Telugu Classes for David Bhai
నితిన్ హీరోగా న‌టిస్తున్న చిత్రం రాబిన్ హుడ్. వెంకీ కుడుముల ద‌ర్శ‌క‌త్వంలో తెర‌కెక్కుతున్న ఈ చిత్రంలో శ్రీలీల క‌థానాయిక. ఆస్ట్రేలియా క్రికెటర్‌ డేవిడ్ వార్నర్ ఈ మూవీతోనే తెరంగేట్రం చేస్తున్నాడు. ఈ చిత్రం ఈ నెల 28న ప్రేక్ష‌కుల ముందుకు రానుంది.
ఈ నేప‌థ్యంలో ఆదివారం (మార్చి23న) ప్రీ రిలీజ్ వేడుకను ఎంతో ఘ‌నంగా నిర్వ‌హించిన సంగ‌తి తెలిసిందే. ఇప్ప‌టికే విడుద‌లైన టీజ‌ర్‌, ట్రైల‌ర్‌లు సినిమా పై అంచ‌నాల‌ను పెంచేశాయి. తాజాగా ఈ చిత్ర నిర్మాణ సంస్థ మైత్రీ మూవీ మేకర్స్ ఓ వీడియోను విడుద‌ల చేసింది.
ఈ వీడియోలో డేవిడ్ వార్న‌ర్‌కు హీరో నితిన్, హీరోయిన్ శ్రీలీల తెలుగు నేర్పిస్తున్నారు. ప్రీ రిలీజ్ ఈవెంట్‌లో వార్నర్ ఎలా మాట్లాలి అన్న విష‌యాల‌ను చెప్పారు. కాగా.. ఈ వీడియోలో నితిన్, శ్రీలీల లు తెలుగు నేర్పిస్తున్నాం అంటూ త‌మ‌ను పొగిడించుకున్నారు. ఈ విష‌యాన్ని వార్నర్ ప‌సిగ‌ట్ట‌డం విశేషం.
Mazaka : మన్మధుడు హీరోయిన్ రీ ఎంట్రీ సినిమా ఓటీటీలోకి వచ్చేస్తుంది.. ఎందులో? ఎప్పుడో తెలుసా?
జీవీ ప్ర‌కాశ్ కుమార్ సంగీతాన్ని అందిస్తుండ‌గా.. రాజేంద్ర‌ప్ర‌సాద్‌, వెన్నెల కిశోర్‌, షైన్ టామ్ చాకో కీల‌క పాత్ర‌ల‌ను పోషిస్తున్నారు.
ఇదిలా ఉంటే.. ఈ చిత్ర టికెట్ రేట్ల‌ను ఆంధ్ర‌ప్ర‌దేశ్‌లో పెంచుకునేందుకు ఏపీ ప్ర‌భుత్వం అనుమ‌తి ఇచ్చింది. వారం రోజుల పాటు సింగిల్ స్ర్కీన్ల‌లో ఒక్కొ టికెట్ పై రూ.50, మ‌ల్టీప్లెక్స్‌లో ఒక్కొ టికెట్ పై రూ.75ను పెంచుకునేందుకు గ్రీన్ సిగ్న‌ల్ ఇచ్చింది. ఈ మేర‌కు జీవో విడుద‌ల చేసింది.
