Chhatrapati Shivaji Maharaj : ఛత్రపతి శివాజీగా రిష‌బ్ శెట్టి.. ఫ‌స్ట్ లుక్ అదుర్స్‌.. మూవీ రిలీజ్ ఎప్పుడంటే

Chhatrapati Shivaji Maharaj first look

కాంతార మూవీతో పాన్ ఇండియా లెవ‌ల్‌లో మంచి గుర్తింపు తెచ్చుకున్నాడు క‌న్న‌డ హీరో రిష‌బ్ శెట్టి. ప్ర‌స్తుతం ఆయ‌న వ‌రుస సినిమాల‌తో బిజీగా ఉన్నాడు. ఆయ‌న న‌టిస్తున్న మూవీల్లో ‘ది ప్రైడ్ అఫ్ భారత్ : ఛత్రపతి శివాజీ మహారాజ్’ అనే మూవీ ఒక‌టి. ఈ చిత్రంలో ఆయ‌న ఛత్రపతి శివాజీగా క‌నిపించ‌నున్నారు. సందీప్ సింగ్ ఈ చిత్రానికి ద‌ర్శ‌క‌త్వం వ‌హిస్తున్నారు.

సోష‌ల్ మీడియా వేదిక‌గా ఈ విష‌యాన్ని చిత్ర బృందం తెలియ‌జేసింది. అంతేకాకుండా ఫ‌స్ట్ లుక్ పోస్ట‌ర్‌ను విడుద‌ల చేసింది. ఓ చేతిలో ఖ‌డ్గం ప‌ట్టుకుని ఓ వైపు సీరియ‌స్‌గా చూస్తున్న‌ట్లుగా ఉన్న రిష‌బ్ శెట్టి పోస్ట‌ర్ ఆక‌ట్టుకుంటోంది. ప్ర‌స్తుతం ఈ పోస్ట‌ర్ వైర‌ల్‌గా మారింది.

Pushpa 2 : పాటల్లోనూ పుష్ప ప్రభంజనం.. అప్పుడలా.. ఇప్పుడిలా..

అంతేకాదండోయ్ ఈ చిత్ర విడుద‌ల తేదీని సైతం ప్ర‌క‌టించారు. 2027 జ‌న‌వ‌రి 21న ఈ చిత్రాన్ని ప్రేక్ష‌కుల ముందుకు తీసుకురానున్న‌ట్లుగా వెల్ల‌డించారు.

Pushpa 2 : పుష్ప ఈవెంట్ లో సుక్కు భార్య కంటతడి.. భర్త సక్సెస్ చూసి..

శివాజీ మీద ఇప్పటికే చాలా సినిమాలు వ‌చ్చాయి. అయితే.. ఈ సినిమా మాత్రం నెవర్ బిఫోర్ తరహాలో ఉంటుందని ముంబై రిపోర్ట్. ఈ చిత్రంతో పాటు రిష‌బ్ శెట్టి ‘కాంతార 2’, ‘జై హ‌నుమాన్’ మూవీల్లో న‌టిస్తున్నారు. ఇందులో ‘కాంతార 2’ చిత్రం 2025లో ‘జై హ‌నుమాన్’ 2026లో విడుద‌ల కానున్నాయి.