాలి” అంటూ ఎమోషనల్ అవుతూ రివ్యూ ఇచ్చారు. ప్రస్తుతం ఈ పోస్టు నెట్టింట వైరల్ అవుతుంది. మరి ఈ రివ్యూ పై అలియా భట్ ఏమైనా రియాక్ట్ అవుతుందేమో చూడాలి.
