Sarkaru Vaari Paata To Have Geetha Govindam Pokiri Elements
Sarkaaru Vaari Paata: టాలీవుడ్ సూపర్ స్టార్ మహేష్ బాబు నటిస్తున్న లేటెస్ట్ మూవీ ‘సర్కారు వారి పాట’ ఇప్పటికే షూటింగ్ పనులను ముగించుకుని పోస్ట్ ప్రొడక్షన్ పనులను ఫుల్ స్వింగ్‌లో జరుపుకుంటోంది. ఈ సినిమాను దర్శకుడు పరశురామ్ పెట్ల పూర్తిగా యాక్షన్ ఎంటర్‌టైనర్ మూవీగా తీర్చిదిద్దడంతో, ఈ సినిమాను ఎప్పుడెప్పుడు చూద్దామా అని మహేష్ ఫ్యాన్స్‌తో పాటు ప్రేక్షకులు కూడా ఆతృతగా చూస్తున్నారు. ఇక ఈ సినిమాలో మహేష్ అల్ట్రా స్టైలిష్ లుక్ ప్రేక్షకులను కట్టిపడేయడం ఖాయమని చిత్ర యూనిట్ ధీమా వ్యక్తం చేస్తోంది. అయితే ఈ ఈ సినిమాకు సంబంధించిన ప్రమోషన్స్‌ను చిత్ర యూనిట్ అప్పుడే మొదలుపెట్టింది.
Sarkaru Vaari Paata: ప్రమోషన్లు షురూ.. రంగంలోకి దిగనున్న మహేష్!
ఈ క్రమంలోనే ఎడిటర్ మార్తాండ్ కె వెంకటేష్ తాజాగా ఓ ఇంటర్వ్యూలో ‘సర్కారు వారి పాట’కు సంబంధించి పలు ఆసక్తికరమైన విషయాలను వెల్లడించాడు. ఈ సినిమాలో మహేష్ పర్ఫార్మెన్స్ మరో లెవెల్‌లో ఉంటుందని.. ఇప్పటివరకు మహేష్ కెరీర్‌లో ఇదే బెస్ట్ మూవీగా నిలుస్తుందని ఆయన అన్నారు. ఇక ఈ సినిమాలో మహేష్ సరసన కీర్తి సురేష్ చాలా చక్కగా నటించిందని.. వారిద్దరి కెమిస్ట్రీ చూస్తే ప్రేక్షకులు ముచ్చటపడతారని ఆయన తెలిపారు. ముఖ్యంగా సర్కారు వారి పాట ఫస్టాఫ్‌లో మహేష్-కీర్తి మధ్య నడిచే లవ్ ట్రాక్ చాలా ఫన్నీగా ఉంటుందని, ఎమోషన్స్ కూడా బాగా పండాయని ఆయన అన్నారు. అటు సెకండాఫ్‌లో సినిమా పూర్తిగా సీరియస్ మోడ్‌లోకి వెళ్లి యాక్షన్‌తో ప్రేక్షకులను కట్టిపడేస్తుందని ఆయన తెలిపారు.
Sarkaru Vaari Paata: మహేష్ ఫ్యాన్స్‌కు మెగా ట్రీట్..?
ఒకరకంగా సర్కారు వారి పాట సినిమా చూస్తుంటే, మనకు గీతా గోవిందం, పోకిరి సినిమాలు గుర్తుకు వస్తాయని.. ఈ రెండు సినిమాల్లోని షేడ్స్ మనకు ఇందులో కనిపిస్తాయని ఆయన ఈ సందర్భంగా అన్నారు. ఇలా సర్కారు వారి పాట సినిమాపై హీరో దగ్గర్నుండి, టెక్నీషియన్స్ వరకు అందరూ అంచనాలు పెంచుతుండటంతో ఈ సినిమా మహేష్ కెరీర్‌లో ఎలాంటి ఘన విజయాన్ని అందుకుంటుందా అని అందరూ ఆసక్తిగా చూస్తున్నారు. సమ్మర్ ట్రీట్‌గా ఈ సినిమాను మే 12న ప్రపంచవ్యాప్తంగా అత్యంత భారీ స్థాయిలో రిలీజ్ చేసేందుకు చిత్ర యూనిట్ రెడీ అవుతోంది.
