pranita
Pranitha Subhash : కన్నడ సినిమాతో వెండితెరకి పరిచయమైన హీరోయిన్ ‘ప్రణీత’. తెలుగులోకి ‘ఏం పిల్లో ఏం పిల్లాడో’ సినిమాతో ఎంట్రీ ఇచ్చిన ఈ భామ.. టాలీవుడ్ లోని స్టార్ హీరోల పక్కన నటించే ఛాన్స్ లు అందిపుచ్చుకుంది. పవన్ కళ్యాణ్, మహేష్ బాబు, ఎన్టీఆర్.. ఇలా టాప్ స్టార్స్ కి జోడిగా నటించింది. తెలుగు, తమిళ, కన్నడ, హిందీ భాషల్లో వరుస సినిమాలు చేస్తున్న ఈ ముద్దుగుమ్మ 2021లో పెళ్లి చేసుకొని అందరికి షాక్ ఇచ్చింది. 2022లో ఒక పాపకి జన్మనిచ్చి తల్లి కూడా అయ్యింది. దీంతో ప్రణీత ఇక సినిమాలకు గుడ్ బై చెప్పేస్తుంది అనుకున్నారు.
Pranitha Subhash : తల్లి అయిన తర్వాత మొదటిసారి బోల్డ్ ఫోటోలు షేర్ చేసిన హీరోయిన్ ప్రణీత
కానీ గత కొంత కాలంగా వరుస ఫోటోషూట్ లు చేస్తూ సోషల్ మీడియాలో పోస్ట్ చేస్తూ హల్ చల్ చేస్తుంది. ఈ ఫొటోలతో తాను సినిమాలకు దూరం కాలేదు అని ప్రేక్షకులతో పాటు మేకర్స్ కి కూడా ఒక క్లారిటీ ఇచ్చింది ప్రణీత. దీంతో ఇప్పుడు ఆఫర్లు వెతుకుంటూ ప్రణీత దగ్గరకి వస్తున్నాయి. ఈ క్రమంలోనే మలయాళ స్టార్ హీరో పక్కన నటించే అవకాశం కొట్టేసింది. మలయాళ హీరో దిలీప్ 148వ సినిమాలో ప్రణీతని ఎంపిక చేశారు చిత్ర యూనిట్. ఈ విషయాన్ని ప్రణీత తన సోషల్ మీడియా ద్వారా తెలియజేసింది.
తల్లి అయ్యాక ప్రణీతకి ఇది మొదటి సినిమా. అంతేకాదు ఈ చిత్రంతో మొదటిసారి మలయాళ సినీ పరిశ్రమలోకి అడుగుపెడుతుంది. ఈ మూవీ లాంచ్ ఈవెంట్ గ్రాండ్ గా జరిగింది. ఈ ఈవెంట్ కి తమిళ హీరో జీవ కూడా హాజరయ్యాడు. నిజ జీవితంలో జరిగిన కొన్ని యదార్ధ సంఘటనల ఆధారంగా ఈ సినిమా తెరకెక్కింది. ఈ మూవీని సూపర్ గుడ్ ఫిల్మ్స్ మరియు ఐఫార్ మీడియా సంయుక్తంగా నిర్మిస్తున్నాయి. రతీష్ రఘునందన్ ఈ చిత్రానికి దర్శకత్వం వహిస్తున్నాడు. మరి ఈ సెకండ్ ఇన్నింగ్స్ లో ప్రణీత సక్సెస్ అవుతుందో లేదో చూడాలి.
