Samantha
Samantha Item Song Controversy : పుష్ప సినిమాను అడ్డుకొనేందుకు సిద్ధమౌతోంది భార్య బాధితుల సంఘం. ఈ సినిమాలో ‘హు అంటావా..మామ’ పాటపై సంఘంలోని సభ్యులు అభ్యంతరం వ్యక్తం చేస్తున్నారు. వెంటనే ఆ పాటను తొలగించాలని డిమాండ్ చేస్తున్నారు. లేనిపక్షంలో సినిమా ప్రదర్శనను అడ్డుకుంటామని హెచ్చరించారు. మగ జాతి మొత్తం వంకర బుద్ధి అని రాయడంపై అభ్యంతరం వ్యక్తం చేశారు. పాట తొలగించే వరకు పోరాడుతామన్న నేతలు స్పష్టం చేస్తున్నారు.
Read More : AP PRC : పీఆర్సీపై చర్చలు సఫలం.. ప్రభుత్వ ఉద్యోగ సంఘాల ఆందోళన విరమణ
2021, డిసెంబర్ 17వ తేదీ శుక్రవారం పుష్ప ప్రపంచవ్యాప్తంగా రిలీజ్ అయ్యింది. ఐకానిక్‌ స్టార్ అల్లు అర్జున్, క్రియేటివ్‌ డైరెక్టర్‌ సుకుమార్‌ కాంబినేషనల్ లో రూపొందింది. ఏడు భాషల్లో వచ్చిన ఈ సినిమాలో అల్లు అర్జున్ డిఫరెంట్ రోల్ పోషించారు. ఎర్రచందనం స్మగ్లింగ్ నేపథ్యంలో రూపొందింది. పుష్పరాజ్ గా కనిపించనున్న బన్నీ సరసన….రష్మిక మందన్నా హీరోయిన్ గా నటించారు.
ఈమె పల్లెటూరి పాత్రలో ఆకట్టుకోనున్నారు. స్టార్ హీరోయిన్ సమంత…ఓ స్పెషల్ సాంగ్ లో నటించారు. ఇప్పటికే ఈ సాంగ్ యూ ట్యూబ్ లో తెగ ట్రెండ్ అవుతోంది. ఐటెమ్ సాంగ్ కుర్రకారును ఓ ఊపు ఊపేస్తోంది. కానీ..ఇదే పాటపై అభ్యంతరాలు వ్యక్తమౌతున్నాయి. అనసూయ ఒక డిఫరెంట్ పోషిస్తున్నారు. ఫహద్ ఫాజిల్, సునీల్ లు విలన్ పాత్రలు పోషిస్తున్నారు. మైత్రీ మూవీస్, ముత్తంశెట్టి మీడియా సంయుక్తంగా పుష్ప మూవీని నిర్మించారు.
