Kanguva Twitter Review : సూర్య ‘కంగువా’ ట్విట్ట‌ర్‌ రివ్యూ.. మూవీ హిట్టా? ఫ‌ట్టా? అంటే?

Suriya Kanguva Twitter Review

తమిళ స్టార్‌ హీరో సూర్య హీరోగా నటించిన మూవీ ‘కంగువా’. శివ ద‌ర్శ‌క‌త్వంలో భారీ బ‌డ్జెట్‌తో ఈ సినిమా తెర‌కెక్కింది. పీరియాడిక‌ల్ యాక్ష‌న్ ఫిలింగా తెర‌కెక్కిన ఈ చిత్రంలో బాలీవుడ్ న‌టులు దిశా ప‌టానీ, బాబీ డియోల్‌లు కీల‌క పాత్ర‌ల‌ను పోషించారు. స్టూడియో గ్రీన్‌, యూవీ క్రియేషన్స్‌ బ్యానర్‌లో నిర్మాత జ్ఞానవేల్‌ రాజా, వంశీ, ప్రమోద్‌లు భారీ బడ్జెట్‌తో ఈ చిత్రాన్ని నిర్మించారు. ఈ సినిమా నేడు (న‌వంబ‌ర్ 14న‌) ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చింది.

ఇప్ప‌టికే తెలుగు రాష్ట్రాల‌తో పాటు ప‌లు ప్రాంతాల్లో షోలు ప‌డ్డాయి. మ‌రి సోష‌ల్ మీడియా వేదిక‌గా కంగువాకు ఎలాంటి రెస్పాన్స్ వ‌స్తుందో ఓ సారి చూద్దాం. సూర్య ఖాతాలో హిట్ ప‌డిందా? లేదా? నెటిజ‌న్ల అభిప్రాయం ఏంటి అన్న‌ది చూద్దాం.. ఈ చిత్రంలో సూర్య యాక్టింగ్ అదిరిపోయింద‌ని అంటున్నారు. ఇక ఇంట్రక్ష‌న్ సీన్స్ నెక్స్ట్ లెవ‌ల్ అని, వీఎఫ్ఎక్స్‌, యాక్ష‌న్ సీన్స్ బాగున్నాయ‌ని అంటున్నారు. ఇక క్లైమాక్స్ ఆక‌ట్టుకుంటుంద‌ని చెబుతున్నారు. అయితే.. సినిమాలో కొన్ని చోట్ల నెమ్మ‌దించింద‌ని చెబుతున్నారు.