Ram Charan Vs Nani : బుచ్చిబాబు సాన దర్శకత్వంలో రామ్ చరణ్ హీరోగా తెరకెక్కుతున్న ‘పెద్ది’ సినిమా నుంచి నేడు శ్రీరామ నవమి సందర్భంగా గ్లింప్స్ రిలీజ్ చేసారు. ఈ గ్లింప్స్ తో సినిమాపై మరిన్ని అంచనాలు పెరిగాయి. అయితే రిలీజ్ డేట్ కూడా ప్రకటించారు. పెద్ది సినిమాని వచ్చే సంవత్సరం శ్రీరామ నవమికి 2026 మార్చ్ 26న రిలీజ్ చేస్తామని ప్రకటించారు.
గేమ్ ఛేంజర్ అంతగా ఆడకపోవడంతో ఆ సినిమా తర్వాత వస్తున్న పెద్ది సినిమాపై భారీ అంచనాలు ఉన్నాయి. ఇప్పటికే ఈ సినిమా మూడు షెడ్యూల్స్ షూటింగ్ కూడా పూర్తయింది. పాటలు కూడా రెడీ చేసేసారు. ఈ సినిమాలో జాన్వీ కపూర్ హీరోయిన్ గా నటిస్తుంది. అయితే రామ్ చరణ్ సినిమా నాని సినిమా పోటీ పడనున్నాయి.
Also Read : Peddi : రామ్ చరణ్ ‘పెద్ది’ గ్లింప్స్ వచ్చేసింది.. రిలీజ్ డేట్ కూడా అనౌన్స్..
నాని ప్రస్తుతం వరుస హిట్స్ తో ఫుల్ ఫామ్ లో ఉన్నాడు. త్వరలో హిట్ 3 సినిమాతో రానున్నాడు. దసరా ఫేమ్ డైరెక్టర్ శ్రీకాంత్ ఓదెలతో నాని ‘ది ప్యారడైజ్’ అనే సినిమా చేస్తున్నాడు. కొన్ని రోజుల క్రితం ఈ సినిమా గ్లింప్స్ రిలీజ్ చేసారు. ఇది కూడా రా & రస్టిక్ లా ఉండనుంది. అయితే ప్యారడైజ్ సినిమా కూడా వచ్చే శ్రీరామనవమి 2026 మార్చ్ 26 న రిలీజ్ చేస్తామని ప్రకటించారు.
పెద్ది, ది ప్యారడైజ్ రెండు సినిమాలు పాన్ ఇండియా రిలీజ్ చేయనున్నారు. దీంతో బాక్సాఫీస్ వద్ద ఈ రెండు మాస్ సినిమాలు వచ్చే శ్రీరామ నవమికి పోటీ పడనున్నాయి. మరి నాని, రామ్ చరణ్ రెండు సినిమాలు ఒకే రోజు రిలీజ్ అవుతాయా? అప్పటికి ఇద్దరిలో ఎవరైనా వాయిదా వేసుకుంటారా చూడాలి.
