Kalki two Days Collections : క‌ల్కి రెండు రోజుల క‌లెక్ష‌న్స్ ఎంతో తెలుసా..?

Prabhas Kalki 2898 Ad Movie Two Days Collections

రెబ‌ల్ స్టార్ ప్ర‌భాస్ హీరోగా నాగ్ అశ్విన్ ద‌ర్శ‌క‌త్వంలో తెర‌కెక్కిన చిత్రం కల్కి 2898AD. గురువారం ఈ చిత్రం ప్రేక్ష‌కుల ముందుకు వ‌చ్చింది. విడుద‌లైన అన్నిచోట్ల పాజిటివ్ టాక్‌తో దూసుకుపోతూ బాక్సాఫీస్ వ‌ద్ద క‌లెక్ష‌న్ల సునామీ సృష్టిస్తోంది. రెండు రోజుల్లోనే ఈ చిత్రం ప్ర‌పంచ వ్యాప్తంగా 298.5 కోట్ల గ్రాస్‌ను వ‌సూలు చేసింది. ఈ విష‌యాన్ని చిత్ర బృందం పోస్ట‌ర్ ద్వారా తెలియ‌జేసింది. మొద‌టి రోజు (గురువారం ) ఈ మూవీ 191.5 కోట్లు క‌లెక్ట్ చేసిన సంగ‌తి తెలిసిందే.

అదిరిపోయే యాక్షన్ సీన్స్, మహాభారతం విజువల్స్, ఎమోషన్ ఇలా అన్ని అంశాలతో తెర‌కెక్కిన ఈ మూవీ ప్రేక్ష‌కుల‌ను మెప్పించింది. ఈ కలియుగాంతానికి, మహాభారతానికి లింక్ పెట్టి నాగ్ అశ్విన్ అదిరిపోయే చిత్రాన్ని తీశాడ‌ని అంటున్నారు. మొత్తంగా ఈ సినిమాకు ప్రేక్ష‌కుల నుంచి మంచి స్పంద‌న వ‌స్తుంది.

Kalki Part 2 Update : కల్కి పార్ట్ 2 ఆల్రెడీ 60 శాతం షూటింగ్ అయిపొయింది.. అదిరిపోయే అప్డేట్ ఇచ్చిన నిర్మాత..

వైజయంతీ మూవీస్ బ్యానర్‌పై అశ్వినీదత్ భారీ బ‌డ్జెట్‌తో ఈ మూవీని నిర్మించారు. ఈ చిత్రానికి సంతోష్ నారాయణన్ మ్యూజిక్ అందించాడు. దీపికా పదుకోన్, అమితాబ్ బచ్చన్, కమల్ హాసన్, దిశా పటాని, శోభన, విజయ్ దేవరకొండ, దుల్కర్ సల్మాన్, అన్నా బెన్, మాళవిక నాయర్, బ్రహ్మానందం, రాజేంద్రప్రసాద్ లు కీల‌క పాత్ర‌లు పోషించారు.