Roshan Meka Announces His Next Projects On His Birthday
Roshan Meka: టాలీవుడ్‌లో విలక్షణ నటుడిగా, హీరోగా, విలన్‌గా తనకంటూ ప్రత్యేక గుర్తింపును తెచ్చుకున్న శ్రీకాంత్ ప్రస్తుతం ఎలాంటి పాత్ర ఇచ్చినా సినిమాలు చేస్తూ వెళ్తున్నాడు. ఇక ఆయన వారసుడిగా నిర్మలా కాన్వెంట్(2016) మూవీతో తెరంగేట్రం చేశాడు రోషన్. ఆ సినిమాతో మంచి గుర్తింపు తెచ్చుకున్న రోషన్, తన నెక్ట్స్ మూవీగా కె.రాఘవేంద్ర రావు పర్యవేక్షణలో గౌరీ రోణంకి దర్శకత్వంలో రొమాంటిక్ కామెడీ ఎంటర్‌టైనర్ మూవీ ‘పెళ్లిసందడి’లో హీరోగా నటించాడు. ఈ సినిమా ప్రేక్షకులను ఆకట్టుకోవడంలో మంచి విజయాన్ని అందుకుంది.
Roshan: పేరు మార్చుకున్న శ్రీకాంత్ కొడుకు.. ఇకనైనా కలిసొచ్చేనా?
అయితే ఆ తరువాత తన నెక్ట్స్ చిత్రాన్ని ఇంకా అనౌన్స్ చేయని రోషన్, తాజాగా తన బర్త్ డే సందర్భంగా అభిమానులు గుడ్ న్యూస్ చెప్పాడు. తన నెక్ట్స్ ప్రాజెక్టులను ఈ సందర్భంగా ఆయన అనౌన్స్ చేశాడు. ఈ యువ హీరో ఇప్పుడు వైజయంతీ మూవీస్ మరియు వేదాంష్ పిక్చర్స్ ప్రొడక్షన్స్‌లో తన తదుపరి సినిమాలతో రాబోతున్నాడు. వైదాంష్ పిక్చర్స్ బ్యానర్ తొలి ప్రొడక్షన్‌గా తెరకెక్కిస్తున్న ఈ సినిమాలో రోషన్ లుక్ చాలా రిఫ్రెషింగ్‌గా కనిపిస్తుంది.
Roshan : రెండో చిత్రాన్ని గ్రాండ్‌గా ప్లాన్ చేసిన రోషన్..
అటు ప్రెస్టీజియస్ బ్యానర్ వైజయంతీ మూవీస్ బ్యానర్‌లోనూ ఓ సినిమా చేయబోతున్నాడు రోషన్. ఈ సినిమాకు ‘ఛాంపియన్’ అనే ఇంట్రెస్టింగ్ టైటిల్‌ను పెట్టింది చిత్ర యూనిట్. ఇక ఈ సినిమాను నేషనల్ అవార్డ్ విన్నింగ్ డైరెక్టర్ ప్రదీప్ అద్వైత్ డైరెక్ట్ చేయనుండటంతో ఈ సినిమాపై అంచనాలు అప్పుడే క్రియేట్ అవుతున్నాయి. ఇలా ఒకేరోజున రెండు సినిమాలను అనౌన్స్ చేసిన రోషన్, మున్ముందు ఈ సినిమాలకు సంబంధించి ఇంకా ఎలాంటి అప్డేట్స్ ఇస్తాడో చూడాలి.
