Prabhas Spirit Movie Begins with Pooja Programs
Spirit; పాన్ ఇండియా స్టార్ ప్రభాస్, డైనమిక్ డైరెక్టర్ సందీప్ రెడ్డి వంగ కాంబోలో వస్తున్న సినిమా స్పిరిట్(Spirit). చాలా కాలం క్రితమే అధికారిక ప్రకటన వచ్చిన ఈ సినిమా రెగ్యులర్ షూటింగ్ మాత్రం మొదలవలేదు. ప్రభాస్ ఫ్యాన్స్ కూడా ఈ సినిమా కోసం చాలా కాలంగా ఎదురుచూస్తున్నారు. ఎట్టకేలకు ఈ సినిమా పూజ కార్యక్రమాలతో మొదలయ్యింది. నవంబర్ 23న జరిగిన ఈ కార్యక్రమానికి మెగాస్టార్ చిరంజీవి చీఫ్ గెస్ట్ గా హాజరయ్యారు. ఇంకా ఈ కార్యక్రమంలో దర్శకుడు సందీప్ రెడ్డి వంగా, ఆయన అన్న ప్రణయ్ రెడ్డి, హీరోయిన్ త్రిప్తి డిమ్రీ, భూషణ్ కుమార్ పాల్గొన్నాను.
దీనికి సంబందించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ అప్డేట్ తో ప్రభాస్ ఫ్యాన్స్ ఆనందం వ్యక్తం చేస్తున్నారు. పాన్ ఇండియా లెవల్లో భారీగా తెరకెక్కుతున్న ఈ సినిమాకు హర్షవర్ధన్ రామేశ్వర్ మ్యూజిక్ అందిస్తున్నాడు. ప్రస్తుతం ఉన్న సమాచారం మేరకు స్పిరిట్ సినిమా 2026 ఎండింగ్ లో లేదా 2027 సమ్మర్ కి ప్రేక్షకుల ముందుకు వచ్చే అవకాశం ఉంది.
